The Samikhsya Odia
ଜଂକିଆ: ଖୋର୍ଦ୍ଧା ଜିଲ୍ଲା ଜଂକିଆ ଥାନା ଛଣଗିରି ଗ୍ରାମ ପଂଚୁଦୋଳ ପଡିଆ ନିକଟରେ ଏକ ଅଭାବନୀୟ ଘଟଣା ଘଟିଛି। ଉଚ୍ଚ କ୍ଷମାତାସଂପନ୍ନ ୧୧ କେଭି ବିଦ୍ୟୁତ ତାର ସଂସ୍ପର୍ଶରେ ଆସି ଯୁବକଙ୍କ ମୃତ୍ୟୁ ହୋଇଛି। ମୃତକ ଜଣଙ୍କ ଛଣଗିରି ଗ୍ରାମର ସେକ ତାଲିମ ବୋଲି ଜଣାପଡିଛି।
ମୃତ ଦେହ ବର୍ତ୍ତମାନ ବିଦ୍ୟୁତ ଖୁଣ୍ଟରେ ଝୁଲି ରହିଥିବା ବେଳେ ଯୁବକ କଣ ପାଇଁ ବିଦ୍ୟୁତ ଖୁଣ୍ଟରେ ଚଢ଼ିଥିଲେ ତାହା ଜଣାପଡ଼ିନାହିଁ। ଖବର ପାଇ ବିଦ୍ୟୁତ ବିଭାଗ ଓ ଜଙ୍କିଆ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଦେଇଛି।
ଜଂକିଆ: ୧୬ ନମ୍ବର ଜାତୀୟ ରାଜପଥ ଜଂକିଆ ଥାନା ନିକଟରେ ଏକ ସଡକ ଦୁର୍ଘଟଣା ଘଟିଯାଇଛି। ଯେଉଁଥିରେ ୬ଟି ଗୋରୁ ମୃତ୍ୟୁବରଣ କରିଛନ୍ତି। ଗତକାଲି ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଥିବା ଜଣାପଡିଛି।
ସୂଚନା ଅନୁଯାୟୀ, ଗୋରୁଗୁଡିକ ଜାତୀୟ ରାଜପଥ ଉପରେ ଶୋଇଥିବା ବେଳେ କୌଣସି ଏକ ଅଜଣା ଗାଡି ଧକ୍କା ଦେବାରେ ୬ଟି ଗୋରୁ ମୃତ୍ୟୁ ବରଣ କରିଥିବା ସନ୍ଦେଶ କରାଯାଉଛି। ଦୁର୍ଘଟଣା ଘଟାଇବା ପରେ ଗାଡିଟି ପଳାଇଯାଇଥିବା ଜଣାପଡିଛି। ସ୍ଥାନୀୟ ଅଂଚଳ ଲୋକେ ଓ ଜାତୀୟ ରାଜପଥ କର୍ମଚାରୀ ଘଟଣା ସ୍ଥଳରେ ପହଞ୍ଚି ଗୋରୁ ଗୁଡିକକୁ ରାସ୍ତା ଉପରୁ ଉଦ୍ଧାର କରିଛନ୍ତି।