Tag: ଜଳଛତ୍ର

ବାଲୁଗାଁ: ବାଲୁଗାଁ ମହାବିଦ୍ୟାଳୟ ଜାତୀୟ ସେବା ଯୋଜନା ପକ୍ଷରୁ ଚିଲିକା କୂଳରେ ଆଜି ଜଳଛତ୍ର କାର୍ଯ୍ୟକ୍ରମ ର ଶୁଭାରମ୍ଭ କରାଯାଇଛି। ଚଳିତବର୍ଷ ରାଜ୍ୟରେ ମାତ୍ରାଧିକ ଗ୍ରୀଷ୍ମ ପ୍ରବାହ ଓ ବିଶେଷ ଭାବେ ଚିଲିକା କୂଳରେ ପାନୀୟ ଜଳର ଆବଶ୍ୟକତା ଅନୁଭବ କରି ଜାତୀୟ ସେବା ଯୋଜନାର କାର୍ଯ୍ୟକ୍ରମ ଅଧିକାରୀ ଡକ୍ଟର କୈଳାସ ଚନ୍ଦ୍ର ମହାରଣା ଓ ଅଧ୍ୟାପିକା ରୀନା ରାଉତଙ୍କ ନେତୃତ୍ୱରେ ଦହିପଣାର ଶୁଭାରମ୍ଭ ଅଧ୍ୟକ୍ଷ ଡଃ ଲକ୍ଷ୍ମୀ ଧର ସୁବୁଦ୍ଧି ଙ୍କ ଦ୍ୱାରା ହୋଇଯାଇଛି।

ଏହି କାର୍ଯ୍ୟକ୍ରମରେ ସ୍ଵେଚ୍ଛାସେବୀଙ୍କ ସହ ଅଧ୍ୟାପିକା ସ୍ୱାତୀ ସ୍ଵାଗତିକା ସାହୁ, କୀର୍ତ୍ତିମୟୀ ବାରିକ, ପ୍ରିୟମ୍ବଦା ମହାପାତ୍ର ଉପସ୍ଥିତ ରହି ପର୍ଯ୍ୟଟକ ଓ ପଥଚାରୀ ମାନଙ୍କୁ ପାନୀୟ ଜଳ ବିତରଣ କରିଥିଲେ। ସ୍ଵେଚ୍ଛାସେବୀ ପ୍ରଜ୍ଞାସ୍ମିତା ସାହୁ, ନୀଳକଣ୍ଠ ଦାସ, ରୁପାଲୀ ବିଶ୍ୱାଳ, ରବିନା ଦାସ, ସାଇନ ସୁବୁଦ୍ଧି ପ୍ରମୁଖ ଙ୍କ ସଂଯୋଜନାରେ ଆୟୋଜିତ ଏହି ଜଳଛତ୍ର କାର୍ଯ୍ୟକ୍ରମରେ ଯୁକ୍ତ ଦୁଇ ଅଧ୍ୟକ୍ଷ ସୁବାସ ଚନ୍ଦ୍ର ଶ୍ରୀଚନ୍ଦନ, ଡକ୍ଟର ସନ୍ତୋଷ କୁମାର ରଥ, ପ୍ରବୀଣ କୁମାର ଜେନା, ଝରଣା ନାଥ, ଶୁଭଦର୍ଶିନୀ ବିଶ୍ୱାଳ, ଶୁଚିସ୍ମିତା ମହାପାତ୍ର, ସୁଧାକର ନାୟକ, କ୍ଷୀରୋଦ ନାଥ ନାୟକ ପ୍ରମୁଖ ଉପସ୍ଥିତ ରହି ସ୍ଵେଚ୍ଛାସେବୀ ଓ ଅଧ୍ୟାପକ ଅଧ୍ୟାପିକା ମାନଙ୍କୁ ଉତ୍ସାହିତ କରିଥିଲେ।

ରଣପୁର: ପ୍ରଚଣ୍ଡ ତାତି କଲାଣି କଲବଲ। ଜଳୁଛି ସାରା ଓଡିଶା, ପ୍ରତିଦିନ ଭାଙ୍ଗୁଛି ତାତି ରେକର୍ଡ। ଆକାଶରୁ ବର୍ଷୁଛି ନିଆଁ ପିଣ୍ଡୁଳା। ଏହି ଭଳି ପରିସ୍ଥିତିରେ ପାଣି ପାଗ ବିଭାଗ ଲୋକମାନଙ୍କୁ ଘରୁ ନ ବାହାରିବା ପାଇଁ ବାରମ୍ବାର ସଚେତନ କରୁଛି। କିନ୍ତୁ ଲୋକମାନେ ପେଟ ପୋଷିବା ପାଇଁ ତଥା ଜରୁରୀ କାମରେ ବାହାରକୁ ଯିବା ପାଇଁ ବାଧ୍ୟ ହେଉଛନ୍ତି। ଏ ପଟେ ରାସ୍ତା ଉନ୍ନତିକରଣ ନାଁ ରେ ରାସ୍ତା କଡ଼ରୁ ଗଛଗୁଡିକୁ କାଟି ଦିଆ ଯାଇଛି। ଯାହା ଫଳରେ ତାପମାତ୍ରା ବଢିବା ଯୋଗୁଁ ବାଟୋଇମାନେ ଛାଇରେ ଟିକେ ଆଶ୍ରା ନେଇ ପାରୁ ନାହାନ୍ତି। ଶୋଷରେ ମଧ୍ୟ ଡହଳ ବିକଳ ହେଉଛନ୍ତି।

ଏହିଭଳି ପରିସ୍ଥିତିରେ ବାଟୋଇମାନଙ୍କ କଷ୍ଟକୁ ଲାଘବ କରିବା ପାଇଁ ରଣପୁର ଥାନା ପକ୍ଷରୁ ଥାନା ଅଧିକାରୀ ନିହାର ରଞ୍ଜନ ମହାନ୍ତିଙ୍କ ତତ୍ୱାବଧାନରେ ଥାନା ସମ୍ମୁଖରେ ଏକ ଜଳଛତ୍ର ଆଜି ଠାରୁ ଖୋଲା ଯାଇଛି। ଥାନା ଅଧିକାରୀ ଶ୍ରୀ ମହାନ୍ତି ନିଜେ ଉପସ୍ଥିତ ରହି ଲୋକମାନଙ୍କୁ ଥଣ୍ଡା ପାଣି ଓ ଦହି ସର୍ବତ ବାଣ୍ଟି ଥିଲେ। ଥାନାର ଅନ୍ୟ ସମସ୍ତ କର୍ମଚାରୀ ଉପସ୍ଥିତ ରହି ଜଳ ବଣ୍ଟନରେ ସାହାଯ୍ୟ କରିଥିଲେ। ସେହିଭଳି ଭାବେ ଚାନ୍ଦପୁର ଥାନା ପକ୍ଷରୁ ମଧ୍ୟ ଚାନ୍ଦପୁରରେ ଏକ ଜଳଛତ୍ର ଖୋଲା ଯାଇଛି।

ଉଲ୍ଲେଖ ଥାଉ କି ଆଜି ରଣପୁର ଅଂଚଳରେ ୪୦ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିବା କୁହାଯାଇଛି।