ନୂଆଦିଲ୍ଲୀ: ଅଲିମ୍ପିକ୍ ଚାମ୍ପିଅନ୍ ନୀରଜ ଚୋପ୍ରା ପ୍ରଥମ ଥର ପାଇଁ ବିଶ୍ୱ ଆଥଲେଟିକ୍ସ ଚାମ୍ପିଅନସିପ୍ ର ଜାଭେଲିନ୍ ଥ୍ରୋ ଇଭେଣ୍ଟର ଫାଇନାଲରେ ପ୍ରବେଶ କରିଛନ୍ତି। ଆମେରିକାରେ ଚାଲିଥିବା ଏହି ଚାମ୍ପିୟନଶିପ୍ର ଗ୍ରୁପ୍ ରାଉଣ୍ଡର ପ୍ରଥମ ପ୍ରୟାସରେ ସେ ୮୮.୩୯ ମିଟର ଜାଭେଲିନ୍ ଫିଙ୍ଗି ଫାଇନାଲ ପାଇଁ ଟିକେଟ୍ ସୁରକ୍ଷିତ କରିଥିଲେ। ୨୪ ବର୍ଷୀୟ ନୀରଜଙ୍କ ଏହା ତୃତୀୟ ଶ୍ରେଷ୍ଠ ପ୍ରଦର୍ଶନ ଥିଲା। ଫାଇନାଲ ରାଉଣ୍ଡ ଭାରତୀୟ ସମୟ ରବିବାର ସକାଳ ୭.୦୫ ରେ ଆରମ୍ଭ ହେବ।
