Categories
ଅପରାଧ ଆଜିର ଖବର ରାଜ୍ୟ ଖବର

ନାବାଳିକାକୁ ଦୁଷ୍କର୍ମ ଓ ଆକ୍ରମଣ ମାମଲା: ଅଭିଯୁକ୍ତକୁ ୩ ବର୍ଷ ଜେଲଦଣ୍ଡ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥ ପୁର ଥାନା ଅର୍ନ୍ତଗତ ଆଙ୍କୁଲି ଅଞ୍ଚଳର ଦୀପୁ ନାହାକ ନାମକ ଜଣେ ଯୁବକକୁ ମାନ୍ୟବର ପୋକ୍ସ ଅଦାଲତ ଜଜ୍ ଗଣେଶ୍ୱର ପତି ୩ ବର୍ଷ ଜେଲଦଣ୍ଡ ସହ ୫୫୦୦ ଟଙ୍କା ଜରିମାନା ଆଦେଶ ଶୁଣାଇଛନ୍ତି। ଜରିମାନା ଅନାଦେୟ ଆଉ ୪୫ ଦିନ ଜେଲଦଣ୍ଡ ଶୁଣାଇଛନ୍ତି।

ଘଟଣାରୁ ପ୍ରକାଶ ଯେ, ଅଭିଯୁକ୍ତ ଦୀପୁ ଜନୈକା ନାବାଳିକା ପୋଖରୀକୁ ଗାଧୋଇବା ପାଇଁ ଗଲାବେଳେ ତାକୁ ବଳପୂର୍ବକ ଦୁଷ୍କର୍ମ କରିଥିଲା ଓ ସେ ପାଟି କରିବାରୁ ତାକୁ ନିସ୍ତୁକ ମାଡ ମାରିଥିଲା। ପରେ ନାବାଳିକା ଜଣକ ବୈଦ୍ୟନାଥ ପୁର ଥାନାରେ ଅଭିଯୋଗ କରିଥିଲା ଓ ଅଭିଯୋଗକୁ ଭିତ୍ତି କରି ପୋଲିସ ୬୫/୨୧ ଅନୁଯାୟୀ ମକଦ୍ଦମା ରୁଜୁ କରି ଅଭିଯୁକ୍ତ ଦୀପୁ କୁ ଗିରଫ କରିଥିଲା।

କିନ୍ତୁ କିଛି ଦିନ ଜେଲ୍ ରେ ରହି ସେ ଜାମିନରେ ମୁକୁଳି ଆସିଥିଲା। ମାନ୍ୟବର ଜିଲ୍ଲା ସ୍ବତନ୍ତ୍ର ପୋକ୍ସ ଅଦାଲତ ଜଜ୍ ୧୧ ଜଣ ସାକ୍ଷୀଙ୍କ ବୟାନକୁ ଭିତ୍ତି କରି ଉକ୍ତ ଦଣ୍ଡାଦେଶ ଶୁଣାଇଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ନାବାଳିକା ଦୁଷ୍କର୍ମ ମାମଲା: ଟିଉସନ୍ ଶିକ୍ଷକଙ୍କୁ ୮ ବର୍ଷ ଜେଲଦଣ୍ଡ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ପୁରୁଷୋତ୍ତମ ପୁର ଥାନା ଅଞ୍ଚଳର ନିରଞ୍ଜନ ବେହେରା ନାମକ ଜଣେ ଯୁବକ ନାବାଳିକାକୁ ଦୁଷ୍କର୍ମ ଅଭିଯୋଗରେ ବ୍ରହ୍ମପୁର ସ୍ବତନ୍ତ୍ର ପୋକ୍ସ ଅଦାଲତ ଜଜ୍ ଗଣେଶ୍ୱର ପତିଙ୍କ ଦ୍ଵାରା ୮ ବର୍ଷ ଜେଲଦଣ୍ଡରେ ଦଣ୍ଡିତ ସହ ୫୦ ହଜାର ଜରିମାନା ଆଦେଶ ପାଇଛି। ଜରିମାନା ଅନାଦେୟ ଆଉ ୬ ମାସ ଜେଲଦଣ୍ଡ ନିମନ୍ତେ ଜଜ୍ ମହାଶୟ ଆଦେଶ ଶୁଣାଇଛନ୍ତି। ଗତ ୨୦୧୯ ଅକ୍ଟୋବର୧୯ ଦଣ୍ଡିତ ନିରଞ୍ଜନ ନିଜ ଟିଉସନ୍ ରେ ଅଧ୍ୟୟନରତ ଜନୈକା ନାବାଳିକା କୁ ଟଣାଓଟରା କରି ଦୁଷ୍କର୍ମ ଉଦ୍ୟମ ବେଳେ ଉକ୍ତ ନାବାଳିକା ସେଠାରୁ ଖସି ଆସି ପରିବାର ଲୋକଙ୍କୁ କହିଥିଲା ଓ ପରବର୍ତ୍ତୀ ସମୟରେ ଏକ ପତ୍ର ଲେଖି ଆତ୍ମହତ୍ୟା କରିଥିଲା।

ଏହି ଭଳି ପରିସ୍ଥିତିରେ ନାବାଳିକା ପିତା ପୁରୁଷୋତ୍ତମ ପୁର ଥାନା ରେ ଅଭିଯୋଗ କରିଥିଲେ ଓ ଅଭିଯୋଗ କୁ ଭିତ୍ତି କରି ପୋଲିସ ମାମଲା ରୁଜୁ କରି ଅଭିଯୁକ୍ତ ନିରଞ୍ଜନ କୁ ଗିରଫ କରି କୋର୍ଟ ଚାଲାଣ କରିଥିଲେ ଓ ମାନ୍ୟବର ଅଦାଲତ ୮ ଜଣ ସାକ୍ଷୀଙ୍କ ବୟାନ କୁ ଭିତ୍ତି ଅଭିଯୁକ୍ତ କୁ ଉକ୍ତ ଦଣ୍ଡ ଆଦେଶ ଶୁଣାଇଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଦୁଷ୍କର୍ମ ଅଭିଯୁକ୍ତଙ୍କୁ ୨୦ ବର୍ଷ ଜେଲଦଣ୍ଡ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ସୋରଡ଼ା ଥାନାରେ ଅଭିଯୋଗ ହୋଇଥିବା ନାବାଳିକା ଦୁଷ୍କର୍ମ ମାମଲାରେ ବ୍ରହ୍ମପୁର ସ୍ବତନ୍ତ୍ର ପୋକ୍ସ ଅଦାଲତ ଆଜି ଶୁଣାଣି କରିଛନ୍ତି। ଅଭିଯୁକ୍ତ ସୁଦର୍ଶନ ପାତ୍ରକୁ ଜଜ୍ ପ୍ରଣତି ପଟ୍ଟନାୟକ ୨୦ ବର୍ଷ ଜେଲଦଣ୍ଡ ସହ ନଗଦ ୫ ହଜାର ଟଙ୍କା ଜରିମାନା ଆଦେଶ ଶୁଣାଇଛନ୍ତି। ଜରିମାନା ଅନାଦେୟ ଆଉ ୬ ମାସ ଜେଲଦଣ୍ଡ ଶୁଣାଇଛନ୍ତି।

ସୁଚନା ଅନୁଯାୟୀ, ଅଗଷ୍ଟ ୩୦ ତାରିଖ ୨୦୨୩ ରେ ଏହି ଅଞ୍ଚଳର ତୃତୀୟ ଶ୍ରେଣୀ ପଢୁଥିବା ଜଣେ ନାବାଳିକା ନିଜ ଗାଁ ପୋଖରୀକୁ ଶୌଚ ପାଇଁ ଯାଇଥିଲା ବେଳେ ୪୮ ବର୍ଷ ଅଭିଯୁକ୍ତ ସୁଦର୍ଶନ ଏକ ଗଛବୁଦା ମୁଳକୁ ତାକୁ ଟେକି ନେଇ ଦଜବରଦସ୍ତୀ ଦୁଷ୍କର୍ମ କରିଥିଲା। ଘଟଣା ପରେ ନାବାଳିକା ଜଣଙ୍କ କାନ୍ଦି କାନ୍ଦି ଆସି ପରିବାର ଲୋକଙ୍କୁ କହିଲା ପରେ ପରିବାର ଲୋକେ ସୋରଡ଼ା ଥାନାରେ ଅଭିଯୋଗ କରିଥିଲେ।

ଅଭିଯୋଗ ଗ୍ରହଣ କରି ତତ୍କାଳୀନ ସୋରଡ଼ା ଥାନା ଅଧିକାରୀ ମାମଲା ରୁଜୁ କରି ଅଭିଯୁକ୍ତକୁ ଜେଲ୍ ପଠାଇଥିଲେ। ମାମଲା ଶୁଣାଣି ବେଳେ ଅଭିଯୁକ୍ତ ଉପସ୍ଥିତ ଥିଲା।