Categories
ଅପରାଧ ଆଜିର ଖବର ରାଜ୍ୟ ଖବର

ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର: ହତ୍ୟା ନା ଆତ୍ମହତ୍ୟା!, କାରଣ ଅସ୍ପଷ୍ଟ

କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ସହରର ଦେହୁରିସାହିରେ ଜଣେ ଯୁବକ ଗତକାଲି ରାତିରେ ବେକରେ ରଶିଦେଇ ଆତ୍ମହତ୍ୟା କରିଥିବା ଜଣାପଡିଛି।

ପୋଲିସ୍ ସୂତ୍ରରୁ ପ୍ରକାଶ ଯେ, କିସିଣ୍ଡା ଥାନା ଗୋଗୁଆ ପଂଚାୟତ ମଙ୍ଗଳପୁର ଗ୍ରାମର ମୁଟୁ ସାହୁଙ୍କ ପୁଅ ପପୁନ୍ ସାହୁ (୨୧) ରେଢାଖୋଲ ଦେହୁରିସାହିରେ ଭଡା ଘରେ ରହୁଥିଲେ। ସେ ଜିଓ କଂପାନୀରେ କାମ କରୁଥିଲେ। ଗତକାଲି ରାତିରେ ସେ ଆତ୍ମ ହତ୍ୟା କରିଥିବା ପୋଲିସକୁ ସୂଚନା ମିଳିଥିଲା। ରାତି ସାରା ପୋଲିସ୍ ଜଗି ରହିଥିଲା। ଖବର ଲେଖା ହେବା (ପୂର୍ବାହ୍ନ ୧୧.୫୩ )ପର୍ଯ୍ୟନ୍ତ ଶବକୁ ଜବତ କରିପାରି ନ ଥିଲା ପୋଲିସ୍।

ସାଇନ୍ଟିଫିକ୍ ଟିମ୍ ଓ ମାଜିଷ୍ଟେଟ୍ ଆସିଲା ପରେ ଏହାର ତଦନ୍ତ କରାଯାଇ ଶବକୁ ଉଦ୍ଧାର କରାଯିବା ସହ ବ୍ୟବଚ୍ଛେଦ କରାଯିବ ବୋଲି ରେଢାଖୋଲ ଥାନାଧିକାରୀ ସୁରୁବାବୁ ଛତ୍ରିଆ ଆମ ପ୍ରତିନିଧିଙ୍କ ଠାରେ ପ୍ରକାଶ କରିଛନ୍ତି। ପରିବାର ଲୋକେ ପୁଅକୁ ହତ୍ୟା କରାଯାଇ ବେକରେ ରଶି ଲଗାଇ ଆତ୍ମ ହତ୍ୟା ର ରୁପ ଦେଇଥିବା ଥାନାରେ ଅଭିଯୋଗ କରିଛନ୍ତି।