ଭୁବନେଶ୍ବର: ଆଜି ଭିଜିଲାନ୍ସ ଜାଲରେ ଫସିଛି ଏକ ବଡ ମାଛ। ତାଙ୍କ ଘର ଆଉ ବିଭିନ୍ନ ସ୍ଥାନ ଚଢାଉ କରିବା ପରେ ମିଳୁଛି ଖାଲି ଟଙ୍କା, ସୁନା, ପ୍ଲଟ ଆଉ କୋଠା। ଟଙ୍କାର ପରିମାଣ ଏତେ ଯେ, ଭିଜିଲାନ୍ସ ଅଧିକାରୀ ଟଙ୍କା ମେସନ ଆଣି ତାହା ଗଣିବାରେ ଲାଗିଛନ୍ତି। ଦେଖନ୍ତୁ ଏହି ଭିଡିଓ…
ତେବେ ଏହି ଅଧିକାରୀ ଜଣଙ୍କ ହେଉଛନ୍ତି ମାଲକାନାଗିର ୱାଟରସେଡ ପ୍ରକଳ୍ପର ଉପ ନିର୍ଦ୍ଦେଶକ ଏବଂ ପିଡି। ତାଙ୍କ ନାମ ହେଉଛି ସାନ୍ତନୁ ମହାପାତ୍ର। ତାଙ୍କର ସାତଟି ସ୍ଥାନରେ ଚଢାଉ ଚାଲିଛି। ସେଥିରେ ଯାହା ଏ ପର୍ଯ୍ୟନ୍ତ ମିଳିଛି ତାହା ହେଲା
କୋରାପୁଟ ଜୟପୁରରେ ଛଅ ହଜାର ସ୍କ୍ବାର ଫୁଟର ଏକ ତିନି ମହଲା ବାସ ଗୃହ, ଭୁବନେଶ୍ବର ହଂସାପଳରେ 33 ଡିସିମିଲି ପ୍ଲଟ, ଜୟପୁର ଟାଉନରେ 40 ଡିସିମିଲର ପ୍ଲଟ, ସେହି ଜୟପୁରରେ ଆଉ ଏକ 55 ଡିସିମିଲି ପ୍ଲଟ ରହିଛି। ଉପରୋକ୍ତ ଗୃହ ଏବଂ ଜମିଗୁଡ଼ିକର ମାପ ଏବଂ ମୂଲ୍ୟ ନିର୍ଦ୍ଧାରଣ ଭିଜିଲାନ୍ସ ଟେକ୍ନିକାଲ୍ ୱିଙ୍ଗ ଦ୍ଵାରା ପରୀକ୍ଷା କରାଯାଉଛି।
ତେବେ ସବୁଠୁ ବଡ ଜିନିଷ ଯାହା ଠାବ କରାଯାଇଛି ତାହା ହେଲା ନଗଦ 1.55 କୋଟି ଟଙ୍କା। ଯାହାକୁ ଭିଜିଲାନ୍ସ ଅଧିକାରୀ ଟଙ୍କା ଗଣା ମେସିନ ଲଗାଇ ଗଣତି କରିବାରେ ଲାଗିଛନ୍ତି। ଏଥିସହିତ ପ୍ରାୟ 300 ଗ୍ରାମ ସୁନା ଗହଣା, ଗୋଟିଏ କାର, ଦୁଇଟି ଦୁଇ ଚକିଆ ଗାଡି ରହିଛି। ସେହିପରି ବ୍ୟାଙ୍କ, ବୀମା ଓ ଅନ୍ୟାନ୍ୟ ଜମା ଓ ଇନଭେଷ୍ଟମେଣ୍ଟ ତଦାରଖ କରାଯାଉଛି।
(ଏହି ଫଟୋ ଓ ଭିଡିଓ ଭିଜିଲାନ୍ସ ତରଫରୁ ପ୍ରଦାନ କରାଯାଇଛି)