Tag: ଟି-୨୦ ବିଶ୍ୱକପ୍ ୨୦୨୨

ନୂଆଦିଲ୍ଲୀ: ଟିମ୍ ଇଣ୍ଡିଆ ଆଜି ଟି-୨୦ ବିଶ୍ୱକପ୍ ୨୦୨୨ର ତୃତୀୟ ମ୍ୟାଚ୍ ଖେଳିବ। ପ୍ରଥମ ଦୁଇଟି ମ୍ୟାଚରେ ପାକିସ୍ତାନ ଏବଂ ନେଦରଲ୍ୟାଣ୍ଡକୁ ପରାସ୍ତ କରିବା ପରେ ଆଜି ଟିମ୍ ଇଣ୍ଡିଆ ଦକ୍ଷିଣ ଆଫ୍ରିକା ବିରୋଧରେ ଲଢେଇ କରିବ। ଏଠାରେ ବିଶେଷ କଥା ହେଉଛି ଯଦି ଟିମ୍ ଇଣ୍ଡିଆ ଏହି ମ୍ୟାଚ୍ ଜିତେ, ତେବେ ଦଳ ଗ୍ରୁପ୍-୨ ର ଶୀର୍ଷରେ ପହଞ୍ଚିବ। ଏହା ସହ ସେ ଟି-୨୦ ବିଶ୍ୱକପର ସେମିଫାଇନାଲରେ ପ୍ରବେଶ କରିବାକୁ ଅଗ୍ରଭାଗରେ ରହିବ।

ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଏପର୍ଯ୍ୟନ୍ତ ୨୩ ଟି ଟି-୨୦ ଅନ୍ତର୍ଜାତୀୟ ମ୍ୟାଚ ଖେଳାଯାଇଛି। ଏଥିରେ ଭାରତ ୧୩ ଟି ମ୍ୟାଚ୍ ଜିତିଥିବାବେଳେ ଦକ୍ଷିଣ ଆଫ୍ରିକା ମାତ୍ର ୯ ଟି ମ୍ୟାଚ୍ ଜିତିଛି। ଗୋଟିଏ ମ୍ୟାଚ୍ ଅମୀମାଂଶିତ ରହିଛି। ଟି-୨୦ ବିଶ୍ୱକପରେ ଉଭୟ ଦଳ ଏପର୍ଯ୍ୟନ୍ତ ୫ ଥର ଭେଟିଛନ୍ତି। ସେଥିରେ ଭାରତ ଚାରିଥର ଜିତିଛି। ଦକ୍ଷିଣ ଆଫ୍ରିକା କେବଳ ଥରେ ଜିତିଛି।

ପିଚ୍ ରିପୋର୍ଟ: ପର୍ଥ ଷ୍ଟାଡିୟମରେ ଭାରତ-ଦକ୍ଷିଣ ଆଫ୍ରିକା ଦଳ ମୁହାଁମୁହିଁ ହେବେ। ଏଠାରେ ୱିକେଟ୍ ଦ୍ରୁତ ଏବଂ ବାଉନ୍ସ ଅଟେ। ଏଭଳି ପରିସ୍ଥିତିରେ ଦ୍ରୁତ ବୋଲରମାନେ ଏଠାରେ ଭଲ ସାହାଯ୍ୟ ପାଇବେ ବୋଲି ଆଶା କରାଯାଉଛି। ଟି-୨୦ ମ୍ୟାଚ୍‌ରେ ପ୍ରଥମ ଇନିଂସର ହାରାହାରି ସ୍କୋର ୧୪୩ ରହିଛି। କିନ୍ତୁ ନିକଟରେ ୨୦୦ ରନ୍ ମଧ୍ୟ ସ୍କୋର କରାଯାଇଛି।

ପାଣିପାଗ ରିପୋର୍ଟ: ଆଜି ସକାଳେ ଏବଂ ଅପରାହ୍ନରେ ପର୍ଥରେ ବର୍ଷା ହେବାର ସମ୍ଭାବନା ଅଛି । ତେବେ ରାତି ସମୟରେ ଭାରତ-ଦକ୍ଷିଣ ଆଫ୍ରିକା ମ୍ୟାଚ୍ ଅନୁଷ୍ଠିତ ହେବ। ଏଭଳି ପରିସ୍ଥିତିରେ ବର୍ଷା ଏହି ମ୍ୟାଚକୁ ବିଚଳିତ କରିବ ନାହିଁ। ରାତିରେ ବର୍ଷା ହେବାର ସମ୍ଭାବନା ମାତ୍ର ୪ ପ୍ରତିଶତ ରହିଛି।

ଉଭୟ ଦଳର ସମ୍ଭାବ୍ୟ ଏକାଦଶ କିପରି ହେବ?:

ଟିମ୍ ଇଣ୍ଡିଆ: ରୋହିତ ଶର୍ମା (ଅଧିନାୟକ), କେ.ଏଲ୍ ରାହୁଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା, ଦୀନେଶ କାର୍ତ୍ତିକ, ଅକ୍ସର ପଟେଲ, ଆର ଅଶ୍ୱିନ, ମହମ୍ମଦ ଶାମି, ଭୁବନେଶ୍ୱର କୁମାର ଏବଂ ଅର୍ଶଦୀପ ସିଂ।

ଦକ୍ଷିଣ ଆଫ୍ରିକା: ଟେମ୍ବା ବାଭୁମା (ଅଧିନାୟକ), କ୍ୱିଣ୍ଟନ୍ ଡି କକ୍, ରେଲି ରୋସୋ, ଏଡନ ମାର୍କ୍ରାମ, ଡେଭିଡ ମିଲର, ଟ୍ରିଷ୍ଟନ ଷ୍ଟବ୍ସ, ୱେନ ପାର୍ନେଲ, କେଶବ ମହାରାଜ, ଏନ୍ରିକ୍ ନୋର୍କିଆ, ଲୁଙ୍ଗି ନିଗିଡି, କାଗିସୋ ରାବାଡା।