Categories
ଆଜିର ଖବର ଜାତୀୟ ଖବର

ଅନ୍ତର୍ଜାତୀୟ ନମ୍ବରରୁ ଆସୁଥିବା ଆତଙ୍କ ସୃଷ୍ଟିକାରୀ କଲ୍‌ ପ୍ରତି ସତର୍କ ରହିବାକୁ ନାଗରିକମାନଙ୍କୁ ପରାମର୍ଶ

ନୂଆଦିଲ୍ଲୀ: ଭାରତର ଷ୍ଟକ ଏକ୍ସଚେଞ୍ଜ ଏବଂ ଟ୍ରେଡିଂରେ ବାଧା ସୃଷ୍ଟି କରିବା ନେଇ ଦାବି କରୁଥିବା ଅନ୍ତର୍ଜାତୀୟ ନମ୍ବରରୁ ଆସୁଥିବା ଆତଙ୍କ ସୃଷ୍ଟିକାରୀ କଲ୍ ଠାରୁ ସାବଧାନ ରହିବା ଲାଗି କେନ୍ଦ୍ର ଯୋଗାଯୋଗ ମନ୍ତ୍ରଣାଳୟ ଅଧୀନ ଦୂରସଞ୍ଚାର ବିଭାଗ (ଡିଓଟି) ନାଗରିକମାନଙ୍କୁ ପରାମର୍ଶ ଦେଇଛି। ଆତଙ୍କ ସୃଷ୍ଟି କରିବା ଉଦ୍ଦେଶ୍ୟରେ ଦେଶ ବିରୋଧୀ ତତ୍ତ୍ୱମାନେ ଏଭଳି ବିପଜ୍ଜନକ କଲ୍   କରୁଛନ୍ତି।

ଡିଓଟି ସମସ୍ତ ଟେଲିକମ୍ ସେବା ପ୍ରଦାନକାରୀ ସଂସ୍ଥାକୁ ଏଭଳି ନମ୍ବରରୁ ଆସୁଥିବା ବିପଜ୍ଜନକ କଲ୍‌କୁ ବ୍ଲକ୍ କରିବାକୁ ନିର୍ଦ୍ଦେଶ ଦେଇଛି। ଏଭଳି କଲ୍ ପାଇବା ପରେ ନାଗରିକମାନେ ଟେଲିକମ୍ ସେବା ପ୍ରଦାନକାରୀ ସଂସ୍ଥାକୁ ହେଲ୍ପ-ସଂଚାରସାଥୀ କିମ୍ବା ସେମାନଙ୍କ ଟେଲିକମ୍ ସେବା ପ୍ରଦାନକାରୀ ସଂସ୍ଥାରେ ରିପୋର୍ଟ କରିବାକୁ ପରାମର୍ଶ ଦିଆଯାଇଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

୨ ବର୍ଷରେ ଦେଶରେ ୫ଜି ସେବା ଯୋଗାଇବାକୁ ସରକାରଙ୍କ ଲକ୍ଷ୍ୟ- କେନ୍ଦ୍ର ଆଇଟି ମନ୍ତ୍ରୀ

ନୂଆଦିଲ୍ଲୀ: ଦୁଇ ବର୍ଷ ମଧ୍ୟରେ ସମଗ୍ର ଦେଶରେ ୫ଜି ସେବା ଉପଲବ୍ଧ ହେବ। କେନ୍ଦ୍ର ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ ଏକ କାର୍ଯ୍ୟକ୍ରମରେ କହିଛନ୍ତି ଯେ, ଖୁବ୍ ଶୀଘ୍ର ଭାରତରେ ୫ଜି ଟେଲିକମ୍ ସେବା ଆରମ୍ଭ ହେବ ଏବଂ ସରକାର ୨ ବର୍ଷ ମଧ୍ୟରେ ସମଗ୍ର ଦେଶକୁ ବିସ୍ତାର କରିବାକୁ ଲକ୍ଷ୍ୟ ରଖିଛନ୍ତି। ଅଶ୍ୱିନୀ ବୈଷ୍ଣବ ଏହା ପୂର୍ବରୁ କହିଥିଲେ ଯେ, ଅକ୍ଟୋବର ସୁଦ୍ଧା ଭାରତ ୫ଜି ସେବା ଆରମ୍ଭ କରିବାକୁ ପ୍ରସ୍ତୁତ ହେଉଛି।

ଅଗଷ୍ଟ ମାସରେ ଟେଲିକମ୍ ସେବା କମ୍ପାନୀମାନଙ୍କୁ ସରକାର ସ୍ପେକ୍ଟ୍ରମ୍ ଆବଣ୍ଟନ ପତ୍ର ପ୍ରଦାନ କରିଥିଲେ। ଏହା ପରେ ସରକାର ସେମାନଙ୍କୁ ୫ଜି ସେବା ଆରମ୍ଭ କରିବାକୁ ପ୍ରସ୍ତୁତ ହେବାକୁ କହିଥିଲେ। ଏହି ସ୍ପେକ୍ଟ୍ରମ୍ ଆବଣ୍ଟନ ସହିତ ଭାରତ ହାଇ ସ୍ପିଡ୍ ୫ଜି ଟେଲିକମ୍ ସେବା ଆରମ୍ଭ କରିବାର ଶେଷ ପର୍ଯ୍ୟାୟରେ ପହଞ୍ଚିଛି।

ଚଳିତ ବର୍ଷ ଦିୱାଲୀ ପର୍ଯ୍ୟନ୍ତ ଦିଲ୍ଲୀ, ମୁମ୍ବାଇ, କୋଲକାତା ଏବଂ ଚେନ୍ନାଇ ଭଳି ଅନେକ ପ୍ରମୁଖ ସହରରେ ହାଇ ସ୍ପିଡ୍ ୫ଜି ଟେଲିକମ୍ ସେବା ଆରମ୍ଭ କରିବ ବୋଲି ରିଲାଏନ୍ସ ଜିଓ ଘୋଷଣା କରିସାରିଛି। ଏହା ପରେ, ଏହାର ୫ଜି ନେଟୱାର୍କ ଡିସେମ୍ବର ୨୦୨୩ ସୁଦ୍ଧା ଦେଶର ପ୍ରତ୍ୟେକ ସହର, ତହସିଲକୁ ବିସ୍ତାର ହେବ।

୫ଜି କ’ଣ ଓ ଏହା ୩ଜି ଏବଂ ୪ଜି ସେବାଠାରୁ କିପରି ଭିନ୍ନ?:

୫ ଜି ହେଉଛି ପଞ୍ଚମ ପିଢୀର ମୋବାଇଲ୍ ନେଟୱାର୍କ ଯାହା ବହୁତ ଉଚ୍ଚ ବେଗରେ ଡାଟା ସେଟ୍ ପଠାଇଥାଏ। ୩ଜି ଏବଂ ୪ଜି ତୁଳନାରେ, ୫ଜି ବହୁତ କମ୍ ସମୟ ନେଇଥାଏ। ୫ଜି ରୋଲ ଆଉଟ୍ ଖଣି, ଗୋଦାମ ଘର, ଟେଲି ମେଡିସିନ୍ ଏବଂ ଉତ୍ପାଦନ ପରି କ୍ଷେତ୍ରରେ ରିମୋଟ ଡାଟା ମନିଟରିଂରେ ଅଧିକ ବିକାଶ ଘଟାଇବ ବୋଲି ଆଶା କରାଯାଉଛି।