ସୀତାରାମ ଅଗ୍ରୱାଲ
ଚିଲିକା: ଆଜି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜଗତ ପ୍ରସାଦ ନଡ୍ଡା ବାଣପୁର ପଲଟନ ପଡିଆ ଆସି ବିଶାଳ ଜନସଭାକୁ ସମ୍ବୋଧିତ କରିବେ। ଜାଣନ୍ତୁ ତାଙ୍କର ମିନିଟ ରୁ ମିନିଟ ଗସ୍ତ ବିବରଣୀ।
ଅପରାହ୍ନ ୪.୧୦- ପଲଟନ ପଡିଆ ହେଲିକପ୍ଟର ଯୋଗେ ଓହ୍ଲାଇବେ।
ଅପରାହ୍ନ ୪.୧୦ ରୁ ୫.୧୦- ସାଧାରଣ ସଭାରେ ଯୋଗଦାନ।
ଅପରାହ୍ନ ୫.୧୦- ପଲଟନ ପଡିଆରୁ କାର ଯୋଗେ ବାହାରି ୫.୩୦ ରେ ମା’ ଭଗବତୀ ମନ୍ଦିର ପହଞ୍ଚିବେ।
ଅପରାହ୍ନ ୫.୩୦ ରୁ ୬ ଟା- ମନ୍ଦିର ଦର୍ଶନ।
ସନ୍ଧ୍ୟା ୬ ଟା– ମା’ ଭଗବତୀ ମନ୍ଦିରରୁ କାର ଯୋଗେ ବାହାରି ୬.୪୦ ମିନିଟରେ ନାଚୁଣୀ ଅରବିନ୍ଦ ସ୍କୁଲ ପହଞ୍ଚିବେ।
ସନ୍ଧ୍ୟା ୬.୪୦ ରୁ ୭.୪୫ ମିନିଟ ପର୍ଯ୍ୟନ୍ତ- ପୁରୀ ଲୋକସଭାର ପ୍ରମୁଖ କାର୍ଯ୍ୟକର୍ତ୍ତାଙ୍କ ସହ ଆଲୋଚନା କରିବେ।
ସନ୍ଧ୍ୟା ୭.୪୫- ନାଚୁଣୀରୁ କାର ଯୋଗେ ବାହାରି ଭୁବନେଶ୍ୱର ବିମାନବନ୍ଦର ରାତି ୯ ଘଟିକାରେ ପହଞ୍ଚିବେ।
ରାତି ୯.୩୦ ମିନିଟ- ଦିଲ୍ଲୀ ଅଭିମୁଖେ ଯାତ୍ରା କରିବେ।
ତେବେ ଏନେଇ ଜନସାଧାରଣମାନଙ୍କ ପାଇଁ ଗାଡ଼ି ମଟର କଟକଣା ଜାରି କରିଛି ପୋଲିସ।
ଭେଟେଶ୍ୱର ରୋଡରେ ଆସୁଥିବା ଜନସାଧାରଣ ମାନେ ସେମାନଙ୍କ ଗାଡ଼ି ଅରବିନ୍ଦ ସ୍କୁଲ ଯାଏଁ ଆଣିପାରିବେ। ସେହିପରି ସାନହନ୍ତୁଆଡ଼ ରୋଡ ଦେଇ ଆସୁଥିବା ଜନସାଧାରଣ ମାନେ ସେମାନଙ୍କ ଗାଡ଼ି ଟିକିରାଇ ମନ୍ଦିର ଯାଏଁ ଏବଂ ବାଲୁଗାଁ ଓ ବାଣପୁର ମେନ ରୋଡ ଦେଇ ଆସୁଥିବା ବ୍ୟକ୍ତିମାନେ ସେମାନଙ୍କ ଗାଡିକୁ ତାରିଣୀ ଟ୍ୟୁଟୋରିଆଲ ପର୍ଯ୍ୟନ୍ତ ନେଇପାରିବେ। ଏହାପରେ କେବଳ ଚାଲିଚାଲି ଜନସାଧାରଣ ସଭାସ୍ଥଳକୁ ଯାଇପାରିବେ।
ଉକ୍ତ କଟକଣା ସଭା ଆରମ୍ଭ ହେବାର କେଇ ଘଣ୍ଟା ଆଗରୁ ଜାରି କରାଯିବ ବୋଲି ଆଇଆଇସି ଜୟପ୍ରକାଶ ପରିଡ଼ା କହିଛନ୍ତି। ସେହିପରି ଭାବେ ନଡ୍ଡାଙ୍କ ସଭା ଏବଂ ମା ଭଗବତୀ ଦର୍ଶନ ସମୟରେ ସୁରକ୍ଷା ଦୃଷ୍ଟିରୁ ବାଣପୁରର ଦୋକାନ ବଜାର ବନ୍ଦ ରହିବ ବୋଲି ଶ୍ରୀ ପରିଡ଼ା କହିଛନ୍ତି।