ଖୋର୍ଦ୍ଧା: ସ୍ଥାନୀୟ ହାବେଳି ପଡିଆଠାରେ ଗତ ୧୨ତାରିଖରୁ ଆରମ୍ଭ ହୋଇଥିବା ବର୍ଷ ଏକ…. ଉପଲବ୍ଧି ଅନେକ, ଖୋର୍ଦ୍ଧା ଜିଲ୍ଲା ସ୍ତରୀୟ ବିକାଶ ମେଳା ଓ ପାରମ୍ପାରିକ ଖାଦ୍ୟ ମେଳା ତଥା ରଜ ମହୋତ୍ସବ ସମାରୋହରେ ପାଳିତ ହୋଇଯାଇଛି। ଦର୍ଶକ ମାନେ ରାଜ୍ୟ ସରକାରଙ୍କ ଏକ ବର୍ଷ ଶାସନର ବିଭିନ୍ନ ଜନକଲ୍ୟାଣ ଯୋଜନା ସମ୍ଵନ୍ଧରେ ଅବଗତ ହେବା ସହ ପାରମ୍ପାରିକ ଖାଦ୍ୟ ମେଳା, ସୁଭଦ୍ରା ଷ୍ଟଲ୍ ସହ ଓର୍ମାସ୍ ତରଫରୁ ୩୦ ଗୋଟି ଷ୍ଟଲ ର ବିଭିନ୍ନ ପ୍ରକାର ଅଗ୍ରଣୀ ଯୋଜନା (କେନ୍ଦ୍ର ଓ ରାଜ୍ୟ ସରକାରଙ୍କ) ଜିଲ୍ଲାରେ କାର୍ଯ୍ୟକାରୀ ହେଉଥିବା ଜାଣି ଆନନ୍ଦ ପ୍ରକାଶ କରିଥିଲେ ଲ ସେହିପରି ଓଡ଼ିଶାର ଐତିହ୍ୟ ଓ ସଂସ୍କୃତି ସଂପନ୍ନ ପୁରୁଣା ଓଡ଼ିଆ ଚଳଚ୍ଚିତ୍ର ପ୍ରଦର୍ଶନ କରାଯାଇ ଦର୍ଶକ ମାନଙ୍କୁ ମନୋରଞ୍ଜନ ସହ ନିଛକ ସାମାଜିକ ବାର୍ତ୍ତା ପ୍ରଦାନ କରାଯାଇ ସମାଜ ଗଠନରେ ପ୍ରତ୍ୟେକ ନାଗରିକ ସେମାନଙ୍କର ଦାୟିତ୍ବ ଓ କର୍ତ୍ତବ୍ୟ ନିର୍ବାହ ନିମନ୍ତେ ପ୍ରେରଣା ଦିଆଯାଉଛି।
ଜିଲ୍ଲା ସଂସ୍କୃତି ପରିଷଦ ପକ୍ଷରୁ ସନ୍ଧ୍ୟାରେ ଖୋରଧାର ଅଗ୍ରଣୀ ସାଂସ୍କୃତିକ ଅନୁଷ୍ଠାନ ନୃତ୍ୟାୟନ ପକ୍ଷରୁ ମାଳବିକା ଦାସ ଓ ସାଥୀ ଵିହୁ ନୃତ୍ୟ, ସମ୍ବଲପୁରୀ ନୃତ୍ୟ ସଙ୍ଗୀତ ଓ ଓଡ଼ିଶୀ ଭଜନ ଉଚ୍ଚକୋଟୀର ପରିବେଷଣ କରାଯାଇଥିଲା। ସେହିପରି ସୁଦୂର ସମ୍ବଲପୁର ର ସମ୍ବଲପୁର ପଞ୍ଚବାଦ୍ୟ ସାଂସ୍କୃତିକ ଅନୁଷ୍ଠାନ ପକ୍ଷରୁ ପୁଷ୍ପକ ସୁନା ଓ ସାଥୀ ଅତି ଚିତ୍ତାକର୍ଷକ ଡାଲଖାଇ, ସୀଙ୍ଗାରି ଧାପା ନୃତ୍ୟ ସଙ୍ଗୀତ ପରିବେଷଣ କରି ଦର୍ଶକଙ୍କୁ ବିମୋହିତ କରିଥିଲେ।
କାର୍ଯ୍ୟକ୍ରମରେ ବିଭିନ୍ନ ବିଭାଗର ଅଧିକାରୀ, ଅର୍ମାସ୍ କର୍ମକର୍ତ୍ତା ହିମାଂଶୁ ପଟ୍ଟନାୟକ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଲକ୍ଷ୍ମଣ କୁମାର ବେହେରା, ବିଭିନ୍ନ ବିଭାଗର କର୍ମଚାରୀ, ଅତ୍ୟାବଶ୍ୟକ ସେବା ବିଭାଗର କର୍ମଚାରୀ ମାନେ ଯୋଗଦେଇଥିଲେ।
