ନୂଆଦିଲ୍ଲୀ: ସେଞ୍ଚୁରିଅନ୍ ଟେଷ୍ଟରେ ଟିମ୍ ଇଣ୍ଡିଆ ଲଜ୍ଜାଜନକ ପରାଜୟର ସମ୍ମୁଖୀନ ହୋଇଛି। ଟିମ ଇଣ୍ଡିଆକୁ ଦକ୍ଷିଣ ଆଫ୍ରିକା ଗୋଟିଏ ଇନିଂସ ଏବଂ ୩୨ ରନରେ ପରାସ୍ତ କରିଛି। ଏହିପରି ଭାବରେ ଦକ୍ଷିଣ ଆଫ୍ରିକାର ମାଟିରେ ଟେଷ୍ଟ ସିରିଜ୍ ଜିତିବାର ଭାରତୀୟ ଦଳର ସ୍ୱପ୍ନ ଧ୍ୱଂସ ହୋଇଯାଇଛି। ଦ୍ୱିତୀୟ ଇନିଂସରେ ଭାରତୀୟ ଦଳ ମାତ୍ର ୧୩୧ ରନ୍ ରେ ଅଟକିଯାଇଛି। ବିରାଟ କୋହଲି ଭାରତ ପାଇଁ ସର୍ବାଧିକ ୭୬ ରନ୍ ସଂଗ୍ରହ କରିଛନ୍ତି। ପ୍ରଥମ ଇନିଂସରେ ଦକ୍ଷିଣ ଆଫ୍ରିକା ୪୦୮ ରନ୍ ସଂଗ୍ରହ କରିଥିଲା। ଏଥି ସହିତ ଭାରତୀୟ ଦଳର ପ୍ରଥମ ଇନିଂସ ୨୪୫ ରନରେ ସୀମିତ ରହିଥିଲା। ତେଣୁ ଦକ୍ଷିଣ ଆଫ୍ରିକା ପ୍ରଥମ ଇନିଂସରେ ୧୬୩ ରନର ଅଗ୍ରଣୀ ହାସଲ କରିଥିଲା।
ଦ୍ୱିତୀୟ ଇନିଂସରେ ଭାରତୀୟ ବ୍ୟାଟ୍ସମ୍ୟାନ୍ ଙ୍କ ଫ୍ଲପ୍ ସୋ ମଧ୍ୟ ଜାରି ରହିଥିଲା। ଟିମ୍ ଇଣ୍ଡିଆର ଅଧିନାୟକ ରୋହିତ ଶର୍ମା କୌଣସି ରନ୍ ସ୍କୋର ନକରି ଆଉଟ ହୋଇ ଯାଇଥିଲେ। ୫ ରନ୍ ସ୍କୋର କରିବା ପରେ ଯଶସ୍ୱୀ ଜୟସ୍ୱାଲ ପାଭିଲିୟନକୁ ଫେରିଥିଲେ। ଏହା ପରେ ଶୁଭମାନ ଗିଲ ୨୬ ରନ୍ ସ୍କୋର କରିବା ପରେ ପାଭିଲିୟନକୁ ଯାଇଥିଲେ। ଯଦିଓ ବିରାଟ କୋହଲି ୭୬ ରନର ଇନିଂସ ଖେଳିଥିଲେ, ବାକି ବ୍ୟାଟ୍ସମ୍ୟାନମାନେ ନିରାଶ କରିଥିଲେ। ଶ୍ରେୟସ୍ ଆୟର ଏବଂ କେ.ଏଲ୍ ରାହୁଲ ଯଥାକ୍ରମେ ୬ ଓ ୪ ରନ୍ ସ୍କୋର କରିଥିଲେ। ରବି ଅଶ୍ୱିନ, ଶାର୍ଦ୍ଦୁଲ ଠାକୁର, ଜସପ୍ରୀତ ବୁମ୍ରା ଏବଂ ମହମ୍ମଦ ସିରାଜ ଯଥାକ୍ରମେ ୦, ୨ ଏବଂ ୦ ସ୍କୋର କରିଥିଲେ।
ଦକ୍ଷିଣ ଆଫ୍ରିକାର ଓପନର୍ ଡିନ୍ ଏଲଗାରଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ପ୍ରଦାନ କରାଯାଇଥିଲା। ଡିନ୍ ଏଲଗାର ୧୮୫ ରନର ଏକ ଚମତ୍କାର ଇନିଂସ ଖେଳିଥିଲେ। ସେ ତାଙ୍କ ଇନିଂସରେ ୨୮ ଚୌକା
ତେବେ ୨ ଟି ଟେଷ୍ଟ ମ୍ୟାଚ୍ ସିରିଜରେ ଦକ୍ଷିଣ ଆଫ୍ରିକା ଦଳ ୧-୦ ରେ ଅଗ୍ରଣୀ ହାସଲ କରିଛି। ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ସିରିଜର ଦ୍ୱିତୀୟ ଟେଷ୍ଟ ଜାନୁଆରୀ ୩ ତାରିଖରୁ ଖେଳାଯିବ। କେପଟାଉନରେ ଉଭୟ ଦଳ ମୁହାଁମୁହିଁ ହେବେ। ଭାରତୀୟ ଦଳ କେପଟାଉନ୍ ଟେଷ୍ଟରେ ଜିତିବାକୁ ଏବଂ ଡ୍ର’ରେ ସିରିଜ୍ ଶେଷ କରିବାକୁ ଚାହିଁବ।