ଭୁବନେଶ୍ବର: ବିଶ୍ବର ପ୍ରତିଷ୍ଠିତ ଆଇଟି କଂପାନୀ ଡେଲୋଏଟ ଭୁବନେଶ୍ବରରେ ତାହାର କଂପାନୀ କରିବ। ଏହା ନିଶ୍ଚିତ ଖୁସିର କଥା। ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦେଶ ବିଦେଶ ବୁଲି ବୁଲି କଂପାନୀମାନଙ୍କ ସହ କଥା ହେଉଛନ୍ତି। ତେଣୁ ତାଙ୍କ ପ୍ରଚେଷ୍ଠାରେ ଓଡିଶାକୁ ପୁଂଜି ଆସିବା ଆରମ୍ଭ ହେଉଛି।
ହେଲେ ଏହାକୁ ନେଇ ସୋସିଆଲ ମିଡିଆରେ ଆରମ୍ଭ ହୋଇଛି ସୂଚନା ଦେବା ପାଇଁ ପ୍ରତିଯୋଗୀତା। ଏହି ଖବରଟି ଇନଷ୍ଟାଗ୍ରାମରେ 5ଟି ସଚିବ ଭି କେ ପାଣ୍ଡିୟାନ ପ୍ରଦାନ କଲେ। ସେ ଉଲ୍ଲେଖ କଲେ ଯେ, ଭୁବନେଶ୍ବରରେ ଡେଲୋଏଟ କଂପାନୀ ଆସିବ। ସେଥିପାଇଁ ବିଏମସିର ନୂଆ ବିଲିଡିଂ ପ୍ରସ୍ତୁତ ହୋଇ ରହିଛି।
ଏହି ଖବରଟି ପୁଣି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଟୁଇଟର ଆକାଉଣ୍ଟରେ ପଢିବାକୁ ମିଳିଲା। ଏଥିରେ ଧର୍ମେନ୍ଦ୍ର ଉଲ୍ଲେଖ କରିଛନ୍ତି ଯେ, ‘ ଖୁସିର ବିଷୟ, ମୋର ଅନୁରୋଧ କ୍ରମେ ଡେଲୋଏଟ କଂପାନୀ ଭୁବନେଶ୍ୱର ଓ କୋଏମ୍ବାଟୁର ଠାରେ ଏକ ବୃହତ ଟେକ୍ନୋଲୋଜି ସେଣ୍ଟର ଆରମ୍ଭ କରିବା ପାଇଁ ଯାଉଛି। ଏହା ଯୁବବର୍ଗଙ୍କ ପାଇଁ ନୂଆ ସମ୍ଭାବନା ସୃଷ୍ଟି କରିବା ସହ ପ୍ରଯୁକ୍ତିବିଦ୍ୟା ଓ ଦକ୍ଷତା ବିକାଶର ଇକୋସିଷ୍ଟମକୁ ସୁଦୃଢ଼ କରିବ।’
ତେବେ ଏହାର ପ୍ରତିଷ୍ଠା ପାଇଁ ଯେ କେହି କ୍ରେଡିଟ ନେଉ ପଛେ ଓଡିଶାର ବିଶ୍ବ ସ୍ତରୀୟ କଂପାନୀ ପ୍ରତିଷ୍ଠା ହେଉ ତାହା ଦରକାର।