ମୁମ୍ବାଇ: ମହାରାଷ୍ଟ୍ରରେ ଡ୍ରଗ୍ସ ମାମଲାର ତଦନ୍ତ ବର୍ତ୍ତମାନ ଏକ ଆଇନଗତ ଯୁଦ୍ଧର ରୂପ ନେଉଛି। ବରିଷ୍ଠ ବିଜେପି ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କୁ ରାଜ୍ୟ ସରକାରଙ୍କ ମନ୍ତ୍ରୀ ତଥା ବରିଷ୍ଠ ଏନସିପି ନେତା ନବାବ ମଲିକଙ୍କ ଝିଅ ନୀଲୋଫର ମଲିକ କ୍ଷମା ମାଗିବାକୁ ଦାବି କରିବା ସହ ଆଇନଗତ ନୋଟିସ ପଠାଇଛନ୍ତି। ନବାବ ମଲିକ କହିଛନ୍ତି- “ମୋ ଜ୍ୱାଇଁଙ୍କ ଘରୁ ଡ୍ରଗ୍ସ ଜବତ ହୋଇଥିବା ଦେବେନ୍ଦ୍ର ଫଡନାଭିସଙ୍କ ଅଭିଯୋଗକୁ ନେଇ ମୋ ଝିଅ ଆଇନଗତ ନୋଟିସ ପଠାଇଛି। ଯଦି ସେ କ୍ଷମା ମାଗନ୍ତି ନାହିଁ, ତେବେ ଆମେ ଫଡନାଭିସଙ୍କ ବିରୋଧରେ ମାନହାନି ନୋଟିସ୍ ପଠାଇବୁ। ”
ଏହା ସହ ନବାବ ମଲିକ କହିଛନ୍ତି ଯେ, ଆଜି ଦ୍ୱାରକାରୁ ମଧ୍ୟ ଡ୍ରଗ୍ସ ଜବତ ହୋଇଛି। କଣ ଗୁଜୁରାଟରୁ ଡ୍ରଗ୍ସର ଖେଳ ଚାଲୁଛି କି ବୋଲି ପ୍ରଶ୍ନ ଉଠିଛି। ଦ୍ୱାରକାରୁ ଜବତ ହୋଇଥିବା ଡ୍ରଗ୍, କଣ ଏହା ଏକ ସଂଯୋଗ କି? ଡିଜି ଏନସିବିକୁ ଅନୁରୋଧ କରିଛନ୍ତି ଯେ, ୧୯୮୫ରେ ଆଇନ ଏଥିପାଇଁ ପ୍ରସ୍ତୁତ ହୋଇଥିଲା, ଯାହା ଦ୍ଵାରା ଦେଶ ଡ୍ରଗ୍ ମୁକ୍ତ ହୋଇପାରିବ। ଗୁଜୁରାଟରୁ ଡ୍ରଗ୍ସ ଆସୁଛି ବୋଲି ସେ କହିଛନ୍ତି।