ଭୁବନେଶ୍ୱର: ଆଜି ଶତାବ୍ଦୀ କଲୋନୀ ଠାରୁ ଜାଗମରା ନୂଆ ରୋଡ଼ ରାସ୍ତାକୁ ସଂଯୋଗ କରୁଥିବା ଖୋଲା ଡ୍ରେନରେ ୧୫ ବର୍ଷର ଛାତ୍ର ଭାସି ନିଖୋଜ ହୋଇଯାଇଛି। ଛାତ୍ରଜଣଙ୍କ ଡ୍ରେନ ପାରି ହେଉଥିବା ବେଳେ ଗୋଡ ଖସି ଯାଇଥିଲା। ହେଲେ ଡ୍ରେନରେ ପ୍ରବାଳ ସ୍ପୋତ ଥିବାରୁ ପିଲାଟିକୁ ଉଦ୍ଧାର କରିବା ସମ୍ଭବ ନ ଥିଲା। ପରେ ଦମକଳ ବାହିନୀ ଆସିଥିଲେ ମଧ୍ୟ ପିଲାଟିକ ଏ ପର୍ଯ୍ୟନ୍ତ ଉଦ୍ଧାର କରାଯାଇପାରି ନାହିଁ।
ଏହି ଘଟଣା ନେଇ ଛାତ୍ର କଂଗ୍ରେସ ପକ୍ଷରୁ ସଭାପତି ଶ୍ରୀ ୟାସିର ନୱାଜଙ୍କ ନେତୃତ୍ୱରେ
ଜାଗମରା ନୂଆ ରୋଡ଼ ଠାରେ ତିନି ଘଂଟା ଧରି ରାସ୍ତା ଅବରୋଧ କରାଯିବା ସହ ନିଖୋଜ ଛାତ୍ରର ପରିବାରକୁ ସରକାର ୫୦ଲକ୍ଷ ଟଙ୍କା କ୍ଷତିପୂରଣ ଦେବା ପାଇଁ ଦାବି କରାଯାଇଥିଲା।
ନୱାଜ କହିଥିଲେ ଯେ ଯାଜପୁର, ଭଦ୍ରକ, ବାଲେଶ୍ୱର ଭଳି ବର୍ଷାରେ ଭୁବନେଶ୍ୱରର ମୁଖ୍ୟ ରାସ୍ତାରେ ବନ୍ୟା ସୃଷ୍ଟି ହୋଉଛି । ସରକାର ତୁରନ୍ତ ଏହାର ସ୍ଥାୟୀ ପ୍ରତିକାର କରିବାକୁ ଛାତ୍ର କଂଗ୍ରେସ ଦାବି କରିଥିଲା।