ନୂଆଦିଲ୍ଲୀ: ତିରୁବନନ୍ତପୁରମରେ ଖେଳାଯାଇଥିବା ତୃତୀୟ ଦିନିକିଆରେ ଟିମ୍ ଇଣ୍ଡିଆ ଇତିହାସ ସୃଷ୍ଟି କରିଛି। ଟିମ୍ ଇଣ୍ଡିଆ ୩୧୭ ରନରେ ତୃତୀୟ ଦିନିକିଆ ଜିତିଛି। ଏହା ସହ ଭାରତର ନାମ ବର୍ତ୍ତମାନ ଦିନିକିଆ କ୍ରିକେଟ୍ ଇତିହାସରେ ସବୁଠାରୁ ବଡ ବିଜୟ ପଞ୍ଜିକରଣ କରିବାର ରେକର୍ଡ ପାଲଟିଛି।
ବିରାଟ କୋହଲିଙ୍କ ଅପରାଜିତ ୧୬୬ ଏବଂ ଶୁଭମାନ ଗିଲଙ୍କ ୧୧୬ ରନ ଯୋଗୁଁ ଟିମ୍ ଇଣ୍ଡିଆ ୫୦ ଓଭରରେ ୫ ୱିକେଟ୍ ହରାଇ ୩୯୦ ରନ୍ ସଂଗ୍ରହ କରିଥିଲା। ଏହାର ଜବାବରେ ଶ୍ରୀଲଙ୍କା ଦଳ ମାତ୍ର ୭୩ ରନ୍ ସଂଗ୍ରହ କରିଥିଲା। ତେବେ ଶ୍ରୀଲଙ୍କାର ମାତ୍ର ୯ ଜଣ ଖେଳାଳି ଆଉଟ ହୋଇଥିଲେ, ହେଲେ ସେମାନଙ୍କ ମଧ୍ୟରୁ ଜଣେ ଖେଳାଳି ଆହତ ହୋଇଥିବା କାରଣରୁ ଦଳର ସମସ୍ତ ୱିକେଟର ପତନ ବୋଲି ବିବେଚନା କରାଯାଇଥିଲା। ଦିନିକିଆ କ୍ରିକେଟରେ ରନ୍ ଦୃଷ୍ଟିରୁ ଏହା ହେଉଛି ସବୁଠାରୁ ବଡ ବିଜୟ। ଏହାପୂର୍ବରୁ ନ୍ୟୁଜିଲ୍ୟାଣ୍ଡ ୨୦୦୮ ରେ ଆୟର୍ଲାଣ୍ଡ ବିପକ୍ଷରେ ୨୯୦ ରନରେ ଜିତିଥିଲା।
ଭାରତର ଘାତକ ବୋଲିଂକୁ କେବଳ ଶ୍ରୀଲଙ୍କାର ତିନିଜଣ ବ୍ୟାଟ୍ସମ୍ୟାନ୍ ଦୁଇ ଅଙ୍କ ଅତିକ୍ରମ କରିପାରିଥିଲେ। ଥିରୁବନନ୍ତପୁରମରେ ପ୍ରଥମେ ଟିମ୍ ଇଣ୍ଡିଆ ପାହାଡ଼ ଭଳି ସ୍କୋର କରିଥିଲା ଏବଂ ପରେ ମହମ୍ମଦ ସିରାଜ ତାଙ୍କ ମାରାତ୍ମକ ବୋଲିଂ ହେତୁ ଶ୍ରୀଲଙ୍କାକୁ ଧରାଶାୟୀ କରିଥିଲେ। ୧୦ ଓଭରରେ ସିରାଜ ୩୨ ରନ୍ ଦେଇ ଚାରି ୱିକେଟ୍ ନେଇଥିଲେ। ଯେଉଁଠାରେ ମହମ୍ମଦ ଶାମି ଏବଂ କୁଲଦୀପ ଯାଦବଙ୍କୁ ୨ଟି ଲେଖାଏଁ ସଫଳତା ମିଳିଥିଲା।