Tag: ତେଲଙ୍ଗାନା ମୁଖ୍ୟମନ୍ତ୍ରୀ

ଭୁବନେଶ୍ବର: ତେଲଙ୍ଗାନା ମୁଖ୍ୟମନ୍ତ୍ରୀ ତଥା ଭାରତ ରାଷ୍ଟ୍ର ସମିତି ବା ବିଆରଏସ ପ୍ରତିଷ୍ଠାତା କେ ଚନ୍ଦ୍ରଶେଖର ରାଓଙ୍କୁ ସାକ୍ଷାତ କରିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଗିରିଧମ ଗମାଙ୍ଗ। ସେ ଏକା ନୁହଁନ୍ତି ତାଙ୍କ ପୁତ୍ର ଶିଶିର ଗମାଙ୍ଗ ମଧ୍ୟ  ତାଙ୍କୁ ସାକ୍ଷାତ କରିଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ଭାବେ ତେଲଙ୍ଗାନା ମୁଖ୍ୟମନ୍ତ୍ରୀଙ୍କୁ ଗିରିଧର ସାକ୍ଷାତ କରିବା କିଛି ଭୁଲ ନୁହେଁ। ହେଲେ ଏହାକୁ ନେଇ ରାଜନୀତି ପାଣିପାଗ ସରଗରମ ହୋଇଛି।

ସ୍ପଷ୍ଟ ହୋଇଛି ଯେ, ଆସନ୍ତା ନିର୍ବାଚନ ପାଇଁ ଗିରିଧର ଓଡିଶାରେ ବିଆରଏସ ର ମଙ୍ଗ ଧରିବେ। ଏ ନେଇ ତାଙ୍କ ପୁତ୍ର ଶିଶିର ଗମାଙ୍ଗ ସ୍ପଷ୍ଟ ଭାବେ ସୂଚନା ଦେଇ ସାରିଛନ୍ତି। ଉଭୟ ବାପପୁଅ ବିଜେପିରୁ ଇସ୍ତଫା ଦେବେ ବୋଲି ମଧ୍ୟ ଶିଶିର ପରୋକ୍ଷରେ ତାଙ୍କ କର୍ମିଙ୍କୁ କହି ସାରିଛନ୍ତି। ଏ ନେଇ ସେ ଆହୁରି କହିଛନ୍ତି ଯେ, ଖୋଦ ଚନ୍ଦ୍ରଶେଖର ଭୁବନେଶ୍ବର ଆସି ଏକ ବିରାଟ ସମ୍ମିଳନୀରେ ଉଦବୋଧନ ଦେବେ।

ଶିଶିର ଗମାଙ୍ଗ ଯେତେବେଳେ ସ୍ପଷ୍ଟ ସୂଚନା ଦେଇସାରିଛନ୍ତି ତେବେ ଏହା ନିଶ୍ଚିତ ଯେ, ଆଗାମୀ ବିଧାନ ସଭା ନିର୍ବାଚନରେ ଓଡିଶାରେ ଏକ ନୂଆ ଦଳର ଅଭ୍ୟୁଦୋୟ ହେବ। ତେବେ ଗିରିଧର ଗମାଙ୍ଗଙ୍କ ନେତୃତ୍ବରେ ସେହି ଦଳ କେତେ ଲୋକପ୍ରିୟତା ହାସଲ କରିବ  ତାହା ଭିନ୍ନ କଥା। ହେଲେ ଅନ୍ୟ ଦଳ ବା ବିଜେପି ପାଇଁ ଏହା ଅଡୁଆ ପରିସ୍ଥିତି ସୃଷ୍ଟି କରିପାରେ ବୋଲି ଅନୁମାନ କରି ହେଉଛି।

ବର୍ତ୍ତମାନ ଗିରିଧର ଏବଂ ଶିଶିର ବିଜେପିରେ ଥିଲେ ମଧ୍ୟ ନାହିଁନ୍ତି ବୋଲି କହିଲେ କିଛି ଅତ୍ୟୁକ୍ତି ହେବ ନାହିଁ। ଦଳର କୌଣସି ସଂଗଠାନିକ କାର୍ଯ୍ୟରେ ବାପପୁଅଙ୍କ ଭାଗୀଦାରୀ ନାହିଁ ବା ଭାଗୀଦିରୀ ହେବା ପାଇଁ କେହି ଲୋଡୁ ନାହାଁନ୍ତି। ବିଜେପିରେ ଯେତେବେଳେ ବିଜୟ ମହାପାତ୍ରଙ୍କ ପରି ଦକ୍ଷ ତଥା ଟାଣୁଆ ନେତା, ନିଷ୍କ୍ରିୟ, ସେତେବେଳେ ଏହି ବାପପୁଅଙ୍କ ସ୍ଥିତି  ଯେ ଭଲ ହେବ ତାହା ଭାବିବା ଭୂଲ।

ବିଜେପିରେ ଗିରିଧର ଶିଶିର କଣଠୋସା ହୋଇ ରହିଥିବାରୁ ସେମାନେ ନୂଆ ଶିକାର ସନ୍ଧାନରେ ଅଛନ୍ତି। କାରଣ ଓଡିଶାରେ ଯେଉଁ ଦଳ ବର୍ତ୍ତମାନ ଅଛନ୍ତି ଏହି ବାପପୁଅଙ୍କ ପାଇଁ  ସବୁ ଦ୍ବାର ବନ୍ଦ ହୋଇଯାଇଛି। ବିଜେପି ଛାଡିଲେ ଏହି ବାପପୁଅଙ୍କୁ ବିଜେଡି କୋଳେଇବା ସମ୍ଭାବନା ନାହିଁ। ସେହିପରି ସେମାନେ ଯେତେବେଳେ କଂଗ୍ରେସ ଛାଡିଛନ୍ତି ଆଉ ଘରବାହୁଡା ମଧ୍ୟ ହୋଇପାରିବ ନାହିଁ। ଫଳରେ ଗିରିଧର ଶିଶିର ଏକ ନୂଆ ଦଳକୁ ଓଡିଶା ଆଣି ନିଜକୁ ପ୍ରତିଷ୍ଠିତ କରାଇବା ଚେଷ୍ଠାରେ ଅଛନ୍ତି।