ପାଟନା: ଆଜି ଠାରୁ ବିହାରରେ ଶାସକ ଜନତା ଦଳ-ୟୁନାଇଟେଡ (ଜେଡିୟୁ) ର ଦୁଇ ଦିନିଆ ବୈଠକ ଆରମ୍ଭ ହେଉଛି। ଏଥିରେ ଭାରତୀୟ ଜନତା ପାର୍ଟି (ବିଜେପି) କୁ ସାମୂହିକ ଭାବେ ମୁକାବିଲା କରିବା ବ୍ୟତୀତ ମୁଦ୍ରାସ୍ଫୀତି ଏବଂ ବେକାରୀ ସମସ୍ୟା ପ୍ରମୁଖ ପ୍ରସଙ୍ଗ ଉପରେ ଆଲୋଚନା ହୋଇପାରେ। ଜେଡିୟୁ ରାଷ୍ଟ୍ରୀୟ କାର୍ଯ୍ୟନିର୍ବାହୀ ତଥା ରାଷ୍ଟ୍ରୀୟ ପରିଷଦର ବୈଠକ ଏପରି ଏକ ସମୟରେ ଅନୁଷ୍ଠିତ ହେଉଛି ଯେତେବେଳେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ୨୦୨୪ ଲୋକସଭା ନିର୍ବାଚନ ପାଇଁ ମିଳିତ ବିରୋଧୀ ଦଳର ପ୍ରଧାନମନ୍ତ୍ରୀ ହେବା କଥା ଚର୍ଚ୍ଚା ଜୋର ଧରିଛି।
ସଭା ସ୍ଥଳରେ ଦଳ ଦ୍ୱାରା ରଖାଯାଇଥିବା ହୋର୍ଡିଂ ସ୍ଲୋଗାନଗୁଡିକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ନୀତୀଶଙ୍କୁ ସାମ୍ନା କରିବାକୁ ସୂଚିତ କରିଛନ୍ତି। ତେବେ ସେ ସିଧାସଳଖ ବିଜେପି ନେତାଙ୍କ ବିଷୟରେ ଉଲ୍ଲେଖ କରିନାହାଁନ୍ତି। ସୂଚନାଯୋଗ୍ୟ ଯେ ବିହାରର ସହଯୋଗୀ ରାଷ୍ଟ୍ରିୟ ଜନତା ଦଳ (ଆରଜେଡି) ବ୍ୟତୀତ ଏପର୍ଯ୍ୟନ୍ତ କୌଣସି ପ୍ରମୁଖ ଦଳ ଏଭଳି ଡାକରାକୁ ସମର୍ଥନ କରିନାହାଁନ୍ତି। ଏହି ବୈଠକରେ ବିରୋଧୀଙ୍କୁ ଏକଜୁଟ କରିବାର ଆବଶ୍ୟକତା ଉପରେ ଜେଡିୟୁ ମଧ୍ୟ ଧ୍ୟାନ ଦେଇପାରେ।