କନ୍ଦର୍ପ ବେହରା
ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢାଖୋଲ ବ୍ଳକ ବଡବହାଳ ଗ୍ରାମରେ ଥିବା ଯୁବକ ସଂଘର ଏକ ଗୃହକୁ ବ୍ଲକ୍ ପ୍ରଶାସନ ଗ୍ରାମର ଏସ୍.ଏଚଜି ର ମହିଳା ସଦସ୍ୟ ମାନଙ୍କୁ ନେଇ ଯୁବକ ସଂଘ ଓ ମହିଳା ଗ୍ରୁପ୍ ମଧ୍ୟରେ ବିବାଦ ଥମିବାରେ ନାଁ ଧରୁନି।
ପ୍ରକାଶ ଯେ, ଦୀର୍ଘ ୧୫ ବର୍ଷରୁ ଉର୍ଦ୍ଧ୍ବ ହେଲା ଉକ୍ତ ଗ୍ରାମର ଯୁବକ ସଂଘ ସଦସ୍ୟ ମାନେ ଦୁର୍ଗାପୂଜା କରିଆସୁଥିବା ବେଳେ ବିଭିନ୍ନ ସମୟରେ ସରକାରୀ ସ୍ତରରୁ ଅନୁଦାନ ଆଣି କାମ କରିଥିଲେ। ଏହି ଗୃହକୁ ପରବର୍ତ୍ତୀ ସମୟରେ ବ୍ଳକ ପ୍ରଶାସନ ପକ୍ଷରୁ ସୂଚନା ଫଳକ ଲଗାଇ ଏସଏଚଜି ଗୃପର ମହିଳା ସଦସ୍ୟ ମାନଙ୍କୁ ହସ୍ତାନ୍ତର କରାଯାଇଥିବା ଯୁବକ ସଂଘର ସଦସ୍ୟମାନେ ଅଭିଯୋଗ କରିଛନ୍ତି।
ଫଳରେ ବଡବାହାଳ ଗ୍ରାମରେ ଯୁବକ ସଂଘର ସଦସ୍ୟ ଓ ଏସଏଚଜି ମହିଳା ସଦସ୍ୟା ମାନଙ୍କ ମଧ୍ୟରେ ଟଣା ଓଟରା ଦେଖାଦେଇଛି। ଏନେଇ ଗ୍ରାମରେ ଅସନ୍ତୋଷ ଦେଖାଦେବା ସହ ଯୁବକ ସଂଘର ସଦସ୍ୟ ମାନେ ବ୍ଳକ କର୍ତ୍ତୁପକ୍ଷ ମିଶନ ଶକ୍ତି ଗୃହ ନାମରେ ଅର୍ଥ ହରିଲୁଟ କରିଥିବା ସଙ୍ଘର ସଦସ୍ୟ ମାନେ ପ୍ରକାଶ କରିଛନ୍ତି। ମିଶନ ଶକ୍ତି ଗୃହ ନାମରେ କ୍ଲବ୍ ଘରଟିକୁ ସୂଚନା ଫଳକ ଦେଇ ଅର୍ଥ ଆତ୍ମସାତ୍ କରାଯାଇଥିବା ଅଭଯୋଗ ହେୀଇଛି।
ସୂଚନା ଯୋଗ୍ୟ ଯେ, ରେଢ଼ାଖୋଲ ବ୍ଳକ ବଡବାହାଲ ଗ୍ରାମର ଯୁବକ ସଂଘର ସଦସ୍ୟ ମାନେ ଦୁର୍ଗାପୂଜା ପାଇଁ ବେସରକାରୀ ଜାଗାକୁ ନିରୂପଣ କରି ଗତ ୨୦୦୫ ମସିହାରେ ଦୁର୍ଗା ମଣ୍ଡପ ନିଜସ୍ଵ ପାଣ୍ଠିରୁ ନିର୍ମାଣ କରି ପୂଜାବିଧି କରିଆସୁଛନ୍ତି। ସଂଘ ସଦସ୍ୟ ମାନେ ନିଜ ମଧ୍ୟରେ ଚାନ୍ଦା ଆଦାୟ କରି ଦୁର୍ଗା ମଣ୍ଡପର ଫାଉଣ୍ଡେସନ ପକାଇ ଛଅ ଫୁଟ ଉଚ୍ଚତା ବିଶିଷ୍ଟ ଘର କାନ୍ଥ ନିର୍ମାଣ କରିଥିଲେ। ଅସଂପୂର୍ଣ୍ଣ ଘରକୁ ପୂଜା ବିଧି କରିବାରେ ଅସୁବିଧା ହେବାରୁ ପୁନର୍ବାର ସଂଘର ସଦସ୍ୟ ମାନେ ବଡବାହାଲ ପଞ୍ଚାୟତ କାର୍ଯ୍ୟାଳୟର ଦ୍ବାରସ୍ଥ ହୋଇ କିଛି ସରକାରୀ ଅନୁଦାନ ମାଗିଥିଲେ।
ଏହାପରେ ପଞ୍ଚାୟତ କର୍ତ୍ତୁପକ୍ଷ ଦୁର୍ଗା ମଣ୍ଡପର ଉନ୍ନତି କରଣ ପାଇଁ ବ୍ଳକ ଅନୁଦାନରୁ ୫୦ ହଜାର ଟଙ୍କା ଅର୍ଥ ଅନୁଦାନ ମଞ୍ଜୁର ହୋଇ ଦୁର୍ଗାପୂଜା ମଣ୍ଡପର ଉନ୍ନତିକରଣ କରାଯାଇଥିଲା। ଯାହାର ସୂଚନା ଫଳକ ବର୍ତ୍ତମାନ ଦେଖିବାକୁ ମିଳୁଛି। ବ୍ଳକ ପ୍ରଶାସନ ପକ୍ଷରୁ ଅନୁଦାନପରେ ମଧ୍ୟ ସଂପୂର୍ଣ୍ଣ ହାଇପାରିଲା ନାହିଁ। ପୁଣି ସଂଘର ସଦସ୍ୟ ମାନେ ରେଢ଼ାଖୋଲ ବିଧାୟକ ରୋହିତ ପୂଜାରୀଙ୍କ ଦ୍ବାରସ୍ଥ ହୋଇ ଅସଂପୂର୍ଣ୍ଣ ଘରକୁ ସଂପୂର୍ଣ୍ଣ କରିବା ପାଇଁ ଜଣାଇଥିଲେ। ଏହା ପରେ ବିଧାୟକ ପାଣ୍ଠିରୁ ଦୁର୍ଗା ମଣ୍ଡପର ଉନ୍ନତି କରଣ ପାଇଁ ୧ ଲକ୍ଷ ଟଙ୍କାର ଅନୁଦାନ ମିଳିଥିବା ସଂଘ ପକ୍ଷରୁ କୁହାଯାଇଛି।
ଉକ୍ତ ଅନୁଦାନ ଅର୍ଥରେ ଗୃହ ନିର୍ମାଣ କରି ଘରକୁ ସଂପୂର୍ଣ୍ଣ କରିଥିଲେ ମାତ୍ର ଇତି ମଧ୍ୟରେ ସଂଘର ସଦସ୍ୟମାନେ ବିଭିନ୍ନ ପାଣ୍ଠିରୁ ଅର୍ଥ ଆଣି ସଂପୂର୍ଣ୍ଣ କରିଥିବା ବେଳେ ବ୍ଳକ ପ୍ରଶାସନ ପକ୍ଷରୁ ସେହି ଦୂର୍ଗା ମଣ୍ଡପରେ ଆମ ଗାଁ ଆମ ବିକାଶ ଯୋଜନାରେ ୨ ଲକ୍ଷ ଟଙ୍କା ଅନୁଦାନର କେବଳ ସୂଚନା ଫଳକ ଲଗାଇ କୈାଣସି କାମ ନକରି ଉକ୍ତ ମହିଳା ସଂଘଙ୍କୁ ନାମକୁ ହସ୍ତାନ୍ତର କରାଯାଇଛି।
ଫଳରେ ଉଭୟ ଯୁବକ ସଂଘ ଏବଂ ମହିଳା ସଂଘ ମଧ୍ୟରେ ଟଣାଓଟରା ରହିଛି। ଏହି ପରିପ୍ରେକ୍ଷୀରେ ଉଭୟ ସଂଘର ସଦସ୍ୟମାନେ ପଞ୍ଚାୟତ କାର୍ଯ୍ୟାଳୟର ଦ୍ବାରସ୍ଥ ହୋଇ ନିର୍ମାଣ ସଂପୂର୍ଣ୍ଣ ହୋଇଥିବା ଗୃହକୁ ନେବା ପାଇଁ ଦାବି କରୁଛନ୍ତି।
ଅପର ପକ୍ଷରେ ବ୍ଳକ ପ୍ରଶାସନ ପକ୍ଷରୁ ମିଶନ ଗୃହ ପାଇଁ କୋୖଣସି କାମ ନକରି ଏସଏଚଜି ମହିଳା ଗୋଷ୍ଠୀକୁ ଉକ୍ତ ଘରର ଚାବି ହସ୍ତାନ୍ତର କରାଯାଇଥିବାରୁ ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ଦୀର୍ଘ ବର୍ଷ ହେଲା ଯୁବକ ସଂଘ ପକ୍ଷରୁ ଉକ୍ତ ଘର ଭିତରେ ପୂଜା ବିଧି ହେଉଥିବା ଦେବାଦେବୀଙ୍କ ଯଜ୍ଞ ମଣ୍ଡପ ଦେଖିବାକୁ ମିଳୁଛି। ଫଳରେ ବ୍ଳକ ପ୍ରଶାସନର ଏପରି କାମକୁ ଲୋକଙ୍କ ମଧ୍ୟରେ ସନ୍ଦେହ ଜାତ ହେଉଛି।
ଏ ସଂକ୍ରାନ୍ତରେ ରେଢ଼ାଖୋଲ ବିଡ଼ିଓ ପରୀକ୍ଷିତ ସାହୁଙ୍କୁ ପଚାରିବାରୁ ଉକ୍ତ ଘରଟି ବ୍ଳକ ପ୍ରଶାସନର ମିଶନ ଶକ୍ତି ଗୃହ ହୋଇଥିବା ସ୍ପଷ୍ଟ କରିଛନ୍ତି। ଏଣୁ ଉକ୍ତ ଘରଟିକୁ ମହିଳା ଏସଏଚଜି ସଦସ୍ୟା ମାନଙ୍କୁ ହସ୍ତାନ୍ତର କରାଯାଇଛି ବୋଲି ପ୍ରକାଶ କରିଛନ୍ତି।