Categories
ଆଜିର ଖବର ରାଜ୍ୟ ଖବର

ଖୋର୍ଦ୍ଧା ଜାତୀୟ ରାଜପଥରେ ଥିବା ଦୋକାନ ଘର ଉଚ୍ଛେଦକୁ ବିରୋଧ: ବ୍ୟାପକ ପୋଲିସ ଫୋର୍ସ ମୁତୟନ

ଖୋର୍ଦ୍ଧା: ଖୋର୍ଦ୍ଧା ତହସିଲ ଗୋଡିପଡା ନିକଟ ଜାତୀୟ ରାଜପଥର ଗୟାବନ୍ଧ ଛକରେ ଥିବା ଦୋକାନ ଘର ଉଚ୍ଛେଦକୁ ନେଇ ବିରୋଧ କରାଯାଉଛି। ଏହାକୁ ନେଇ ଘଟଣା ସ୍ଥଳରେ ବ୍ୟବସାୟୀ ଓ ଗ୍ରାମବାସୀଙ୍କର ବିକ୍ଷୋଭ ପ୍ରଦର୍ଶନ ଜାରି ରହିଛି। ତେଣୁ ଘଟଣା ସ୍ଥଳରେ ଉତ୍ତେଜନାକୁ ଦୃଷ୍ଟିରେ ରଖି ବ୍ୟାପକ ପୋଲିସ ମୁତୟନ କରାଯାଇଛି।

ଖୋର୍ଦ୍ଧା ଏସଡିପିଓ, ଖୋର୍ଦ୍ଧା ତହସିଲଦାର ଉପସ୍ଥିତ ରହି ଗ୍ରାମବାସୀଙ୍କୁ ବୁଝାସୁଝା କରୁଛନ୍ତି।କିନ୍ତୁ ଭାଙ୍ଗିବାକୁ ଥିବା ଘରର ଛାତ ଉପରେ ମହିଳାମାନେ ଛିଡା ହୋଇ ପ୍ରଶାସନକୁ ବିରୋଧ କରୁଛନ୍ତି। ହେଲେ ପୋଲିସ ସେମାନଙ୍କୁ ବାହାର କରିବା ପାଇଁ ଉଦ୍ୟମ ଜାରି ରଖିଥିବା ଵେଳେ ଘଟଣା ସ୍ଥଳରେ ଉତ୍ତେଜନା ଦେଖାଦେଇଛି।