ଭୁବନେଶ୍ବର: ଆଜି ଖଣି ବିଭାଗର ଜଣେ ବରିଷ୍ଠ ଅଧିକାରୀଙ୍କ ଘରେ ଭିଜିଲାନ୍ସ ଚଢାଉ କରିଛି। ସେ ହେଉଛନ୍ତି ଅନୁଗୁଳ ଜିଲ୍ଲା ତାଳଚେର ଖଣି ବିଭାଗର ଉପନିର୍ଦ୍ଦେଶକ ଧରଣୀଧର ନାୟକ। ତାଙ୍କର ଆଠଟି ସ୍ଥାନରେ ଚାଲିଛି ଚଢାଉ। ଆୟ ବର୍ହିଭୂତ ସଂପତ୍ତି ଠୁଳ ଅଭିଯୋଗରେ ଏହି ଚଢାଉ କରାଯାଇଛି।
ଯେଉଁ ସ୍ଥାନରେ ଚଢାଉ ଚାଲିଛି ସେଗୁଡିକ ହେଲା ଭୁବନେଶ୍ବର ପଟିଆରେ ଥିବା ଏକ ଫ୍ଲାଟ, ତେଲକୋଇରେ 15ଟି ଦୋକାନ ଘର ଥିବା ମାର୍କେଟ କଂପ୍ଲେକ୍ସ, ତେଲକୋଇରେ ଥିବା ଦ୍ବିତାଲା କୋଠା ଏବଂ ଅନ୍ୟ ଏକ ଏକତାଲା କୋଠା, ତେଲକୋଇରେ ଥିବା ତାଙ୍କର ପୌତୃିକ ଘର, ତାଳଚେରରେ ଥିବା ତାଙ୍କର ଆଉ ଏକ ଘର, ଅନୁଗୁଳ ଅଫିସ ଏବଂ କେଉଁଝର ଘଟଗାଁରେ ଥିବା ସଂପର୍କିୟ ଘର। ତେବେ ଚଢାଉ ଜାରୀ ରହିଥିବାରୁ କଣ ଜବତ ହୋଇଛି ତାହା ଜଣାପଡି ନାହିଁ।