କନ୍ଦର୍ପ ବେହେରା
ରେଢାଖୋଲ: ଦିନକୁ ଦିନ ରେଢାଖୋଲ ଅଂଚଳରେ ନକଲି ସାମ୍ବାଦିକ ଓ ପ୍ରେସ୍ ଲେଖା ଥିବା ଗାଡି ବୁଲୁଥିବାର ଜଣା ପଡିଛି। ଏ ନେଇ ଆଜି ଉପଖଣ୍ଡ ସାମ୍ବାଦିକ ସଂଘ ତରଫରୁ ରେଢାଖୋଲ ଉପ-ଆରକ୍ଷୀ ଅଧିକ୍ଷକଙ୍କୁ ସଂଘ ତରଫରୁ ଏକ ଦାବୀ ପତ୍ର ଦିଆଆଇଥିବା ଜଣା ପଡିଛି।
ଗତକାଲି ଅପରାହ୍ନରେ ରେଢାଖୋଲ ଥାନା କଦଳୀଗଡ ଠାରେ ଜଣେ ବ୍ୟକ୍ତି ଓ ଜଣେ ମହିଳା ଏକ ବାଇକରେ (ଓଡି ୩୧-ଏ ୯୩୯୨) ପ୍ରେସ୍ ଲେଖାଯାଇଥିବା ଗାଡିରେ ଆସିଥିଲେ। ରେଢାଖୋଲର କଳିଙ୍ଗ ଟିଭିର ସାମ୍ବାଦିକ ଯଶୋବନ୍ତ ନାରାୟଣ ସାହୁ ସେମାନଙ୍କୁ ପରିଚୟ ମାଗିବାରୁ ସେମାନେ କୌଣସି ସନ୍ତୋଷଜନକ ଉତ୍ତର ଦେଇ ପାରି ନ ଥିଲେ। ପିସିଆର୍ ଭ୍ୟାନ୍ ର ସହାୟତା ଲୋଡିଥିଲେ। ଏହି ସମୟରେ ପ୍ରେସ୍ ଲେଖା ଥିବା ବ୍ୟକ୍ତି ଓ ମହିଳା ଜଣଙ୍କ ସାମ୍ବାଦିକ ଯଶୋବନ୍ତଙ୍କୁ ଧକ୍କାମାରି ଚମ୍ପଟ ମାରିଥିଲେ।
କିଛି ଦିନ ହେଲା ରେଢାଖୋଲ ଅଂଚଳରେ ପ୍ରେସ୍ ଲେଖା ଥିବା ଗାଡି ଅଂଚଳରେ ବୁଲୁଥିବାରୁ ଯାଂଚ କରାଯିବାକୁ ରେଢାଖୋଲ ଉପଖଣ୍ଡ ସାମ୍ବାଦିକ ସଂଘ ତରଫରୁ ରେଢାଖୋଲ ଉପଖଣ୍ଡ ଆରକ୍ଷୀ ଅଧିକ୍ଷକଙ୍କ ଠାରେ ଲିଖିତାକାରରେ ଅଭିଯୋଗ କରିଛନ୍ତି।
ଏହି ଦାବୀପତ୍ର ପ୍ରଦାନରେ ସଂଘର ସଭାପତି ରମାକାନ୍ତ ମହାନନ୍ଦ, ସଂପାଦକ କନ୍ଦର୍ପ ବେହେରା, ତପନ କୁମାର ବିଶ୍ୱାଳ, ରୋହିତ କୁମାର ଭୋଇ, ଯଶୋବନ୍ତ ନାରାୟଣ ସାହୁ, ସରୋଜ କୁମାର ସାହୁ, ଅନୀଲ କୁମାର ପୃଷ୍ଟି, ଶଙ୍କର ପୃଷ୍ଟି, ଶରତ କୁମାର ପ୍ରଧାନ, ପ୍ରଶନ୍ନ କୁମାର ପ୍ରଧାନ ପ୍ରମୁଖ ଉପସ୍ଥିତ ଥିଲେ।