ନୂଆଦିଲ୍ଲୀ, ପଞ୍ଜାବ କଂଗ୍ରେସରେ ଚାଲିଥିବା ସଙ୍କଟ ମଧ୍ୟରେ ହାଇକମାଣ୍ଡ ରବିବାର ଦିନ ଏକ ବଡ ନିଷ୍ପତ୍ତି ନେଇଛନ୍ତି। ନବଜୋତ ସିଂ ସିଦ୍ଧୁଙ୍କୁ ପଞ୍ଜାବ କଂଗ୍ରେସର ସଭାପତି ମନୋନିତ କରିଛନ୍ତି। ପଞ୍ଜାବରେ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି କଂଗ୍ରେସ ନେତୃତ୍ୱ ମଧ୍ୟ ଚାରିଜଣ କାର୍ଯ୍ୟକାରୀ ସଭାପତି ନିଯୁକ୍ତ କରିଛନ୍ତି। ଏଥିପାଇଁ କଂଗ୍ରେସ ନେତା କେ ସି ବେଣୁଗୋପାଳ ଏକ ନିର୍ଦ୍ଦେଶନାମା ଜାରି କରିଛନ୍ତି।
ପଞ୍ଜାବ କଂଗ୍ରେସର ଯେଉଁମାନେ କାର୍ଯ୍ୟକାରୀ ସଭାପତି ଭାବରେ ମନୋନିତ କରାଯାଇଛି ସେମାନେ ହେଲୋେ ସାଙ୍ଗତ ସିଂ, ପୱନ ଗୋୟଲ, କୁଲଜିତ ସିଂ ନାଗ୍ରା ଏବଂ ସୁଖବିନ୍ଦର ସିଂ ଡାନି। ଏହା ସହ ପଞ୍ଜାବର ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ରହିବେ ବୋଲି ମଧ୍ୟ ସ୍ପଷ୍ଟ କରାଯାଇଛି। ହେଲେ ଦଳୀୟ ସଂଗଠନର ନିୟନ୍ତ୍ରଣ ସିଦ୍ଧୁଙ୍କ ହାତରେ ରହିବ।
