ବାଣପୁର: ଇଂରାଜୀ ନବବର୍ଷ ଉପଲକ୍ଷେ ଆଜି ବାଣପୁର କୋର୍ଟ ବରିଷ୍ଠ ଦେୱାନୀ ବିଚାରପତି ଅମରେଶ ମହାପାତ୍ର ଏବଂ ପ୍ରଥମ ଶ୍ରେଣୀ ବିଚାର ବିଭାଗୀୟ ବିଚାରପତି ସ୍ନାତକୀ ଦାସଙ୍କୁ ଶୁଭେଚ୍ଛା ଜଣାଇଛି ବାଣପୁର ଓକିଲ ସଂଘ। ସଂଘ ସଭାପତି ବୃନ୍ଦାବନ ପ୍ରଧାନ ଓ ସମ୍ପାଦକ ରଞ୍ଜନ କୁମାର ବେଦମତ୍ତାଙ୍କ ନେତୃତ୍ୱରେ ଓକିଲମାନେ ଉଭୟ ବିଚାରପତିଙ୍କୁ ସାକ୍ଷାତ କରି ପୁଷ୍ପଗୁଛ ଦେଇ ନବ ବର୍ଷର ଶୁଭେଚ୍ଛା ଜଣାଇବା ସହ ସେମାନଙ୍କ ଉତ୍ତୋରତର ଉନ୍ନତି କାମନା କରିଥିଲେ।
ଏହି ଅବସରରେ ଉଭୟ ବିଚାରପତି ଓକିଲ ସଂଘକୁ ଏଥି ନିମନ୍ତେ ଧନ୍ୟବାଦ ଜଣାଇବା ସହ ବାର ଏବଂ ବେଞ୍ଚ ମଧ୍ୟରେ ବିଗତ ବର୍ଷ ପରି ଚଳିତ ବର୍ଷ ମଧ୍ୟ ସୁସମ୍ପର୍କ ବଜାୟ ରହିବ ବୋଲି ସଂଘ ଠାରୁ ଆଶା କରିଥଲେ। ଓକିଲ ସଂଘ ସଭାପତି ଓ ସମ୍ପାଦକ ଏଥିରେ ଏକମତ ହେବାସହ ବାର ଏବଂ ବେଞ୍ଚ ଏକ ପରିବାର ବୋଲି ମତପ୍ରକାଶ କରିଥିଲେ।
ଏହି ଅବସରରେ ସଂଘ ଉପ ସଭାପତି ରାମଚନ୍ଦ୍ର ପଲାଇ, ସହ ସମ୍ପାଦକ ନରେନ୍ଦ୍ର ନାୟକ, କାର୍ଯ୍ୟକାରୀ ସଭ୍ୟ ଦେବବ୍ରତ ବଡ଼ଜେନା, ସନ୍ତୋଷ କୁମାର ମହାପାତ୍ର, ବରିଷ୍ଠ ଆଇନଜୀବୀ ସନ୍ଦୀପ କୁମାର ମହାପାତ୍ର, ଅନ୍ନଦା ଷଡ଼ଙ୍ଗୀ, ପଦ୍ମଜା ପଟ୍ଟନାୟକ,ସୀତାରାମ ଅଗ୍ରୱାଲ,କାମେଶ୍ୱର ଆଚାରୀ ପ୍ରମୁଖ ଉପସ୍ଥିତ ଥିଲେ।