Tag: ନାକଟିଦେଉଳ ବନଖଣ୍ଡ

କନ୍ଦର୍ପ ବେହେରା
ରେଢାଖୋଲ: ନାକଟିଦେଉଳ ବନଖଣ୍ଡ ସାହେବୀ ଗ୍ରାମରୁ ଜଣେ ବ୍ୟକ୍ତିଙ୍କ ଘରୁ ୧୧୦୦ ଗ୍ରାମ ବାରହା ମାଂସ ବନବିଭାଗ ଜବତ କରିବା ସହ ଏଥିରେ ସଂପୃକ୍ତି ଥିବା ୨ ଜଣଙ୍କୁ ବନବିଭାଗ ଗିରଫ କରିଥିବା ଜଣା ପଡିଛି।

ବନବିଭାଗ ସୂତ୍ରରୁ ପ୍ରକାଶ ଯେ, ନାକଟିଦେଉଳ ବନଖଣ୍ଡ ସାହେବୀ ଗ୍ରାମରେ ଛବିଳ ମାଝୀଙ୍କ ଘରେ ବାର୍‌ହା ମାସ ଥିବା ବନବିଭାଗ ଖବର ପାଇ ଚଢାଉ କରିଥିଲା। ଛବିଳ ଘରୁ ବନବିଭାଗ ୧୧୦୦ ଗ୍ରାମ ବାରହା ମାଂସ ଜବତ କରିବା ସହ ଏଥିରେ ସଂପୃକ୍ତି ଥିବା ଛବିଳ ମାଝୀଙ୍କ ସହ ଗ୍ରାମର ମହେଶ୍ୱର ସାହୁଙ୍କୁ ଗିରଫ କରିଥିଲା। ସେମାନଙ୍କୁ ଆଜି କୋର୍ଟ ଚାଲାଣ କରାଯିବ ବୋଲି ବନବିଭାଗ ପ୍ରକାଶ କରିଛି।

ଏହି ଚଢଓରେ ନାକଟିଦେଉଳ ରେଞ ଅଧିକାରୀ ଅଶ୍ୱିନୀ କୁମାର ବେହେରା , ଫରେଷ୍ଟର ସଞୟ କୁମାର ସାହୁ , ଫରେଷ୍ଟ ଗାର୍ଡ ରଞନ ନାଏକ ତଥା ବନବିଭାଗର ଅନ୍ୟ କର୍ମଚାରୀମାନେ ସାମିଲ୍ ହୋଇଥିଲେ। ଆଜି ସେମାନଙ୍କୁ କୋର୍ଟଚାଲାଣ କରାଯାଇଥିବା ଜଣା ପଡିଛି। ସାହେବୀ ଅଂଚଳରେ ପ୍ରତିଦିନ ଜନ୍ତୁ ଶିକାର ହେଉଥିବା ଅଭିଯୋଗ ହେଉଥିବା ବେଳେ ବନବିଭାଗ ସେମାନଙ୍କୁ ଧରିବାରେ ବିଫଳ ହେଉଥିଲା ବୋଲି ଜଣା ପଡିଛି।