ଜୁନାଗଡ଼ (ଦୁଷ୍ମନ୍ତ କୁମାର ପଣ୍ଡା): ଜୁନାଗଡ ଥାନା ଅନ୍ତର୍ଗତ କନ୍ଧ ବ୍ର।ହ୍ମଣୀଗୁଡା ଗ୍ରାମରେ ଏକତରଫା ପ୍ରେମକୁ ନେଇ ଜଣେ ନାବାଳିକାକୁ ହତ୍ୟା ଉଦ୍ୟମ କରାଯାଇଛି। ଗୁରୁତର ଅବସ୍ଥାରେ ପୀଡ଼ିତା ନାବାଳିକା ଜିଲ୍ଲା ମୁଖ୍ୟଚିକିତ୍ସାଳୟରେ ଚିକିତ୍ସାଧୀନଥିବା ବେଳେ ଅଭିଯୁକ୍ତ ଫେରାର୍ ଥିବା ଜଣାଯାଇଛି।
ପ୍ରକାଶ ଯେ, ଭବାନୀପାଟଣା ସଦର ଥାନା ଅନ୍ତର୍ଗତ ବାଦଳି ଗ୍ରାମର ପୀଡିତା ନାବାଳିକା (୧୪) ଜୁନାଗଡ ଥାନା ଅନ୍ତର୍ଗତ କନ୍ଧବ୍ରାହ୍ମଣୀଗୁଡା ମାମୁଁ ଘରକୁ ଆସିଥିଲେ। ବୁଧବାର ରାତ୍ରରେ ଗାଁ ରେ ଏକ ସାଂସ୍କୃତିକ କାର୍ଯ୍ୟକ୍ରମ ଚାଲୁଥିବା ବେଳେ ପୀଡିତା ନାବାଳିକା ଶୌଚ ପାଇଁ ବାହାରିଥିଲେ। ଏହି ସମୟରେ ସେହି ଗ୍ରାମର ଜଣେ ଅଜଣା ଯୁବକ ସେଠାରେ ଉପସ୍ଥିତ ରହି ଗାମୁଛାରେ ତଣ୍ଟି ଚିପି ହତ୍ୟା ଉଦ୍ୟମ କରିଥିଲେ। ଏହା ପରେ ଅଭିଯୁକ୍ତ ସେଠାରେ ପୀଡିତା ମୃତ୍ୟୁ ହୋଇଯାଇଥିବା ଭାବି ସେଠାରୁ ଫେରାର୍ ହୋଇଯାଇଥିଲା।
ନାବାଳିକା ଜଣକ ମୂର୍ମୁଷୁ ଅବସ୍ଥାରେ ରାତି ସାରା ପଡି ରହିଥିଲେ। ଭୋର ସମୟରେ ଗ୍ରାମବାସୀ ଯୁବତୀଜଣଙ୍କ ମୁର୍ମୁଷୁ ଅବସ୍ଥାରେ ପଡିଥିବା ଦେଖି ତାଙ୍କୁ ଉଦ୍ଧାର କରି ମାମୁଁ ଘର ଲୋକଙ୍କୁ ଖବର ଦେଇଥିଲେ। ତୁରନ୍ତ ନାବାଳିକାଙ୍କୁ ଜୁନାଗଡ ଡାକ୍ତରଖାନାରେ ଭର୍ତ୍ତି କରିଥିଲେ।
ନାବାଳିକାଙ୍କ ଅବସ୍ଥା ଗୁରୁତର ଥିବାରୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା। ବର୍ତ୍ତମାନ ପୀଡିତା ନାବାଳିକା ଅବସ୍ତା ସ୍ଥିର ଥିବା ଜଣାପଡ଼ିଛି।
ଏ ସଂକ୍ରାନ୍ତରେ ପୀଡିତାଙ୍କ ମାମୁଁ ଛବି ବିହାରି ଜୁନାଗଡ ଥାନାରେ ଏକ ଲିଖିତ ଅଭିଯୋଗ କରିଛନ୍ତି। ଏସଂକ୍ରାନ୍ତରେ ଜୁନାଗଡ ଥାନା କେଶ୍ ନ୍ ୪୮୮/୨୩ ଅନୁଯାଇ ଆଇ ପି ସି ଧାରା ୩୦୭ ଅନୁଯାୟୀ ଏକ ମାମଲା ରୁଜୁ କରାଯାଇ ତଦନ୍ତ ଚଳାଇଥିବା ଜୁନାଗଡ ଥାନା ଅଧିକାରୀ ଶେଷ ଦେବ ବେହେରା ପ୍ରକାଶ କରିଛନ୍ତି। ହେଲେ ଏହି ଘଟଣା ଏକ ଏକତରଫା ପ୍ରେମ ଜନିତ ଘଟଣାକୁ ନେଇ ହୋଇଥିବା ସନ୍ଦେହ କରାଯାଉଥିବା ଚର୍ଚ୍ଚା ହେଉଛି।