ବାଣପୁର (ସୀତାରାମ ଅଗ୍ରୱାଲ): ଆଜି ଦିନ ସକାଳ ୯.୩୦ ଘଟିକା ସମୟରେ ନରେନ୍ଦ୍ରପୁର ପଂଚାୟତ ଅଙ୍ଗନବାଡି କେନ୍ଦ୍ରରେ ଆଦର୍ଶ ଆରୋଗ୍ୟ ସେବା ସଦନ ଓ ହେଲଥ ଭିଲେଜ ହସ୍ପିଟାଲ ଭୁବନେଶ୍ୱରଙ୍କ ମିଳିତ ଆନୁକୂଲ୍ୟରେ ଏକ ନିଃଶୁଳ୍କ ସ୍ୱାସ୍ଥ୍ୟ ସେବା ଶିବିର ଅନୁଷ୍ଠିତ ହୋଇଯାଇଅଛି।
ଏହି ଶିବିରରେ ହେଲଥ ଭିଲେଜ ହସ୍ପିଟାଲର ଡାକ୍ତର ଶ୍ରୀ ରାମ ବାବୁ, ଆଦର୍ଶ ଆରୋଗ୍ୟ ସେବା ସଦନର ପ୍ରତିଷ୍ଠାତା ତଥା ଅବସରପ୍ରାପ୍ତ ସହ ମହା ପ୍ରବନ୍ଧକ ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କ ଭି. କାମେଶ୍ୱର ଆଚାରୀ, ସ୍ୱାସ୍ଥ୍ୟ ସହାୟକ ପ୍ରଦୀପ ସାହୁ ଏବଂ ଭବାନୀ ମିଶ୍ର ଉପସ୍ଥିତ ରହି ଏହି କାର୍ଯ୍ୟକ୍ରମକୁ ସୁଚାରୁରୂପେ ପରିଚାଳନା କରି ୭୫ ଜଣ ରୋଗୀଙ୍କୁ ଚିକିତ୍ସା କରିଥିଲେ।
ଏହି କାର୍ଯ୍ୟକୁ ସ୍ଥାନୀୟ ଅଞ୍ଚଳରେ ଭୁୟସୀ ପ୍ରଶଂସା କରୁଛନ୍ତି। ଶ୍ରୀ ଆଚାରୀ କହିଲେ ଏହି ସେବା କାର୍ଯ୍ୟ ପ୍ରତ୍ୟେକ ମାସରେ ଦୁଇ ଥର କରାଯିବ।