ସୀତାରାମ ଅଗ୍ରୱାଲ
ଚିଲିକା: ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ନାଭାଲ ଫାଣ୍ଡିରେ ନୂତନ ଫାଣ୍ଡି ଅଧିକାରୀ ଭାବେ ଯୋଗଦେଇଛନ୍ତି ଏସଆଇ ଦିଲୀପ ସାହୁ। ଶ୍ରୀ ସାହୁ ଦୀର୍ଘ ଏକ ବର୍ଷ ହେଲା ବାଲୁଗାଁ ଥାନାରେ କାର୍ଯ୍ୟରତ ଅଛନ୍ତି। ତେବେ ନିକଟରେ ପୂର୍ବତନ ନାଭାଲ ଫାଣ୍ଡି ଅଧିକାରୀ ଗୋବିନ୍ଦ ଗୌଡ଼ଙ୍କ ଆଇଆଇସି ଭାବେ ଗଜପତି ଜିଲ୍ଲାକୁ ପଦୋନ୍ନତି ହୋଇଥିବାରୁ ଫାଣ୍ଡି ଅଧିକାରୀ ପଦବୀ ଖାଲି ପଡିଥିଲା।
ଏହି ପରିପ୍ରେକ୍ଷୀରେ ଗତ ୨୬ ତାରିଖରେ ଖୋର୍ଦ୍ଧା ଏସପି ଦିଲୀପ ସାହୁଙ୍କୁ ନାଭାଲ ଫାଣ୍ଡି ଅଧିକାରୀ ଭାବେ ନିଯୁକ୍ତି ଦେଇଛନ୍ତି। ତେବେ ନାଭାଲ ଫାଣ୍ଡି ଚିଲିକାର ଏକ ଗୁରୁତ୍ୱପୂର୍ଣ ଅଞ୍ଚଳ ହୋଇଥିବାହେତୁ ଉକ୍ତ ଅଞ୍ଚଳରୁ ଚୋରା ମଦ ବେପାର ବନ୍ଦ କରିବା ସହ ଅପରାଧ ମୁକ୍ତ କରିବା ପ୍ରଥମ ପ୍ରାଥମିକତା ରହିବ ବୋଲି ଶ୍ରୀ ସାହୁ ପ୍ରକାଶ କରିଛନ୍ତି।