Categories
ଆଜିର ଖବର ଜାତୀୟ ଖବର

ଶରଦ ପାୱାର ହେବେ କି ଦେଶର ପରବର୍ତ୍ତୀ ରାଷ୍ଟ୍ରପତି: ରାହୁଲ ଗାନ୍ଧୀଙ୍କୁ ସାକ୍ଷାତ କଲେ ନିର୍ବାଚନ ରଣନୀତିକାର ପ୍ରଶାନ୍ତ କିଶୋର

ନୂଆଦିଲ୍ଲୀ: କରୋନା ସଙ୍କଟ ଭିତରେ ଏବେ ଦେଶରେ ରାଜନୈତିକ ହଲଚଲ ମଧ୍ୟ ଆରମ୍ଭ ହୋଇଯାଇଛି। ଆସନ୍ତା ବର୍ଷ କେତୋଟି ରାଜ୍ୟରେ ବିଧାନସଭା ନିର୍ବାଚନ ସହ ରାଷ୍ଟ୍ରପତି ନିର୍ବାଚନ ମଧ୍ୟ ହେବ। ଏହା ସହ ଏବେଠାରୁ ମଧ୍ୟ ୨୦୨୪ ଲୋକସଭା ନିର୍ବାଚନ ପାଇଁ ରାଜନୈତିକ ଦଳଗୁଡିକ ମଧ୍ୟରେ ପ୍ରସ୍ତୁତି ଆରମ୍ଭ ହୋଇଯାଇଥିବା ଦେଖାଯାଉଛି। ନିର୍ବାଚନ ରଣନୀତିକାର ପ୍ରଶାନ୍ତ କିଶୋର ଗତକାଲି କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ସହ ସାକ୍ଷାତ କରିବା ପରେ ଏହାର ଚର୍ଚ୍ଚା ଜୋର ଧରିଛି।

କୁହାଯାଉଛି କି, ବର୍ତ୍ତମାନ ସବୁ ବିରୋଧୀ ଦଳଗୁଡିକୁ ଏକାଠି କରିବା ପାଇଁ ପ୍ରଶାନ୍ତ କିଶୋର ଲାଗିପଡିଛନ୍ତି। ଏନସିପି ଅଧ୍ୟକ୍ଷ ଶରଦ ପାୱାରଙ୍କୁ ରାଷ୍ଟ୍ରପତି ପ୍ରାର୍ଥୀ ଭାବେ ଛିଡା କରିବାକୁ ପ୍ରଶାନ୍ତ କିଶୋର ଯୋଜନା ପ୍ରସ୍ତୁତ କରୁଥିବା ଜଣାପଡିଛି।

ଉଲ୍ଲେଖାଯୋଗ୍ୟ ଯେ, ପଶ୍ଚିମବଙ୍ଗ ନିର୍ବାଚନ ପରେ ଶାରଦ ପାୱାରଙ୍କ ସହ ପ୍ରଶାନ୍ତ କିଶୋର ୩ ଥର ସାକ୍ଷାତ କରିଥିଲେ। ତେବେ ଆସନ୍ତା ବର୍ଷ ୨୦୨୨ ମସିହାରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ କାର୍ଯ୍ୟକାଳ ସମାପ୍ତ ହେଉଛି। ତେଣୁ ତାଙ୍କ ପରେ ଦେଶର ନୂଆ ରାଷ୍ଟ୍ରପତି କିଏ ହେବ ତାହା ନେଇ ଏବେଠୁ ଆଲୋଚନା ଆରମ୍ଭ ହୋଇଯାଇଛି।

Categories
ଅନ୍ତରାଷ୍ଟ୍ରୀୟ ଆଜିର ଖବର

ଇସ୍ରାଏଲର ପରବର୍ତ୍ତୀ ରାଷ୍ଟ୍ରପତି ଭାବେ ନିର୍ବାଚିତ ହେଲେ ଅନୁଭବୀ ନେତା ଇଶାକ୍ ହଜୋର୍ଗ

ନୂଆଦିଲ୍ଲୀ: ଇସ୍ରାଏଲ ସଂସଦ ‘ନେସେଟ’ ରେ ରାଷ୍ଟ୍ରପତି ପାଇଁ ଗୁପ୍ତ ମତଦାନ ହୋଇଥିଲା। ଏହି ମତଦାନରେ ଇସ୍ରାଏଲର ପରବର୍ତ୍ତୀ ରାଷ୍ଟ୍ରପତି ଭାବେ ଅନୁଭବି ନେତା ଇଶାକ ହର୍ଜୋଗ ନିର୍ବାଚିତ ହୋଇଛନ୍ତି। ଲେବର ପାର୍ଟିର ପୂର୍ବତନ ନେତା ୬୦ ବର୍ଷୀୟ ହଜୋର୍ଗ ଦେଶର ପ୍ରଥମ ରାଷ୍ଟ୍ରପତି ହେବେ, ଯିଏ ଜଣେ ପୂର୍ବତନ ରାଷ୍ଟ୍ରପତିଙ୍କ ପୁଅ। ତାଙ୍କ ପିତା ସିୟାମ ହଜୋର୍ଗ ୧୯୮୩ ମସିହାରୁ ୧୯୯୩ ପର୍ଯ୍ୟନ୍ତ ଇସ୍ରାଏଲର ରାଷ୍ଟ୍ରପତି ଥିଲେ। ୧୨୦ ସଂସଦୀୟ ବିଶିଷ୍ଟ ସଂସଦରେ ହଜୋର୍ଗଙ୍କୁ ୮୭ ଟି ଭୋଟ ମିଳିଥିଲା। ସେ ତାଙ୍କର ନିକଟତମ ପ୍ରତିଦ୍ଵନ୍ଦୀ ମିରିୟମ ପରେତ୍ଜଙ୍କୁ ସହଜରେ ପରାଜିତ କରିଥିଲେ।

ବର୍ତ୍ତମାନ ରାଷ୍ଟ୍ରପତି ରିୟୁୱାନ ରିୱଲୀନ ଆସନ୍ତା ଜୁଲାଇ ୯ ତାରିଖରେ ଅବସର ନେବେ। ଏହାପରେ ହଜୋର୍ଗ କାର୍ଯ୍ୟଭାର ସମ୍ଭାଳିବେ। ସମର୍ଥନ କରିଥିବା ସମସ୍ତ ସାଂସଦଙ୍କୁ  ହଜୋର୍ଗ ଧନ୍ୟବାଦ ଜଣାଇଛନ୍ତି। ଦେଶର ସମସ୍ତ ନାଗରିକଙ୍କ ସେବା କରିବା ଏକ ସମ୍ମାନର କଥା ବୋଲି ସେ କହିଛନ୍ତି।