ନୂଆଦିଲ୍ଲୀ: କ୍ୟାମ୍ପବେଲ ୱିଲସନଙ୍କୁ ଏୟାର ଇଣ୍ଡିଆର ସିଇଓ ତଥା ପରିଚାଳନା ନିର୍ଦ୍ଦେଶକ ଭାବରେ ଟାଟା ସନ୍ସ ନିଯୁକ୍ତ କରିଛି। ଟାଟା ସନ୍ସଙ୍କ ଦ୍ଵାରା ଜାରି ଏକ ବିବୃତ୍ତି ଅନୁଯାୟୀ, ୫୦ ବର୍ଷିୟ କ୍ୟାମ୍ପବେଲ ୱିଲସନ ବିମାନ ଚଳାଚଳ କ୍ଷେତ୍ରରେ ୨୬ ବର୍ଷର ଅଭିଜ୍ଞତା ପାଇଛନ୍ତି। ଏୟାର ଇଣ୍ଡିଆର ଚେୟାରମ୍ୟାନ୍ ଏନ ଚନ୍ଦ୍ରଶେଖରନ୍ କହିଛନ୍ତି ଯେ, ୱିଲସନ ଜଣେ ଇଣ୍ଡଷ୍ଟ୍ରିର ପୁରୁଖା, ଯିଏ ପ୍ରମୁଖ ବିଶ୍ୱ ବଜାରରେ କାର୍ଯ୍ୟ କରିଛନ୍ତି। ତାଙ୍କର ଅଭିଜ୍ଞତା ଏସିଆରେ ଏକ ଏୟାରଲାଇନ୍ସ ବ୍ରାଣ୍ଡ ନିର୍ମାଣରେ ଏୟାର ଇଣ୍ଡିଆକୁ ଲାଭ ଦେବ।
