Tag: ପାଟପୁର ଥାନା

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ପାଟପୁର ଥାନା ଅର୍ନ୍ତଗତ ସାମନ୍ତରାୟ ପୁର ଗ୍ରାମର ହୀନ ପାତ୍ର ନାମକ ଜଣେ ଯୁବକ ର ଶବକୁ ପରିବାର ଲୋକେ ସାନଖେମୁଣ୍ଡି ବ୍ଳକ ଅନ୍ତର୍ଗତ ରାମଚନ୍ଦ୍ର ପୁର ପୋଲ ନିକଟରୁ ଉଦ୍ଧାର କରି ପୋଲିସ କୁ ଜଣାଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ରହ୍ମପୁର ବଡ଼ ଡ଼ାକ୍ତରଖାନାରେ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛନ୍ତି ଓ ଘଟଣା ର ତଦନ୍ତ ଆରମ୍ଭ କରିଛନ୍ତି।

ସୁଚନା ଅନୁଯାୟୀ ମୃତ ହୀନ କୌଣସି କାମରେ ବ୍ରହ୍ମପୁର ଯାଇ ରାତି ସୁଦ୍ଧା ଘରକୁ ଫେରି ନଥିଲେ। ଗତକାଲି ସକାଳେ ହୀନ ଚଳାଉଥିବା ମୋଟରସାଇକେଲ ଓ ତା’ର ଶବକୁ ଦେଖି ପରିବାର ଲୋକଙ୍କୁ ଖବର ଜଣାଇଥିଲେ। ଖବର ପାଇ ପରିବାର ଲୋକେ ମୃତ ହୀନ ର ମୁହଁ ଓ ଶରୀରରେ ଆଘାତ ଲାଗିଥିବା ଦେଖିଲା ପରେ ପୋଲିସ କୁ ସୁଚନା ଦେଇଥିଲେ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗତ ୨୦୨୩ ଅଗଷ୍ଟ ମାସରେ ପାଟପୁର ଥାନା ଅନ୍ତର୍ଗତ ତପ୍ତପାଣି ଘାଟି ନିକଟରୁ ପୋଡ଼ାମାରି ଗ୍ରାମର ସଙ୍ଗୀତା ପ୍ରଧାନ ନାମକ ଜଣେ ବିବାହିତା ମହିଳାଙ୍କ ଶବ ମିଳିଥିଲା। ମୃତ ମହିଳାଙ୍କ ବାପା ତାଙ୍କ ଝିଅକୁ ହତ୍ୟା କରାଯାଇଛି ଓ ସିନ୍ଦୁରପୁର ଗ୍ରାମର ମିଥୁନ ବିଷୋୟୀ ନାମକ ଜଣେ ଯୁବକ ହତ୍ୟା କରିଥିବା ଅଭିଯୋଗ କରିଥିଲେ।

ଅଭିଯୋଗ ଗ୍ରହଣ କରି ପୋଲିସ ମୃତ ମହିଳାଙ୍କ ଶବ ଉଦ୍ଧାର କରି ଡାକ୍ତରଖାନାରେ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରି ଏକ ହତ୍ୟା ମାମଲା ରୁଜୁ କରି ଅଭିଯୁକ୍ତ ମିଥୁନ କୁ ଗିରଫ କରି କୋର୍ଟ ଚାଲାଣ କରିଥିଲା। ମାନ୍ୟବର ଜିଲ୍ଲା ଜଜ୍ ସାକ୍ଷ୍ୟ ପ୍ରମାଣ କୁ ଭିତ୍ତି କରି ଏହି ହତ୍ୟା ଘଟଣାର ଚୂଡ଼ାୟ ରାୟ ଆଜି ଜିଲ୍ଲା ଜର୍ଜଙ୍କ କୋର୍ଟରେ ପ୍ରକାଶ କରିଛନ୍ତି ଓ ଏହି ହତ୍ୟା ଘଟଣାର ଅଭିଯୁକ୍ତ ଯୁବକ ମିଥୁନ ବିଷୋୟୀଙ୍କୁ ଜିଲ୍ଲା ଜର୍ଜ ରୂପଶ୍ରୀ ଚୌଧୁରୀ ଆଜୀବନ ଜେଲ ଦଣ୍ଡରେ ଦଣ୍ଡିତ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ପାଟପୁର ଥାନା ଅନ୍ତର୍ଗତ ଏସ୍ ଗୋପାଳପୁର ଗ୍ରାମର ଲିଶା ପ୍ରଧାନ ନାମ୍ନୀ ଜଣେ ନବବିବାହିତା ମହିଳାଙ୍କ ମୃତ୍ୟୁ ଘଟିଛି। ଯାହାକି ଲିଶାଙ୍କ ମାଁ କୁମାରୀ ପ୍ରଧାନ ଥାନାରେ ଅଭିଯୋଗ ଯୋଗୁଁ ମୃତ୍ୟୁ ଘଟଣା ସନ୍ଦେହ ଘେରରେ ରହିଛି।

ଗତ ଏକ ବର୍ଷ ପୂର୍ବରୁ ଲିଶାଙ୍କ ସ୍ବାମୀ ବିକ୍ରମ ବରାଡ ଦିଗପହଣ୍ଡି ଥାନା ଅର୍ନ୍ତଗତ ଭୁଷୁଣ୍ଡା ଗ୍ରାମରେ ରହୁଥିବା ମାମୁଁ ଘରକୁ ଯିବାବେଳେ ଲିଶା ସହିତ ସମ୍ପର୍କ ଆସିଥିଲା ଓ ପରବର୍ତ୍ତୀ ସମୟରେ ବିକ୍ରମ ଗତ ୧୧ ମାସ ତଳେ ବିବାହ କରିଥିଲା। କିନ୍ତୁ ବିବାହର କିଛି ମାସ ପରେ ବିକ୍ରମଙ୍କ ପରିବାର ଲୋକେ ଯୌତୁକ ଜନିତ ନିର୍ଯ୍ୟାତନା ଦେବାରୁ ସେ ବାପ ଘରକୁ ପଳି ଆସିଥିଲେ।

ଏହି କିଛି ଦିନ ପୂର୍ବରୁ ବିକ୍ରମ ଶ୍ଵଶୁର ଘରକୁ ଆସି ବୁଝାସୁଝା କରି ଲିଶାଙ୍କୁ ନିଜ ଘରକୁ ନେଇଯାଇଥିଲେ। ଗତ ବୁଧବାର ଦିନ ଲିଶାଙ୍କ ବାପା କାମେଶ୍ୱର ପ୍ରଧାନଙ୍କୁ ବିକ୍ରମ ଲିଶାଙ୍କୁ ହତ୍ୟା କରିଦେବା ପାଇଁ ଧମକ ଦେଇଥିଲେ ଓ ଲିଶା ସହିତ ବାପାଙ୍କୁ କଥା କରାଇଥିଲେ।

ଯ’ଦ୍ଵାରା ବାପା ଓ ମାଁ ଭୟରେ ଥିବା ବେଳେ ଗୁରୁବାର ସକାଳେ ଲିଶାର ନଣନ୍ଦ ବାପା କାମେଶ୍ୱରଙ୍କୁ ଫୋନ କରି ଜଣାଇଥିଲା ଯେ, ଲିଶା କ’ଣ ପିଇ ବାନ୍ତି କରୁଛି। ଏହି ଭଳି ଖବର ପାଇ ବାପା ଆଡପଡା ଡାକ୍ତରଖାନାରେ ପହଞ୍ଚି ଦେଖିଲେ ଯେ, ଝିଅ ଲିଶାର ମୃତ୍ୟୁ ଘଟିଛି।

ଏହିଭଳି ଅଭାବନୀୟ ଘଟଣା ପରେ ଲିଶାଙ୍କ ମାଁ କୁମାରୀ ପ୍ରଧାନ ପାଟପୁର ଥାନାରେ ଅଭିଯୋଗ କରିଥିଲେ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗତ ୨୦୧୪ ଅକ୍ଟୋବର ମାସରେ ସାନଖେମୁଣ୍ଡି ବ୍ଳକ ଅଧ୍ୟକ୍ଷଙ୍କ ବିରୋଧରେ ଅନାସ୍ଥା ପ୍ରସ୍ତାବ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ପରିପ୍ରେକ୍ଷୀରେ ଗଞ୍ଜାମ ପୋଲିସ ଗଣ୍ଡଗୋଳର ସୁଚନା ପାଇ ପାଟପୁର ଥାନା ପୋଲିସ୍ ଗମ୍ଭାରିଡା ଗ୍ରାମକୁ ଘେରାଉ କରି ରଖିଥିଲା। ଏହି ସମୟରେ ଗୋଟିଏ ସ୍କର୍ପିଓ ଗାଡ଼ି ସେହି ରାସ୍ତାଦେଇ ଗଲାବେଳେ ସନ୍ଦେହ ପ୍ରକଟ କରି ପୋଲିସ ଗାଡିଟିକୁ ଅଟକାଇ ଯାଞ୍ଚ କଲା ବେଳେ ସେହି ଗାଡ଼ି ଭିତରୁ ବୋମା, ଖଣ୍ଡା, ଠେଙ୍ଗା ଓ ବିସ୍ପୋରକ ସାମଗ୍ରୀ ଜବତ କରିବା ସହ ୮ ଜଣ ଯୁବକଙ୍କୁ କାବୁ କରି ଥାନାରେ ଅଟକ ରଖି ପଚରାଉଚରା କରିଥିଲା।

ସେମାନେ ତତ୍କାଳୀନ ବିଧାୟକ ରମେଶ ଜେନାଙ୍କ ନିର୍ଦ୍ଦେଶନାରେ ଗଣ୍ଡଗୋଳ ଘଟାଇବା ପାଇଁ ଆସିଥିଲେ ବୋଲି ବୟାନ ଦେଇଥିଲେ। ଅଟକ ଯୁବକ ମାନଙ୍କ ବୟାନକୁ ଭିତ୍ତି କରି ପୋଲିସ ଉକ୍ତ ଯୁବକ ମାନଙ୍କ ସହ ରମେଶ ଜେନାଙ୍କ ନାମରେ ମାମଲା ରୁଜୁ କରି ଗିରଫ କରି କୋର୍ଟ ଚାଲାଣ କରିଥିଲେ।

ପରବର୍ତ୍ତୀ ସମୟରେ ବ୍ରହ୍ମପୁର ଜିଲ୍ଲା ଅଦାଲତରେ ବିଚାରଣା ଚାଲିଥିଲା ଓ ୯ ଜଣ ସାକ୍ଷୀଙ୍କ ବୟାନକୁ ଭିତ୍ତି କରି ସାକ୍ଷ୍ୟ ପ୍ରମାଣ ଅଭାବରୁ ମାନ୍ୟବର ଅତିରିକ୍ତ ଜିଲ୍ଳା ଜଜ୍ ୩ ବିଧାୟକ ରମେଶ ଜେନାଙ୍କ ସମସ୍ତ ଅଭିଯୁକ୍ତଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ତପ୍ତପାଣି ନିକଟରେ ୨୧ କିଲୋ ଗଞ୍ଜେଇ ଜବତ ହୋଇଥିବା ବେଳେ ୩ ନାବାଳକଙ୍କୁ ପୋଲିସ ଅଟକ ରଖିଛି।

ସୂଚନା ଅନୁଯାୟୀ, ପାଟପୁର ଥାନା ପୋଲିସ ଏସ୍ ଆଇ ମିଲନ୍ ପ୍ରଧାନ ସଦଳବଳେ ପେଟ୍ରୋଲିଂ କରୁଥିବା ସମୟରେ ତପ୍ତପାଣି ନିକଟରେ ସନ୍ଦେହ ଜନକ ଭାବେ ୩ ନାବାଳକଙ୍କୁ ଅଟକାଇଥିଲା। ୨ ଟି ମୋଟରସାଇକେଲକୁ ଅଟକାଇ ଯାଞ୍ଚ କରିବା ପରେ ସେମାନେ ଧରିଥିବା ୨ ଟି ବ୍ୟାଗ୍ ରୁ ୨୧ କିଲୋ ଗଞ୍ଜେଇ ଜବତ କରିଥିଲା। ଅଟକ ୩ ନାବାଳକଙ୍କୁ ପୋଲିସ ବାଳସୁଧାର ଗୃହକୁ ପଠାଇଦେଇଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ପାଟପୁର ଥାନା ଅନ୍ତର୍ଗତ ପୋଡାମାରୀ ନିକଟ ବତାଗୁଡା ଗ୍ରାମର ଏକ ଛୋଟ ପାନ ଦୋକାନ ଉପରେ ଅତର୍କିତ ଚଢ଼ାଉ କରି ପାଟପୁର ପୋଲିସ ୭୨.୮୦୦ ଗ୍ରାମ ଗଞ୍ଜେଇ ଜବତ୍ କରିଛି। ଏହା ସହ ପାନ ଦୋକାନୀ ପାଣ୍ଡବ ପ୍ରଧାନଙ୍କୁ ୫୭୩/୨୩ , ଓ ଏନ୍ ଡି ପି ଏସ୍ ଆଇନ ଅନୁଯାୟୀ ଗିରଫ କରି ବ୍ରହ୍ମପୁର ଜିଲ୍ଲା ଅଦାଲତକୁ ଚାଲାଣ କରିଛି।

ବ୍ରହ୍ମପୁର ଉପଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ସ୍ଥାନୀୟ ତହସିଲଦାର ଶ୍ରୀନିବାସ ବେହେରାଙ୍କ ଉପସ୍ଥିତିରେ ଜବତ ଗଞ୍ଜେଇକୁ ଓଜନ କରାଯାଇଥିଲା। ଯାହାର ପରିମାଣ ୭୨.୮୦୦ ଗ୍ରାମ ବୋଲି ଜଣାପଡିଛି ଓ ଏହାର ଆନୁମାନିକ ମୂଲ୍ୟ ୧୫ ଲକ୍ଷ ଟଙ୍କା ହେବ ବୋଲି ଥାନା ଅଧିକାରୀଙ୍କ ଠାରୁ ପ୍ରକାଶ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ପାଟପୁର ଥାନା ଅନ୍ତର୍ଗତ ପୁଡାମାରୀ ଚଷା ସାହିର ବିବାହିତା ମହିଳା ନିଖୋଜ ଓ ପରେ ତପ୍ତପାଣି କେନାଲରୁ ତାଙ୍କର ମୃତ ଦେହ ଉଦ୍ଧାର ପରେ ମାମଲା ରୁଜୁ ହୋଇଥିଲା। ଘଟଣାକୁ ଗୁରୁତର ସହ ନେଇ ସଙ୍ଗୀତାଙ୍କ ବାପା ଙ୍କର ଅଭିଯୋଗକୁ ଭିତ୍ତି କରି ପୋଲିସ ଆସ୍କା ଏସ୍ ଡି ପି ଓ ଉମାଶଙ୍କର ସିଂ ଙ୍କ ନେତୃତ୍ଵରେ ବିଭିନ୍ନ ସ୍ଥାନରେ ଚଢାଉ କରି ମୁଖ୍ୟ ଅଭିଯୁକ୍ତକୁ ଗିରଫ କରିଛି। ଏହା ସହ ସଙ୍ଗୀତା ପିନ୍ଧିଥିବା ସୁନା ଅଳଙ୍କାର ମାଟିରେ ପୋତା ଯାଇଥିବା ଅବସ୍ଥାରେ ଉଦ୍ଧାର କରାଯାଇଛି। ପରେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଛି।

ବର୍ତ୍ତମାନ ସୁଦ୍ଧା ତଦନ୍ତ ଜାରି ରହିଛି। ଯଦି ଆଉ କାହାର ସମ୍ପର୍କ ଜଣାପଡ଼ିବ, ତେବେ ସେମାନଙ୍କୁ ମଧ୍ୟ ଗିରଫ କରାଯିବ ବୋଲି ପୋଲିସ ପ୍ରକାଶ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ପାଟପୁର ଥାନା ଅନ୍ତର୍ଗତ ପୋଡାମାରି ଗ୍ରାମର ସଙ୍ଗୀତା ପ୍ରଧାନ ନାମ୍ନୀ ଜଣେ ମହିଳାଙ୍କର ଶବ ଉଷ୍ମ ପ୍ରବଣ ତପ୍ତପାଣି ନିକଟସ୍ଥ ଏକ କେନାଲରୁ ଉଦ୍ଧାର ହୋଇଛି। ବିବାହିତା ମହିଳା ସଙ୍ଗୀତା ଗତ ୩ ବର୍ଷ ତଳେ ପାଟପୁର ଥାନା ଅନ୍ତର୍ଗତ ନରସିଂହ ଗଡ଼ରେ ବାହା ହୋଇଥିଲେ। କୌଣସି କାରଣରୁ ସେ ସ୍ବାମୀଙ୍କ ଠାରୁ ଛାଡ଼ପତ୍ର ହୋଇ ପୁଡାମାରି ବାପା ଘରେ ରହୁଥିଲେ। କିନ୍ତୁ ହଠାତ୍ ଗତ ୩ ତାରିଖରୁ ଘରୁ କେଉଁ ଆଡେ ଚାଲିଯାଇଥିଲା।

ଏହି ପରିପ୍ରେକ୍ଷୀରେ ବାପା ପାଟପୁର ଥାନାରେ ଏକ ଅଭିଯୋଗ ଦାଖଲ କରିଥିଲେ। ଗତ କାଲି କିଛି ଚାଷୀ ଲୋକ ଜମିରେ ପାଣି ମଡାଇବା ପାଇଁ ଉକ୍ତ ସ୍ଥାନକୁ ଯାଇଥିବା ବେଳେ ବହୁତ ଦୁର୍ଗନ୍ଧ ହୋଇଥିଲା। ଖୋଜିବା ବେଳକୁ ପାଣି ଭିତରେ ଜଣେ ମହିଳା ମୁହଁ ମାଡି ରହିଛି ଓ ତା ଉପରେ ପଥର ମଡ଼ା ଯାଇଛି।

ଏହି ଖବର ଗାଁ ଲୋକେ ଜାଣିଲା ପରେ ପୋଲିସ କୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ସନ୍ଧାନୀ କୁକୁର, ସାଇଣ୍ଟିଫିକ୍ ଟିମ୍ ସହ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ସକାଶେ ପଠାଇବା ଡାକ୍ତରଖାନାକୁ ପଠାଇବା ସହ ତଦନ୍ତ ଆରମ୍ଭ କରିଛନ୍ତି।

ଅନ୍ୟ ପକ୍ଷରେ ସଙ୍ଗୀତା ପିନ୍ଧିଥିବା ସୁନା ଅଳଙ୍କାର ତାଙ୍କ ଦେହରେ ନାହିଁ ଓ ଏହି ଲୋଭରେ କେହି ତାଙ୍କୁ ହତ୍ୟା କରି ପଥର ମଡାଇ ଚାଲିଯାଇଛନ୍ତି ବୋଲି ପୋଲିସ ନିକଟରେ ତାଙ୍କ ବାପା ଅଭିଯୋଗ କରିଛନ୍ତି। ଏତଲା ନଂ ୫୦୦/୨୩ ଅନୁଯାୟୀ ମାମଲା ରୁଜୁ କରି ପୋଲିସ ଘଟଣାର ତଦନ୍ତ ଆରମ୍ଭ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ପାଟପୁର ଥାନା ଏସ୍ ଆଇ ଶ୍ରୀନିବାସ ଦାସ ଥାନାର ଅନ୍ୟ କର୍ମଚାରୀଙ୍କ ସହ ପାଟ୍ରୋଲିଂ କରୁଥିବା ସମୟରେ ପୁଡାମାରୀ ରାଜନାପଲୀ ରାସ୍ତାରେ ବିହାର ରାଜ୍ୟର ରେଜିଷ୍ଟ୍ରେସନ ଏକ ମାଲବାହୀ ଟ୍ରକକୁ ଅଟକାଇ ପଚରାଉଚୁରା କରିଥିଲେ। ଡ଼୍ରାଇଭର ମଧୁସୂଦନ ସିଂ ର କଥାରେ ସନ୍ଦେହ ଲାଗିବାରୁ ଗାଡ଼ିର ମାଲ ବସ୍ତା ଗୁଡ଼ିକ ତଳକୁ ଓହ୍ଲେଇ ଯାଞ୍ଚ କରିବା ବେଳକୁ ଉପରେ ଦୋଭଜା ଓ ଭିତରେ ୧୭ ବସ୍ତା ଗଞ୍ଜେଇ ମିଳିଥିଲା।

ଏହି ଘଟଣା ବିଷୟରେ ଏସ୍ ଆଇ ଶ୍ରୀନିବାସ ଦାସ ଉପରିସ୍ଥ ଅଧିକାରୀଙ୍କୁ ଜଣାଇବା ପରେ ବ୍ରହ୍ମପୁର ଉପଜିଲ୍ଲାପାଳଙ୍କ ନିର୍ଦ୍ଦେଶନାରେ ପାଟପୁର ତହସିଲଦାର ଶ୍ରୀନିବାସ ବେହେରାଙ୍କ ଉପସ୍ଥିତିରେ ଜବତ ଗଞେଇ ଓଜନ କରିଥିଲେ। ଯାହାର ପରିମାଣ ୫ ଶହ ୭୯ କିଲୋ ୫୦୦ ଗ୍ରାମ୍ ଜଣାପଡିଛି। ଆଜି ଗଞେଇ ଓ ଗାଡ଼ି କୁ ଜବତ କରିବା ସହ ଡ଼୍ରାଇଭର ମଧୁସୂଦନ କୁ ଗିରଫ କରି କୋର୍ଟ ଚାଲାଣ କରାଯିବ ବୋଲିି ଥାନା ସୁତ୍ରରୁ ଜଣାପଡିଛି।