ନୂଆଦିଲ୍ଲୀ: ପିଏମ୍ ଗତିଶକ୍ତି ଅଧୀନରେ ଥିବା ନେଟୱାର୍କ ପ୍ଲାନିଂ ଗ୍ରୁପ୍ (ଏନପିଜି) ଏହାର ୪୬ ତମ ଅଧିବେଶନରେ ୪ ଟି ଭିତ୍ତିଭୂମି ପ୍ରକଳ୍ପ ଯାଞ୍ଚ ଏବଂ ସୁପାରିଶ କରିଛି। ଏହି ବୈଠକରେ ଲଜିଷ୍ଟିକ୍ ଡିଭିଜନ୍, ଡିପିଆଇଆଇଟିର ସ୍ୱତନ୍ତ୍ର ସଚିବ ସୁମିତା ଦାୱରା ଅଧ୍ୟକ୍ଷତା କରିଥିଲେ ଏବଂ ଟେଲି ଯୋଗାଯୋଗ ବିଭାଗ (ଡିଓଟି), ପରିବେଶ, ଜଙ୍ଗଲ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ, ବନ୍ଦର, ଜାହାଜ ଚଳାଚଳ ଏବଂ ଜଳମାର୍ଗ ମନ୍ତ୍ରଣାଳୟ, ବେସାମରିକ ବିମାନ ଚଳାଚଳ ମନ୍ତ୍ରଣାଳୟ, ଶକ୍ତି ମନ୍ତ୍ରଣାଳୟ, ନୀତି ଆୟୋଗ, ସଡକ ପରିବହନ ଏବ ରାଜପଥ ମନ୍ତ୍ରଣାଳୟ, ପ୍ରେଟ୍ରୋଲିୟମ ଏବଂ ପ୍ରାକୃତିକ ବାଷ୍ପ ମନ୍ତ୍ରଣାଳୟ ଏବଂ ନୂତନ ଏବଂ ଅକ୍ଷୟ ଶକ୍ତି ମନ୍ତ୍ରଣାଳୟର ପ୍ରମୁଖ ସଦସ୍ୟ ଏବଂ ବିଭାଗର ବରିଷ୍ଠ ଅଧିକାରୀ ସକ୍ରିୟ ଅଂଶଗ୍ରହଣ କରିଥିଲେ।
ବୈଠକ ସମୟରେ ରେଳ ମନ୍ତ୍ରଣାଳୟର ୪ ଟି ପ୍ରକଳ୍ପ ଏନପିଜି ଦ୍ୱାରା ଯାଞ୍ଚ କରାଯାଇ ସୁପାରିଶ କରାଯାଇଥିଲା। ସମନ୍ୱିତ ଏବଂ ପ୍ରଗତିଶୀଳ ଚିନ୍ତାଧାରା ବ୍ୟବହାର କରି ପିଏମ ଶକ୍ତିଶକ୍ତି ନିୟମ ସହିତ ଏହି ପ୍ରକଳ୍ପଗୁଡିକ ବିକଶିତ ହେବ ଏହି ପ୍ରକଳ୍ପଗୁଡିକ ବହୁମୁଖୀ ସଂଯୋଗୀକରଣ, ନିରବଚ୍ଛିନ୍ନ ମାଲ ଏବଂ ଯାତ୍ରୀ ପରିବହନ ଯୋଗାଇବା ସହିତ ସମଗ୍ର ଦେଶରେ ଲଜିଷ୍ଟିକ୍ ଦକ୍ଷତା ବୃଦ୍ଧି କରିବ।
ଓଡ଼ିଶାର ଜୁନାଗଡରୁ ନବରଙ୍ଗପୁର ଷ୍ଟେସନ ମଧ୍ୟରେ ନୂତନ ବ୍ରଡ-ଗଜ ଲାଇନ ର୍ନିମାଣ ପାଇଁ ରେଳ ମନ୍ତ୍ରଣାଳୟର ଏକ ପ୍ରକଳ୍ପ ଏନପିଜି ଦ୍ୱାରା ଯାଞ୍ଚ କରାଯାଇଥିଲା। ପ୍ରସ୍ତାବିତ ପ୍ରକଳ୍ପ ଜୁନାଗଡରୁ ନବରଙ୍ଗପୁର ପର୍ଯ୍ୟନ୍ତ ପ୍ରାୟ ୧୧୬ କିଲୋମିଟର ରହିଛି। ଏହି ନୂତନ ଲାଇନର ର୍ନିମାଣ ବଇଲାଡିଲା ଲୁହାପଥର ଖଣିରୁ ରାୟପୁର ଅଞ୍ଚଳର ବିଭିନ୍ନ ଇସ୍ପାତ କାରଖାନା ପର୍ଯ୍ୟନ୍ତ ଦୂରତାକୁ ୧୩୧ କିଲୋମିଟର ହ୍ରାସ କରିବ ବୋଲି ଆଶା କରାଯାଉଛି। ଏହା ସହିତ, ଆଶା କରାଯାଏ ଯେ ଏହି ପ୍ରକଳ୍ପ ଇସ୍ପାତ କାରଖାନାର ମାଲ ପରିବହନକୁ ସୁଗମ କରିବ ଏବଂ ଜୁନାଗଡ ରୋଡ୍, ଜୟପୁର, କୋରାପୁଟ ଏବଂ ଆରଭି ଲାଇନରେ ଥିବା ଅନ୍ୟାନ୍ୟ ମାଲ୍ ସେଡ୍, ଯାହା ମଲ୍ଟି ମୋଡାଲ୍ ଲଜିଷ୍ଟିକ ପଏଣ୍ଟ ଅଟେ। ଏହି ନୂତନ ଲାଇନ ବିଶାଖାପାଟନମ୍, ଗଙ୍ଗାଭରମ, ଏବଂ କାକିନାଡା ବନ୍ଦରରୁ ରାୟପୁର ଅଞ୍ଚଳର ବିଭିନ୍ନ ଇସ୍ପାତ କାରଖାନାକୁ କୋଇଲା ପହଞ୍ଚାଇବା ପାଇଁ ଏକ ବିକଳ୍ପ ମାର୍ଗ ପ୍ରଦାନ କରିବ। ସଡକ-ରେଳ ଇଣ୍ଟରମୋଡାଲ ଲଜିଷ୍ଟିକର ବ୍ୟବସ୍ଥା ଜୟପୁର, ଜୁନାଗଡ ରୋଡ ଏବଂ ନବରଙ୍ଗପୁରରେ ବିଭିନ୍ନ ସେଡକୁ ମାଲପରିବହନ ବୃଦ୍ଧି କରିବ ବୋଲି ଆଶା କରାଯାଉଛି।
ରାଜସ୍ଥାନର ସାୱାଇ ମାଧୋପୁର ଏବଂ ଜୟପୁର ମଧ୍ୟରେ ବ୍ରଡ-ଗଜ ଡବଲ ଲାଇନ ର୍ନିମାଣ ପାଇଁ ରେଳ ମନ୍ତ୍ରଣାଳୟର ଏକ ପ୍ରକଳ୍ପ ଏନପିଜି ଦ୍ୱାରା ଯାଞ୍ଚ କରାଯାଇଥିଲା। ଏହି ପ୍ରକଳ୍ପ ସାୱାଇ ମାଧୋପୁର ଠାରୁ ଜୟପୁର ପର୍ଯ୍ୟନ୍ତ ପ୍ରାୟ ୧୩୧ କିଲୋମିଟର ବ୍ୟାପିଛି ଏବଂ ଏହା ଏକ ଗୁରୁତ୍ୱପୂର୍ଣ୍ଣ ଭିତ୍ତିଭୂମି ପଦକ୍ଷେପ ବୋଲି ବିବେଚନା କରାଯାଏ। ସମାପ୍ତ ହେବା ପରେ ଏହି ପ୍ରକଳ୍ପ ୨୦୨୬-୨୭ ବର୍ଷ ସୁଦ୍ଧା ଲାଇନ କ୍ଷମତାକୁ ୭୧% (ରକ୍ଷଣାବେକ୍ଷଣ ବ୍ଲକ ବିନା) ଏବଂ ୮୦% (ରକ୍ଷଣାବେକ୍ଷଣ ବ୍ଲକ ସହିତ) କୁ ଉନ୍ନତ କରିବ ବୋଲି ଆଶା କରାଯାଉଛି। ଜୟପୁର-ସାୱାଇ ମାଧୋପୁର ମାର୍ଗ ଦିଲ୍ଲୀ-ମୁମ୍ବାଇ ମାର୍ଗରେ ଏକ ଫିଡର ଭାବରେ କାର୍ଯ୍ୟ କରେ ଏବଂ ଏହା ଜୟପୁର, ଏହାର ଆଖପାଖ ଏବଂ ମୁମ୍ବାଇ, ଭାରତର ଦକ୍ଷିଣ ଏବଂ ପୂର୍ବ ଭାଗକୁ ସଂଯୋଗ କରୁଥିବା ପ୍ରାରମ୍ଭିକ ନାଳକୁ ପ୍ରତିନିଧିତ୍ୱ କରିଥାଏ। ପ୍ରସ୍ତାବିତ ପ୍ରକଳ୍ପ ବିଦ୍ୟମାନ ସିଙ୍ଗଲ୍ ଲାଇନ୍ ନେଟୱାର୍କରେ ସମସ୍ୟା ଦୂର କରିବାରେ ସାହାଯ୍ୟ କରିବ, ଫଳସ୍ୱରୂପ ବାଧାରହିତ ଭାବେ ରେଳ ଚଳାଚଳ କରିବ।
ଅଧିକନ୍ତୁ, ନେସନାଲ ପ୍ଲାନିଂ ଗ୍ରୁପ୍ (ଏନପିଜି) ଉତ୍ତରପ୍ରଦେଶର ଉତ୍ତର-ପୂର୍ବ ରେଳପଥରେ ମହାରାଜଗଞ୍ଜ ଦେଇ ଆନନ୍ଦନଗର ଘୁଗୁଲି ମଧ୍ୟରେ ଏକ ନୂତନ ବ୍ରଡ-ଗଜ ଲାଇନ ର୍ନିମାଣ ପାଇଁ ରେଳ ମନ୍ତ୍ରଣାଳୟ ଦ୍ୱାରା ପ୍ରସ୍ତାବିତ ଏକ ପ୍ରକଳ୍ପର ମୂଲ୍ୟାଙ୍କନ କରିଛି। ପ୍ରସ୍ତାବିତ ପ୍ରକଳ୍ପ ଅନନ୍ଦ ନଗର ଠାରୁ ପ୍ରାୟ ୫୩ କିଲୋମିଟର ବ୍ୟାପିଛି ଏବଂ ଏହା ଏକ ବ୍ରଡ୍ ଗଜ୍ (ବିଜି) ଲାଇନ ଭାବରେ ର୍ନିମାଣ ହେବ। ପ୍ରକଳ୍ପ ଅଞ୍ଚଳକୁ ସିଧାସଳଖ ବି.ଜି ମାର୍ଗ ଯୋଗୁଁ ଏହି ପ୍ରକଳ୍ପ ସ୍ଥାନୀୟ ଅଞ୍ଚଳର ଆର୍ଥିକ ବିକାଶକୁ ବୃଦ୍ଧି କରିବ ବୋଲି ଆଶା କରାଯାଉଛି। ନୂତନ ଲାଇନ ଗୋରଖପୁର ଜଙ୍କସନରେ ଅଟକି ନ ଯାଇ ବାଲ୍ମିକୀନଗରରୁ ଗୋଣ୍ଡାକୁ ମହାରାଜଗଞ୍ଜ ଦେଇ ଯାତ୍ରା କରୁଥିବା ଟ୍ରେନଗୁଡିକ ପାଇଁ ଏକ ବିକଳ୍ପ ଏବଂ କମ୍ ଦୂରତାର ମାର୍ଗ ଭାବରେ କାର୍ଯ୍ୟ କରିବ। ଯାତ୍ରୀମାନେ ଏହି ନୂତନ ଲାଇନରୁ ଉପକୃତ ହେବେ କାରଣ ବର୍ତ୍ତମାନ ଏହି ସେକ୍ସନରେ ଉପଲବ୍ଧ ଏକମାତ୍ର ପରିବହନ ହେଉଛି ସଡକ। ଏହା ସହିତ ଏହି ରେଳ ଲାଇନ ସିମେଣ୍ଟ, ସାର, କୋଇଲା ଏବଂ ଖାଦ୍ୟ ଶସ୍ୟର ପରିବହନକୁ ସହଜ କରିବ ବୋଲି ଆଶା କରାଯାଏ, ଯାହାଦ୍ୱାରା ସମ୍ପୃକ୍ତ ଶିଳ୍ପଗୁଡିକ ପାଇଁ ଲାଭ ମିଳିବ। ଏହାଛଡା ଏହି ରେଳ ଲାଇନ ନେପାଳକୁ ମାଲ ପରିବହନ ସହଜ କରିବ।
ରେଳ ମନ୍ତ୍ରଣାଳୟ ଦେଇଥିବା ଶେଷ ପ୍ରକଳ୍ପ ପ୍ରସ୍ତାବ ପଶ୍ଚିମ ରେଳବାଇରେ ଅଧିକ ମାଲ ପରିବହନ ପାଇଁ ନେଟୱାର୍କରେ ସ୍ୱୟଂଚାଳିତ ବ୍ଲକ ସିଗନାଲ୍ ଅଧିକ ବ୍ୟବହାର ପାଇଁ ଥିଲା। ଏହି ପ୍ରକଳ୍ପର ଲକ୍ଷ୍ୟ ହେଉଛି ମହାରାଷ୍ଟ୍ର ଏବଂ ଗୁଜରାଟରେ ଥିବା ପଶ୍ଚିମ ରେଳବାଇର ଚାରିଟି ପ୍ରମୁଖ ସେକ୍ସନ ଏବଂ ୮୯୫ ଆରକେଏମ୍କୁ ସାମିଲ କରିବା। ଏହି ପ୍ରକଳ୍ପଟି ଅଧିକ ମାଲ ପରିବହନ ହାଇ ଡେନସିଟି ନେଟୱାର୍କ (ଏଚୟୁଏନ୍) ମାର୍ଗକୁ ଏବିଏସ୍ ଆଭିମୁଖ୍ୟରେ ଆଣିବ, ଯେହେତୁ ଏବିଏମ୍ ପଶ୍ଚିମ ରେଳବାଇର ହାଇ ଡେନସିଟି ନେଟୱାର୍କ (ଏଚୟୁଏନ୍) ମାର୍ଗ ମଞ୍ଜୁର ହୋଇସାରିଛି କିମ୍ବା ବିଦ୍ୟମାନ ଅଛି। ଏହି ପ୍ରକଳ୍ପର ଲାଭ ମଧ୍ୟରେ ରେଳର ବେଗ ୧୧୦ କିଲୋମିଟରରୁ ୧୩୦ କିଲୋମିଟରକୁ ବୃଦ୍ଧି ପାଇବ ଯାହା ରେଳବାଇର ଖର୍ଚ୍ଚ ହ୍ରାସ ଏବଂ ସାମଗ୍ରିକ ଲଜିଷ୍ଟିକ୍ ଦକ୍ଷତା ବୃଦ୍ଧି କରିବାର ସମ୍ଭାବନା ରହିଛି। ଏହାଦ୍ୱାରା ଟ୍ରେନ୍ର ଅଟକି ରହିବା ଏବଂ ଯାତ୍ରା ସମୟ ହ୍ରାସ ହେବ, ବିଶେଷକରି ଉଧନା – ଜଲଗାଓଁ, ଅହମ୍ମଦାବାଦ – ପାଲାନପୁର, ଅହମ୍ମଦାବାଦ- ବୀରାମଗାମ- ସମଖିଆଲି, ଏବଂ ବୀରାମଗାମ- ରାଜକୋଟ ସେକ୍ସନରେ ଏହି ଲାଭ ମିଳିବ। ଅତିରିକ୍ତ ଲାଭ ମଧ୍ୟରେ ସଡକ ଯାତାୟାତରେ ଭିଡ ହ୍ରାସ ପାଇବ ଏବଂ ଅଙ୍ଗାରକାମ୍ଳ ମାତ୍ରା ହ୍ରାସ କରି ପରିବେଶ ଉପରେ ସକରାତ୍ମକ ପ୍ରଭାବ ପକାଇବ।
ନେଟୱାର୍କ ପ୍ଲାନିଂ ଗ୍ରୁପ୍ (ଏନପିଜି) ର ୪୬ ତମ ଅଧିବେଶନ ୦୩.୦୪.୨୦୨୩ ରେ ନୂଆଦିଲ୍ଲୀରେ ଅନୁଷ୍ଠିତ ହୋଇଥିଲା।
