ଦଶମରେ ଆଇଏନଏସ ଚିଲିକା ପିଏମ ଶ୍ରୀ କେନ୍ଦ୍ରୀୟ ବିଦ୍ୟାଳୟରୁ କେ ସ୍ୱୟଂ ପ୍ରସାଦ ପାତ୍ର ଓ ଚିଲିକାରାଣୀ ଇଂରାଜୀ ମାଧ୍ୟମିକ ବିଦ୍ୟାଳୟରୁ ଶ୍ରୀୟା ପ୍ରିୟଦର୍ଶିନୀ, ଦ୍ୱାଦଶ ବିଜ୍ଞାନରେ ଆର୍ଯ୍ୟ ଅଂଶୁମାନ ଓଝା ଓ ବାଣିଜ୍ୟରେ ମାଶିଦା ଅକ୍ତର ଟପ୍ପର
ବାଲୁଗାଁ: କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (ସିବିଏସଇ) ଦଶମ ଓ ଦ୍ୱାଦଶ ପରୀକ୍ଷା ଫଳ ଆଜି ପ୍ରକାଶିତ ହୋଇଥିବା ବେଳେ ଆଇଏନଏସ ଚିଲିକା ପିଏମ ଶ୍ରୀ କେନ୍ଦ୍ରୀୟ ବିଦ୍ୟାଳୟରୁ ଚଳିତ ବର୍ଷ ୭୨ ଜଣ ଦଶମ ପରୀକ୍ଷା ଦେଇଥିଲେ। ବିଦ୍ୟାଳୟର ଶତ ପ୍ରତିଶତ ଛାତ୍ରଛାତ୍ରୀ ପାସ କରିଥିବା ବେଳେ କେ ସ୍ୱୟଂ ପ୍ରସାଦ ପାତ୍ର ଶତକଡ଼ା ୯୯.୬ ଶତକଡା ମାର୍କ ରଖି ଟପ୍ପର ରହିଛନ୍ତି। ସେହିପରି ଦ୍ୱାଦଶରେ ୩୮ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ୩୭ ଜଣ ପାସ କରିଛନ୍ତି। ତନ୍ମଧ୍ୟରୁ ବିଜ୍ଞାନରେ ଆର୍ଯ୍ୟ ଅଂଶୁମାନ ଓଝା ୯୮ ଶତକଡ଼ା ମାର୍କ ଓ ବାଣିଜ୍ୟରେ ମାଶିଦା ଅକ୍ତର ୯୭.୬ ଶତକଡା ମାର୍କ ରଖି ଟପ୍ପର ହୋଇଛନ୍ତି। ପାସ ହାର ୯୭.୩୭ ଶତକଡ଼ା ରହିଥିବାବେଳେ ଜଣେ କମ୍ପାର୍ଟମେଣ୍ଟାଲ ରହିଛନ୍ତି।
ଅନୁରୂପ ଭାବେ ବାଲୁଗାଁ ସ୍ଥିତ ଚିଲିକାରାଣୀ ଇଂରାଜୀ ମାଧ୍ୟମିକ ବିଦ୍ୟାଳୟରୁ ୮୩ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ୭୯ ଜଣ କୃତକାର୍ଯ୍ୟ ହୋଇଛନ୍ତି।ଯାହାକି ପାସହାର ୯୫ ପ୍ରତିଶତ ରହିଛି।ଉକ୍ତ ବିଦ୍ୟାଳୟର ଛାତ୍ରୀ ଶ୍ରୀୟା ପ୍ରିୟଦର୍ଶିନୀ ୯୪.୭୩ ଶତକଡା ମାର୍କ ରଖି ବିଦ୍ୟାଳୟ ଟପ୍ପର ହୋଇଛନ୍ତି।
