Categories
ଆଜିର ଖବର ରାଜ୍ୟ ଖବର

କୁଜଙ୍ଗ ପଥୁରିଆ ଛକ ନିକଟରେ ଦୁଇଟି ପିକଅପ୍ ଭ୍ୟାନ୍ ମୁହାଁମୁହିଁ ଧକ୍କା: ଜଣଙ୍କର ମୃତ୍ୟୁ

ରମେଶ ମହାନ୍ତି
ଜଗତସିଂହପୁର: କଟକ-ପାରାଦ୍ୱିପ ମୁଖ୍ୟ ରାସ୍ତାର କୁଜଙ୍ଗ ପଥୁରିଆ ଛକ ନିକଟରେ ଆଜି ସକାଳୁ ଦୁଇଟି ପିକଅପ୍ ଭ୍ୟାନ୍ ମୁହାଁମୁହିଁ ଧକ୍କା ହେବା ଫଳରେ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି।

ସୂଚନାନୁଯାୟୀ ଆଜି ସକାଳୁ ପାରାଦ୍ବୀପ ଅଭିମୁଖେ ଆସୁଥିବା ଏକ ପାଉଁରୁଟି ବୋଝେଇ ପିକଅପ୍ ଭ୍ୟାନ୍ ସହ କଟକ ଅଭିମୁଖେ ଯାଉଥିବା ଏକ କୋଇଲା ବୋଝେଇ ପାକଅପ୍ ଭ୍ୟାନ୍ ସହ ମୁହାଁମୁହିଁ ଧକ୍କା ହୋଇଥିଲା। ଘଟଣାସ୍ଥଳରେ ପାଉଁରୁଟି ବୋଝେଇ ପିକଅପ୍ ଭ୍ୟାନ୍ ଡ୍ରାଇଭରର ମୃତ୍ୟୁ ହୋଇଥିବା ବେଳେ କୋଇଲା ବୋଝେଇ ପିକଅପ୍ ଭ୍ୟାନର ଡ୍ରାଇଭର୍ ଘଟଣା ସ୍ଥଳରୁ ଫେରାର୍ ହୋଇଯାଇଥିବା ଜଣାପଡ଼ିଛି। ମୃତ ଡ୍ରାଇଭରର ଘର ପାରାଦ୍ବୀପ ଲକ୍ ଥାନା ଅଞ୍ଚଳର ନରେନ୍ଦ୍ରପୁର ଗ୍ରାମରେ ହୋଇଥିବା ବେଳେ ସେ ରବିନ୍ଦ୍ର ମଲ୍ଲିକଙ୍କ ପୁଅ ବାଦଲ ମଲ୍ଲିକ ବୋଲି ଥାନା ପକ୍ଷରୁ ସୂଚନା ମିଳିଛି।

ଖବର ପାଇ କୁଜଙ୍ଗ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଥିବା ଜଣାପଡିଛି।