Tag: ପୂର୍ବତଟ ରେଳପଥ

ଭୁବନେଶ୍ଵର: ଆଇକନିକ ସ୍ଵାଧୀନତା ସଂଗ୍ରାମୀ, ଆଦିବାସୀ ନେତା ଧର୍ତୀ ଆବା ଭଗବାନ ବୀର୍ସା ମୁଣ୍ଡାଙ୍କ ଜନ୍ମଦିବସକୁ ସ୍ମରଣୀୟ କରିବା ପାଇଁ ଆଜି ପୂର୍ବତଟ ରେଳପଥ ପକ୍ଷରୁ ଏହାର ମୁଖ୍ୟାଳୟ ସହିତ ଏହାର ସମସ୍ତ ରେଳମଣ୍ଡଳ ଯଥା ଖୋର୍ଦ୍ଧା ରୋଡ଼, ୱାଲଟିୟର ଓ ସମ୍ବଲପୁର ଏବଂ ବିଭିନ୍ନ ରେଳ ଷ୍ଟେସନ ମାନଙ୍କରେ ଜନଜାତୀୟ ଗୌରବ ଦିବସ ପାଳନ କରାଯାଇଅଛି।

ଏହି ଦିବସକୁ ଆହୁରି ସ୍ମରଣୀୟ କରିବା ପାଇଁ ମୁଖ୍ୟାଳୟ ସହିତ ରେଳମଣ୍ଡଳ ମାନଙ୍କରେ ରେଳ କର୍ମଚାରୀ ମାନଙ୍କ ମଧ୍ୟରେ କୁଇଜ, ପ୍ରବନ୍ଧ ଓ ବକୃତା ପ୍ରତିଯୋଗୀତା ଆୟୋଜନ କରାଯାଇଥିବାବେଳେ ବିଭିନ୍ନ କ୍ରିଡା ଆୟୋଜନ କରଯାଇଥିଲା

ଏହି ଅବସରରେ ସଚେତନତା ପାଇଁ ମୁଖ୍ୟାଳୟ, ରେଳମଣ୍ଡଳ ଓ ଗୁରୁତ୍ବପୂର୍ଣ ଷ୍ଟେସନ ମାନଙ୍କରେ ବ୍ୟାନର ଲଗାଯାଇଥିବା ସହିତ ଷ୍ଟେସନ ମାନଙ୍କରେ ଯାତ୍ରୀ ସୂଚନା ଘୋଷଣା ମଧ୍ୟରେ ଜନଜାତୀୟ ଗୌରବ ଦିବସ ସମ୍ବନ୍ଧରେ ଅଡିଓ ବଜାଇ ଯାତ୍ରୀମାନଙ୍କୁ ସଚେତନତା କରଯାଇଥିଲା। ଏହା ବ୍ୟତୀତ ବିଭିନ୍ନ ସ୍ଥାନରେ କର୍ମଚାରୀ ମାନଙ୍କ ମଧ୍ୟରେ ଫୁଟବଲ କ୍ରିଡା ଆୟୋଜନ କରଯାଇଥିଲା।

ଭୁବନେଶ୍ଵର: ରେଳବାଇ ବିଷୟବସ୍ତୁ ସମ୍ବନ୍ଧରେ ଆଜି ଭୁବନେଶ୍ୱର ଠାରେ ପୂର୍ବତଟ ରେଳପଥ ପକ୍ଷରୁ ଖୋର୍ଦ୍ଧା ରୋଡ଼ ରେଳ ମଣ୍ଡଳ ପରିସୀମା ଅନ୍ତର୍ଗତ ସମ୍ମାନୀୟ ସାଂସଦ ମାନଙ୍କ ସହିତ ରେଳମଣ୍ଡଳ ସ୍ତରୀୟ ବୈଠକ ଅନୁଷ୍ଠିତ ହୋଇଯାଇଅଛି। ସମ୍ମାନନୀୟ ସାଂସଦ ଭର୍ତ୍ତୃହରି ମହତାବ, ଚନ୍ଦ୍ରଶେଖର ସାହୁ, ମହେଶ ସାହୁ, ପିନାକୀ ମିଶ୍ର, ସୁଲତା ଦେଓ, ପ୍ରମିଳା ବିଶୋଇ, ଶର୍ମିଷ୍ଠା ସେଠୀ, ମୁଜିବୁଲ୍ଲା ଖାଁ, ରାମ ମୋହନ ନାଇଡୁ କାଞ୍ଜିରାପପୁ ଏବଂ ଡ଼. ରାଜଶ୍ରୀ ମଲ୍ଲିକ ପ୍ରମୁଖ ଏହି ବୈଠକ ରେ ଯୋଗଦାନ କରିଥିଲେ।

ପୂର୍ବତଟ ରେଳପଥର କାର୍ଯ୍ୟକାରୀ ମହାପ୍ରବନ୍ଧକ ଶରଦ କୁମାର ଶ୍ରୀବାସ୍ତବଙ୍କ ସହିତ ପୂର୍ବତଟ ରେଳପଥର ପ୍ରମୁଖ ବିଭାଗୀୟ ଅଧିକାରୀ ଏବଂ ଖୋର୍ଦ୍ଧା ରୋଡ଼ ରେଳମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକ ରିଂକେଶ ରାୟ ଏହି ବୈଠକରେ ମଧ୍ୟ ଉପସ୍ଥିତ ଥିଲେ। ବହୁ ଗଠନମୂଳକ ଚିନ୍ତାଧାରା, ମୂଲ୍ୟବାନ ଉପଦେଶ ଏବଂ ରେଳବାଇ ସମ୍ବନ୍ଧରେ ସାର୍ବଜନୀନ ଦାବିଗୁଡିକ ସମ୍ମାନୀୟ ସାଂସଦ ମାନଙ୍କ ଦ୍ୱାରା ଉପସ୍ଥାପନ କରାଯାଇଥିଲା।

ଏଗୁଡିକ ହେଲା – ରେଳବାଇ ନେଟୱର୍କର ଉନ୍ନତିକରଣ ପ୍ରସଙ୍ଗ, ଜନସାଧାରଣଙ୍କ ଆକାଂକ୍ଷା ଓ ଦାବି ଏବଂ ପୂର୍ବତଟ ରେଳପଥର କାର୍ଯ୍ୟ ପ୍ରଣାଳୀ ସମ୍ବନ୍ଧରେ ସମୀକ୍ଷା କରାଯାଇଥିଲା।

ସମ୍ବଲପୁର: ରେଳବାଇ ବିଷୟବସ୍ତୁ ସମ୍ବନ୍ଧରେ ଆଜି ସମ୍ବଲପୁର ଠାରେ ପୂର୍ବତଟ ରେଳପଥ ପକ୍ଷରୁ ସମ୍ବଲପୁର ରେଳ ମଣ୍ଡଳ ପରିସୀମା ଅନ୍ତର୍ଗତ ସାଂସଦ ମାନଙ୍କ ସହିତ ରେଳମଣ୍ଡଳ ସ୍ତରୀୟ ବୈଠକ ଅନୁଷ୍ଠିତ ହୋଇଯାଇଅଛି। ସାଂସଦ ସୁରେଶ ପୂଜାରୀ, ନିରଞ୍ଜନ ବିଶି, ସପ୍ତଗିରି ଶଙ୍କର ଉଲ୍ଲାକା, ବସନ୍ତ କୁମାର ପଣ୍ଡା ଏବଂ ନୀତେଶ ଗଙ୍ଗଦେବ ପ୍ରମୁଖ ଏହି ବୈଠକରେ ଯୋଗଦାନ କରିଥିଲେ। ବଲାଙ୍ଗୀର ସାଂସଦଙ୍କ ପ୍ରତିନିଥି ରାଜେଶ ଅଗ୍ରୱାଲ ଏବଂ ରାଜ୍ୟସଭା ସାଂସଦ ସୁଜିତ କୁମାରଙ୍କ ପ୍ରତିନିଧି ସୁମିତ କୁମାର ରାଉତ ମଧ୍ୟ ଏହି ବୈଠକରେ ଉପସ୍ଥିତ ଥିଲେ।

ପୂର୍ବତଟ ରେଳପଥର କାର୍ଯ୍ୟକାରୀ ମହାପ୍ରବନ୍ଧକ ଶରଦ କୁମାର ଶ୍ରୀବାସ୍ତବଙ୍କ ସହିତ ପୂର୍ବତଟ ରେଳପଥର ପ୍ରମୁଖ ବିଭାଗୀୟ ଅଧିକାରୀ ଏବଂ ସମ୍ବଲପୁର ରେଳମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକ ଭିନୀତ ସିଂହ ଏହି ବୈଠକ ରେ ମଧ୍ୟ ଉପସ୍ଥିତ ଥିଲେ। ବହୁ ଗଠନମୂଳକ ଚିନ୍ତାଧାରା, ମୂଲ୍ୟବାନ ଉପଦେଶ ଏବଂ ରେଳବାଇ ସମ୍ବନ୍ଧରେ ସାର୍ବଜନୀନ ଦାବିଗୁଡିକ ସମ୍ମାନୀୟ ସାଂସଦ ମାନଙ୍କ ଦ୍ୱାରା ଉପସ୍ଥାପନ କରାଯାଇଥିଲା। ଏଗୁଡିକ ହେଲା – ରେଳବାଇ ନେଟୱର୍କର ଉନ୍ନତିକରଣ ପ୍ରସଙ୍ଗ, ଜନସାଧାରଣଙ୍କ ଆକାଂକ୍ଷା ଓ ଦାବି ଏବଂ ପୂର୍ବତଟ ରେଳପଥର କାର୍ଯ୍ୟ ପ୍ରଣାଳୀ ସମ୍ବନ୍ଧରେ ସମୀକ୍ଷା କରାଯାଇଥିଲା। କୋଭିଡ଼୧୯ ମହାମାରୀ ସମୟରେ ରେଳବାଇର ମହତ୍ଵପୂର୍ଣ୍ଣ ଭୂମିକା ପାଇଁ ମାନ୍ୟବର ସାଂସଦମାନେ ରେଳବାଇକୁ ମଧ୍ୟ ପ୍ରଶଂସା କରାଯାଇଥିଲା।

ସାଂସଦଙ୍କ ଦାବି ବ୍ୟତୀତ, ବିଭିନ୍ନ ବିକାଶମୂଳକ କାର୍ଯ୍ୟ ଗୁଡିକର ଯୋଜନା କରାଯାଉଛି ଏବଂ ସମ୍ବଲପୁର ରେଳ ମଣ୍ଡଳ ଅଧୀନରେ ଅନେକ ଗୁଡିଏ ଉନ୍ନତିମୂଳକ କାର୍ଯ୍ୟ ଚାଲୁରହିଛି ଚାଲିଛି। ସମ୍ବଲପୁର ଷ୍ଟେସନ ସମେତ ରେଳ ମଣ୍ଡଳ ମଧ୍ୟରେ ନଅଗୋଟି ଷ୍ଟେସନର ଉନ୍ନତିକରଣ ପାଇଁ ଯୋଜନା କରାଯାଇଛି।

ସମ୍ବଲପୁର ରେଳ ଷ୍ଟେସନର ବିକାଶ ଶୀଘ୍ର ଶେଷ ହେବ। ଏହି ବିକାଶମୂଳକ କାର୍ଯ୍ୟ ମଧ୍ୟରେ ୱେଟିଂ ହଲ୍ ଏବଂ ଭିଆଇପି ଲାଉଞ୍ଜ, ଆରସିସି ଡ୍ରେନ୍ ସହିତ ବିଟୁମେନ ଟପ୍ ରୋଡ୍, ପାଥୱେ, ପୋର୍ଟିକୋ କଭର୍ ଶେଡ୍, ଏଣ୍ଟ୍ରି ଏବଂ ଏକ୍ଜିଟ୍ ଗେଟ୍, ପାର୍କିଂ ଲଟ୍, ବିଦ୍ୟମାନ ଷ୍ଟେସନ ବିଲ୍ଡିଂର ନବୀକରଣ, ଷ୍ଟେସନ ସଂଲଗ୍ନ ବିସ୍ତୃତ ଅଞ୍ଚଳରେ ବଗିଚା ଏବଂ ଲ୍ୟାଣ୍ଡସ୍କିପିଙ୍ଗ କାର୍ଯ୍ୟ, ଷ୍ଟେସନର ଇଲେକ୍ଟ୍ରିକାଲ୍ କାମ ଯେପରିକି ସର୍କୁଲାର କ୍ଷେତ୍ରର ଆଲୋକ ଓ ଅନ୍ୟାନ୍ୟ ଯାତ୍ରୀ ସୁବିଧା ଏବଂ ସିଗନାଲ୍ ଏବଂ ଟେଲିକମ୍ ଯୋଗାଯୋଗ କାର୍ଯ୍ୟ ଗୁଡିକ ଅନ୍ତର୍ଭୁକ୍ତ କରାଯିବ।

ଭୁବନେଶ୍ୱର: ଜାତିର ପିତା ମହାତ୍ମା ଗାନ୍ଧୀଙ୍କ ଜନ୍ମ ବାର୍ଷିକୀ ଆଜି ପୂର୍ବ ତଟ ରେଳବାଇର ମୁଖ୍ୟ କାର୍ଯ୍ୟାଳୟ ରେଳ ସଦାନ, ଚନ୍ଦ୍ରଶେଖରପୁର, ଭୁବନେଶ୍ୱର ଠାରେ ପାଳିତ ହୋଇଛି। ପୂବତଟ ରେଳପଥର ମହାପ୍ରବନ୍ଧକ ଶରଦ କୁମାର ଶ୍ରୀବାସ୍ତବଙ୍କ ନେତୃତ୍ୱରେ ସମସ୍ତ ବିଭାଗୀୟ ପ୍ରମୁଖ ଅଧିକାରୀ, ବରିଷ୍ଠ ଅଧିକାରୀ ଏବଂ ପୂର୍ବତଟ ରେଳପଥ ର ମହିଳା କଲ୍ୟାଣ ସଂଗଠନର କର୍ମଚାରୀ ମାନେ ମହାତ୍ମା ଗାନ୍ଧୀଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ।

ଏହାପରେ ସମସ୍ତ ପୂର୍ବତଟ ରେଳପଥର ଅଧିକାରୀମାନେ ପ୍ରଭାତ ଫେରି ଏବଂ ବୃକ୍ଷରୋପଣ କାର୍ଯ୍ୟକ୍ରମରେ ଭାଗ ନେଇଥିଲେ। ଏହି ଅବସରରେ ସ୍ୱଚ୍ଛତାର ମହତ୍ୱ ବିଷୟରେ ସଚେତନତା ସୃଷ୍ଟି କରିବା ପାଇଁ ଏକ ନୁକ୍କଡ ନାଟକ ର ଆୟୋଜନ କରାଯାଇଥିଲା। ପୂର୍ବତଟ ରେଳପଥ ୧୬ ସେପ୍ଟେମ୍ବରରୁ ୩୦ ସେପ୍ଟେମ୍ବର ୨୦୨୨ ପର୍ଯ୍ୟନ୍ତ ସ୍ଵଚ୍ଛତା ପକ୍ଷ୍ୟ (ପଖୱାଡା) ର ଆୟୋଜନ କରିଥିଲା। ସମସ୍ତ ସ୍ତରର ରେଳବାଇ କର୍ମଚାରୀ ମାନେ ଷ୍ଟେସନ, ଟ୍ରେନ୍, କୋଚ୍ ରକ୍ଷଣାବେକ୍ଷଣ ଡିପୋ, ବିଭିନ୍ନ କାର୍ଯ୍ୟାଳୟ, କର୍ମକ୍ଷେତ୍ର ଏବଂ ରେଳ କଲୋନୀରେ ଆୟୋଜିତ ସ୍ଵଚ୍ଛତା କାର୍ଯ୍ୟକ୍ରମରେ ସହଯୋଗ କରିଥିଲେ। ସ୍ଵଚ୍ଛତା ପକ୍ଷ୍ୟ ପାଳନ ସମୟରେ ପୂର୍ବତଟ ରେଳ କର୍ମଚାରୀଙ୍କ ପିଲା ମାନଙ୍କ ମଧ୍ୟରେ ଚିତ୍ରାଙ୍କନ, ଚିତ୍ର, ପ୍ରବନ୍ଧ ଲେଖା ଇତ୍ୟାଦି ବିଭିନ୍ନ ପ୍ରତିଯୋଗିତା ଆୟୋଜିତ ହୋଇଥିଲା।

ସ୍ଵଚ୍ଛତା ପକ୍ଷ୍ୟ ସମାପନ ଅବସରରେ ପୂବତଟ ରେଳପଥର ମହାପ୍ରବନ୍ଧକ ଏହି ପ୍ରତିଯୋଗିତାର ବିଜେତାମାନଙ୍କୁ ପ୍ରମାଣପତ୍ର ଏବଂ ଟ୍ରଫି ପ୍ରଦାନ କରିଥିଲେ। ପ୍ରମୁଖ ମୁଖ୍ୟ ମେକାନିକାଲ୍ ଇଞ୍ଜିନିୟର ଆର ରାଜଗୋପାଲ ଏହି କାର୍ଯ୍ୟକ୍ରମକୁ ସଂଯୋଜନା କରିଥିଲେ। ଏହି ଅବସରରେ ବିଭାଗର ସମସ୍ତ ମୁଖ୍ୟ, ବରିଷ୍ଠ ଅଧିକାରୀ ଏବଂ କର୍ମଚାରୀ ମାନେ ଉପସ୍ଥିତ ଥିଲେ।

ଭୁବନେଶ୍ବର: ପାର୍ବଣ ସମୟରେ ଯାତ୍ରୀମାନଙ୍କ ଅତିରିକ୍ତ ଭିଡକୁ ଏଡ଼ାଇବାପାଇଁ ରେଳବାଇ ବିଭିନ୍ନ ଗନ୍ତବ୍ୟସ୍ଥଳକୁ ଅତିରିକ୍ତ ସ୍ୱତନ୍ତ୍ର ଟ୍ରେନ୍ ଚଳାଇବା ପାଇଁ ବିସ୍ତୃତ ବ୍ୟବସ୍ଥା କରିଛି।  ଏହାକୁ ଦୃଷ୍ଟିରେ ରଖି କିଛି ସ୍ୱତନ୍ତ୍ର ଟ୍ରେନ୍ ପୂର୍ବତଟ ରେଳପଥ ପରିସୀମା ମଧ୍ୟରୁ ବିଭିନ୍ନ ପ୍ରଣତାକୁ ଚଳାଚଳ କରାଇବାକୁ ବ୍ୟବସ୍ଥା କରାଯାଇଅଛି।

ସିଆଲଦା-ପୁରୀ-ସିଆଲଦା ମଧ୍ୟରେ ସ୍ୱତନ୍ତ୍ର ଟ୍ରେନ୍:

03101 ସିଆଲଦା-ପୁରୀ ସ୍ପେଶାଲ ଏକ୍ସପ୍ରେସ ସିଆଲଦା ଠାରୁ 1 ରୁ 29 ଅକ୍ଟୋବର 2022 ମଧ୍ୟରେ ଶନିବାର ରାତ୍ରି 11ଘ.50ମି.ରେ ଛାଡିବାକୁ ଥିବାବେଳେ 03102 ପୁରୀ-ସିଆଲଦା ସ୍ପେଶାଲ ଏକ୍ସପ୍ରେସ ପୁରୀ ଠାରୁ 2 ରୁ 30 ଅକ୍ଟୋବର 2022 ମଧ୍ୟରେ ପ୍ରତ୍ୟେକ ରବିବାର ଦିନ ଅପରାହ୍ନ 3ଘ.50ମି.ରେ ଛାଡି ସିଆଲଦା ଯାତ୍ରା କରିବ।

ଭୁବନେଶ୍ୱର-ତିରୁପତି-ଭୁବନେଶ୍ୱର ବିଶେଷ ଟ୍ରେନ:

02809 ଭୁବନେଶ୍ୱର-ତିରୁପତି ସ୍ପେଶାଲ ସୁପର ଫାଷ୍ଟ ଏକ୍ସପ୍ରେସ ପ୍ରତ୍ୟେକ ଭୁବନେଶ୍ୱରରୁ 01.10.2022 ରୁ 29.10.2022 ମଧ୍ୟରେ ପ୍ରତ୍ୟକ ଶନିବାର ଦିନ ଅପରାହ୍ନ 1ଘ.30ମି.ରେ ରେ ଛାଡିବ। 02810 ତିରୁପତି-ଭୁବନେଶ୍ୱର ସ୍ୱତନ୍ତ୍ର ସୁପର ଫାଷ୍ଟ ଏକ୍ସପ୍ରେସ ତିରୁପତି ଠାରୁ 02.10.2022 ରୁ 30.10.2022 ମଧ୍ୟରେ ପ୍ରତ୍ୟେକ ରବିବାର ଦିନ ସନ୍ଧ୍ୟା 8 ଘଟିକାରେ ଛାଡିବ।

ସନ୍ତ୍ରାଗାଛି-ପୁରୀ ବିଶେଷ ଟ୍ରେନ:

02837 ସନ୍ତ୍ରାଗାଛି-ପୁରୀ ସ୍ପେସିଆଲ୍ ସୁପର ଫାଷ୍ଟ ଏକ୍ସପ୍ରେସ ସନ୍ତ୍ରାଗାଛିରୁ 30.09.2022 ରୁ 28.10.2022 ମଧ୍ୟରେ ପ୍ରତ୍ୟେକ ଶୁକ୍ରବାର ଦିନ ରାତ୍ରି 8ଘ.35ମି.ରେ ଛାଡିବ। ପୁରୀରୁ 02838 ପୁରୀ-ସନ୍ତ୍ରାଗାଛି ସ୍ପେଶାଲ ସୁପର ଫାଷ୍ଟ ଏକ୍ସପ୍ରେସ 01.10.2022 ରୁ 29.10.2022 ମଧ୍ୟରେ ପ୍ରତ୍ୟେକ ଶନିବାର ଦିନ ସନ୍ଧ୍ୟା 7ଘ20ମି.ରେ ଛାଡିବ।

ଭୁବନେଶ୍ୱର-ଧାନବାଦ୍-ଭୁବନେଶ୍ୱର ସ୍ୱତନ୍ତ୍ର ଏକ୍ସପ୍ରେସ:

02832 ଭୁବନେଶ୍ୱର-ଧାନବାଦ୍ ସ୍ପେଶାଲ ଏକ୍ସପ୍ରେସ ଭୁବନେଶ୍ୱରରୁ ପ୍ରତ୍ୟେକ ମଙ୍ଗଳବାର, ଶୁକ୍ରବାର ଏବଂ ରବିବାର ଦିନ 30 ଡିସେମ୍ବର 2022 ପର୍ଯ୍ୟନ୍ତ ରାତ୍ରି 8ଘ.25ମି. ରେ ଛାଡିବ।  02832 ଧାନବାଦ୍-ଭୁବନେଶ୍ୱର ସ୍ପେଶାଲ ଏକ୍ସପ୍ରେସ ଧାନବାଦ୍ ରୁ 31 ଡିସେମ୍ବର 2022 ପର୍ଯ୍ୟନ୍ତ ପ୍ରତ୍ୟକ ବୁଢା, ସାନି ଓ ଷୋମବାର ଦିନ ଛାଡିବ।

ପୁରୀ-ପାଟନା-ପୁରୀ ସ୍ୱତନ୍ତ୍ର ଏକ୍ସପ୍ରେସ:

08439 ପୁରୀ-ପାଟନା ସ୍ପେଶାଲ ଏକ୍ସପ୍ରେସ ପୁରୀରୁ 26.11.2022 ପର୍ଯ୍ୟନ୍ତ ପ୍ରତ୍ୟେକ ଶନିବାର ଦିନ ଅପରାହ୍ନ 2ଘ.55ମି.ରେ। 08440 ପାଟନା-ପୁରୀ ସ୍ପେଶାଲ ଏକ୍ସପ୍ରେସ ପାଟନା ଠାରୁ 27.11.2022 ପର୍ଯ୍ୟନ୍ତ ପ୍ରତ୍ୟେକ ରବିବାର ଦିନ ଅପରାହ୍ନ 1ଘ.30ମି.ରେ ରେ ଛାଡିବ। ଏହି ଟ୍ରେନ୍ ଖୋର୍ଦ୍ଧା ରୋଡ୍, ଭୁବନେଶ୍ୱର, କଟକ, ଭଦ୍ରକ, ବାଲେଶ୍ୱର, ହିଜଲି, ଆଦ୍ରI, ଆସାନସୋଲ୍, ଜସିଡିହ, ଝଝା, କିୟୁଲ ଷ୍ଟେସନ ମାନଙ୍କରେ ଉଭୟ ଦିଗରୁ ରହଣି କରିବ।

03230 ପାଟନା-ପୁରୀ ସ୍ପେଶାଲ ଏକ୍ସପ୍ରେସ ପାଟନା ଠାରୁ 27.10.2022 ରୁ 10.11.2022 ମଧ୍ୟରେ ପ୍ରତ୍ୟେକ ଗୁରୁବାର ଦିନ ସକାଳ 08ଘ.45ମି.ରେ ଛାଡିବ। 03229 ପୁରୀ-ପାଟନା ସ୍ପେଶାଲ ଏକ୍ସପ୍ରେସ ପୁରୀରୁ 28.10.2022 ରୁ 11.11.2022 ମଧ୍ୟରେ ପ୍ରତ୍ୟକ ଶୁକ୍ରବାର ଦିନ ଅପରାହ୍ନ 2ଘ.55ମି.ରେ ଛାଡିବ।

ନନ୍ଦେଡ-ବ୍ରହ୍ମପୁର ସ୍ପେଶାଲ ଏକ୍ସପ୍ରେସ:

07431 ନନ୍ଦେଡ-ବ୍ରହ୍ମପୁର ସ୍ପେଶାଲ ଏକ୍ସପ୍ରେସ ନନ୍ଦେଡରୁ 01.10.2022 ରୁ 08.10.2022 ମଧ୍ୟରେ ପ୍ରତ୍ୟେକ ଶନିବାର ଦିନ ଅପରାହ୍ନ 3ଘ.25ମି.ରେ ଛାଡିବ। 07432 ବ୍ରହ୍ମପୁର-ନନ୍ଦେଡ୍ ସ୍ପେଶାଲ୍ ଏକ୍ସପ୍ରେସ ବ୍ରହ୍ମପୁରରୁ 02.10.2022 ରୁ 09.10.2022 ମଧ୍ୟରେ ପ୍ରତ୍ୟେକ ରବିବାର ଦିନଅପରାହ୍ନ 4ଘ.30ମି.ରେ ଛାଡିବ।

ବିଶାଖାପାଟନମ୍-ସିକନ୍ଦରାବାଦ ସ୍ୱତନ୍ତ୍ର ଟ୍ରେନ:

08579 ବିଶାଖାପାଟନମ୍-ସିକନ୍ଦରାବାଦ ସ୍ପେଶାଲ୍ ଏକ୍ସପ୍ରେସ ବିଶାଖାପାଟନମରୁ 05.10.2022 ରୁ 26.10.2022 ମଧ୍ୟରେ ପ୍ରତ୍ୟେକ ବୁଧବାର ଦିନ ସନ୍ଧ୍ୟା 7 ଘଟିକାରେ ଛାଡିବ। ସେହିଭଳି, ସିକନ୍ଦରାବାଦରୁ 08580 ସିକନ୍ଦରାବାଦ-ବିଶାଖାପାଟନମ୍ ସ୍ପେଶାଲ୍ ଏକ୍ସପ୍ରେସ 06.10.2022 ରୁ 27.10.2022 ମଧ୍ୟରେ ପ୍ରତ୍ୟେକ ଗୁରୁବାର ଦିନ ସନ୍ଧ୍ୟା 7ଘ.40ମି.ରେ ଛାଡିବ।

ବିଶାଖାପାଟନମ୍-ମେହବୁବନଗର ବିଶେଷ ଟ୍ରେନ:

08585 ବିଶାଖାପାଟନମ୍-ମେହବୁବନଗର ସ୍ପେଶାଲ୍ ଏକ୍ସପ୍ରେସ ବିଶାଖାପାଟନମରୁ 04.10.2022 ରୁ 25.10.2022 ମଧ୍ୟରେ ପ୍ରତ୍ୟେକ ମଙ୍ଗଳବାର ଦିନ ସନ୍ଧ୍ୟା 5ଘ.35ମି.ରେ ଛାଡିବ। ସେହିଭଳି, 08586 ମେହବୁବନଗର-ବିଶାଖାପାଟନମ୍ ସ୍ପେଶାଲ୍ ଏକ୍ସପ୍ରେସ ମେହବୁବନଗରରୁ 05.10.2022 ରୁ 26.10.2022 ମଧ୍ୟରେ ପ୍ରତ୍ୟେକ ବୁଧବାର ଦିନ 6ଘ.20ମି.ରେ ଛାଡିବ।

ବିଶାଖାପାଟନମ୍-ବେଙ୍ଗାଲୁରୁ କ୍ୟାଣ୍ଟ.-ବିଶାଖାପାଟନମ୍:

08543 ବିଶାଖାପାଟନମ୍-ବେଙ୍ଗାଲୁରୁ କ୍ୟାଣ୍ଟ ସୁପର ଫାଷ୍ଟ ସ୍ପେଶାଲ ଏକ୍ସପ୍ରେସ ବିଶାଖାପାଟନମରୁ 02.10.2022 ରୁ 30.10.2022 ମଧ୍ୟରେ ପ୍ରତ୍ୟେକ ରବିବାର ଦିନ ଅପରାହ୍ନ 3ଘ.55ମି.ରେ ଛାଡିବ। 08544 ବେଙ୍ଗାଲୁରୁ କ୍ୟାଣ୍ଟ-ବିଶାଖାପାଟନମ୍ ସୁପର ଫାଷ୍ଟ ସ୍ପେଶାଲ ଏକ୍ସପ୍ରେସ ବେଙ୍ଗାଲୁରୁ କ୍ୟାଣ୍ଟରୁ 03.10.2022 ରୁ 31.10.2022 ମଧ୍ୟରେ ପ୍ରତ୍ୟେକ ସୋମବାର ଦିନ ଅପରାହ୍ନ 3ଘ.50ମି.ରେ ଛାଡିବ।

ବିଶାଖାପାଟନମ୍-ତିରୁପତି-ବିଶାଖାପାଟନମ୍:

08583 ବିଶାଖାପାଟନମ୍-ତିରୁପତି ସ୍ୱତନ୍ତ୍ର ଏକ୍ସପ୍ରେସ ବିଶାଖାପାଟନମରୁ 03.10.2022 ରୁ 31.10.2022 ମଧ୍ୟରେ ପ୍ରତ୍ୟେକ ସୋମବାର ଦିନ ସନ୍ଧ୍ୟା 7ଘ.10ମି.ରେ ଛାଡିବ। 08584 ତିରୁପତି-ବିଶାଖାପାଟନମ୍ ସ୍ପେଶାଲ୍ ଏକ୍ସପ୍ରେସ୍ ତିରୁପତିରୁ 04.10.2022 ରୁ 01.11.2022 ମଧ୍ୟରେ ପ୍ରତ୍ୟେକ ମଙ୍ଗଳବାର ଦିନ ରାତ୍ରି 9ଘ.55ମି.ରେ ଛାଡିବ।

ବିଶାଖାପାଟନମ୍-ଆରାକୁ ବିଶେଷ ଟ୍ରେନ:

08509/08510 ବିଶାଖାପାଟନମ୍-ଆରାକୁ-ବିଶାଖାପାଟନମ୍ ସ୍ପେଶାଲ୍ ଏକ୍ସପ୍ରେସ୍ ଉଭୟ ପାର୍ଶ୍ୱରୁ ୧ ରୁ ୯ ଅକ୍ଟୋବର, 2022 ମଧ୍ୟରେ ବିଶାଖାପାଟଣାରୁ ପୂର୍ବାହ୍ନ 08ଘ.30ମି.ରେ ଛାଡୁଥିବାବେଳେ ଆରାକୁ ଠାରୁ ଅପରାହ୍ନ 2 ଘଟିକାରେ ଛାଡି ବିଶାଖାପାଟଣା ଫେରିବ।

ଭୁବନେଶ୍ବର: ନୂତନ ରେଳବାଇ ସମୟ ସାରଣୀ 1 ଅକ୍ଟୋବର, 2022 ରୁ କାର୍ଯ୍ୟକାରୀ ହେବ। ଟ୍ରେନର ସମୟ ପରିବର୍ତ୍ତନ, ଟ୍ରେନର ସମ୍ପ୍ରସାରଣ, ଅତିରିକ୍ତ ଷ୍ଟପେଜ୍ ପ୍ରଦାନ, ଟ୍ରେନ୍ ପୁନଃ ପ୍ରଚଳନ ଏବଂ ନୂତନ ଟ୍ରେନ୍ ଚଳାଚଳ ଏହି ସମୟ ସାରଣୀରେ ଅନ୍ତର୍ଭୁକ୍ତ କରାଯାଇଅଛି।

1 ଅକ୍ଟୋବର, 2022 ରୁ ଟ୍ରେନ ସମୟ ସାରଣୀରେ ଗୁରୁତ୍ୱପୂର୍ଣ୍ଣ ପରିବର୍ତ୍ତନ:

1 ଅକ୍ଟୋବର, 2022 ରୁ ଟ୍ରେନ ଉତ୍ପତ୍ତି ଷ୍ଟେସନ (ଛାଡୁଥିବା ମୂଳ ଷ୍ଟେସନ) ରେ ପୂର୍ବ ନିର୍ଦ୍ଧାରିତ ସମୟ ତୁଳନାରେ ସତଚାଳିଶ ଟ୍ରେନର ସମୟ ପରିବର୍ତ୍ତନ କରାଯାଇଛି। ଟ୍ରେନର ସୁଗମ ଚଳାଚଳ ଦୃଷ୍ଟିରୁ ଅନେକ ଟ୍ରେନର ସମୟ ମଧ୍ୟ ବିଭିନ୍ନ ଷ୍ଟେସନରେ ପରିବର୍ତ୍ତନ କରାଯାଇଛି।  ନିମ୍ନଲିଖିତ ଟ୍ରେନ ଗୁଡ଼ିକ ହେଉଛି: –

A. ଉତ୍ପତ୍ତି ଷ୍ଟେସନରୁ ପ୍ରସ୍ଥାନ ସମୟର ପରିବର୍ତ୍ତନ:

B. ଗନ୍ତବ୍ୟ ସ୍ଥଳରେ ଆଗମନ ସମୟର ପରିବର୍ତ୍ତନ:

C. ଗୁରୁତ୍ୱପୂର୍ଣ୍ଣ ଷ୍ଟେସନରେ ଟ୍ରେନ୍ ସମୟରେ ପରିବର୍ତ୍ତନ:

ବିଭିନ୍ନ ଗୁରୁତ୍ୱପୂର୍ଣ୍ଣ ଷ୍ଟେସନରେ 10 ଟି ଟ୍ରେନର ସମୟ ପରିବର୍ତ୍ତନ କରାଯାଇଛି। ଏହି ଟ୍ରେନ୍ ଗୁଡିକ ହେଉଛି…

20813 20813 ପୁରୀ-ଯୋଧପୁର ଏକ୍ସପ୍ରେସ ପୁରୀ, ଖୋର୍ଦ୍ଧା ରୋଡ୍, ଭୁବନେଶ୍ୱର ଏବଂ କଟକ ଠାରେ; 18304 ପୁରୀ-ସମ୍ବଲପୁର ଇଣ୍ଟର ସିଟି ଏକ୍ସପ୍ରେସ ପୁରୀ, ଖୋର୍ଦ୍ଧା ରୋଡ୍, ଭୁବନେଶ୍ୱର, ନରାଜ, ଢେଙ୍କାନାଳ, ଅନୁଗୁଳ ଓ ସମ୍ବଲପୁର ଠାରେ; 20815/20816 ଟାଟା-ବିଶାଖାପାଟନମ୍-ଟାଟା ଏକ୍ସପ୍ରେସ୍ ଟାଟା, କଟକ, ଭୁବନେଶ୍ୱର, ଖୋର୍ଦ୍ଧା ରୋଡ୍, ବ୍ରହ୍ମପୁର, ପଲାସା, ବିଜୟନଗରମ୍ ଏବଂ ବିଶାଖାପାଟନମ୍ ଠାରେ; 18518 ବିଶାଖାପାଟନମ୍-କୋରବା ଏକ୍ସପ୍ରେସ ବିଶାଖାପାଟନମ୍, ମହାସମୁନ୍ଦ, ଲାଖୋଲି, ରାୟପୁର, ବିଲାସପୁର ଏବଂ କୋରବା ଠାରେ; 18447 ଭୁବନେଶ୍ୱର-ଜଗଦଲପୁର ହିରାଖଣ୍ଡ ଏକ୍ସପ୍ରେସ ଭୁବନେଶ୍ୱର, ବିଜୟନଗରମ୍, ରାୟଗଡା, ଦମନଯୋଡି, କୋରାପୁଟ, ଜୟପୁର ଏବଂ ଜଗଦଲପୁର ଠାରେ; 18452 ପୁରୀ-ହାଟିଆ ତାପସ୍ୱିନି ଏକ୍ସପ୍ରେସ ପୁରୀ-ଖୋର୍ଦ୍ଧା ରୋଡ, ଭୁବନେଶ୍ୱର, କଟକ, ଢ଼େଙ୍କାନାଳ, ତାଳଚେର ଏବଂ ଅନୁଗୁଳ ଠାରେ; 18529 ଦୁର୍ଗ-ବିଶାଖାପାଟନମ୍ ଏକ୍ସପ୍ରେସ ଦୁର୍ଗ, ବିଜୟନଗରମ, କୋଟାଭାଲାସା, ସିମାଚଳମ ଏବଂ ବିଶାଖାପାଟନମ୍ ଠାରେ; 22809 ପାରାଦୀପ-ବିଶାଖାପାଟନମ୍ ଏକ୍ସପ୍ରେସ ପାରାଦୀପ, କଟକ, ଭୁବନେଶ୍ୱର, ଖୋର୍ଦ୍ଧା ରୋଡ, ବ୍ରହ୍ମପୁର, ବିଜୟନଗରମ ଏବଂ ବିଶାଖାପାଟନମ୍ ଠାରେ ଏବଂ 17243 ଗୁଣ୍ଟୁର-ରାୟଗଡା ଏକ୍ସପ୍ରେସ ଦୁଭାଡା, ବିଶାଖାପାଟନମ୍, ବିଜୟନଗରମ୍, ବବିଲି, ପାର୍ବତୀପୁରମ୍, ପାର୍ବତୀପୁରମ୍ ଟାଉନ ଷ୍ଟେସନ ମାନଙ୍କ ଠାରେ ସମୟରେ ପରିବର୍ତ୍ତନ କରାଯାଇଛି।

ଏହା ବ୍ୟତୀତ ପୁରୀ-ଖୋର୍ଦ୍ଧା ରୋଡ୍-ପୁରୀ ପାସେଞ୍ଜର ସ୍ପେସିଆଲ୍ ର ସମୟ ଉଭୟ ଦିଗରୁ ପରିବର୍ତ୍ତନ କରାଯାଇଛି। କେତେକ ଷ୍ଟେସନରେ ଉପରୋକ୍ତ ଟ୍ରେନ ମାନଙ୍କର ସମୟ ସାରଣୀ ପୂର୍ବ ନିର୍ଦ୍ଧାରିତ ସମୟ ପୂର୍ବରୁ ଅଥବା ପୂର୍ବ ନିର୍ଦ୍ଧାରିତ ସମୟ ପରେ ପରିବର୍ତ୍ତିତ କରାଯାଇଅଛି।

D. ଟ୍ରେନ୍ ସମୟ ସାରଣୀରେ ପରିବର୍ତ୍ତନ:

13 ଟି ଟ୍ରେନର ସମୟ ମୂଳ ଷ୍ଟେସନରୁ ଗନ୍ତବ୍ୟ ସ୍ଥଳ ପର୍ଯ୍ୟନ୍ତ ପୂର୍ବ ନିର୍ଧାରିତ ସମୟ ଠାରୁ କିଛି ସମୟ ପୂର୍ବରୁ କିମ୍ବା କିଛି ସମୟ ପରେ ନିର୍ଧାରିତ କରାଯାଇଛି। 20895 ରାମେଶ୍ୱରମ୍-ଭୁବନେଶ୍ୱର ଏକ୍ସପ୍ରେସ, 22873 ଦିଘା-ବିଶାଖାପାଟନମ୍ ଏକ୍ସପ୍ରେସ, 18423 ଭୁବନେଶ୍ୱର-ନୟାଗଡ଼ ଟାଉନ ଏକ୍ସପ୍ରେସ, 20807 ବିଶାଖାପାଟନମ୍-ଅମୃତସର ହିରାକୁଦ ଏକ୍ସପ୍ରେସ, 22809 ପାରାଦୀପ-ବିଶାଖାପାଟନମ୍ ଏକ୍ସପ୍ରେସ, 18309 ସମ୍ବଲପୁର-ଜାମ୍ମୁ ତବୀ ଏକ୍ସପ୍ରେସ, 12875 ପୁରୀ-ଆନନ୍ଦ ବିହାର ନୀଳାଚଳ ଏକ୍ସପ୍ରେସ, 20815 ଟାଟା-ବିଶାଖାପାଟନମ୍ ଏକ୍ସପ୍ରେସ, 22879 ଭୁବନେଶ୍ୱର-ତିରୁପତି ଏକ୍ସପ୍ରେସ, 22859 ପୁରୀ-ଚେନ୍ନାଇ ଏକ୍ସପ୍ରେସ ଏବଂ 12278 ପୁରୀ-ହାଓଡ଼ା ଏକ୍ସପ୍ରେସକୁ ସର୍ବନିମ୍ନ 05 ମିନିଟ ଏବଂ ସର୍ବାଧିକ 25 ମିନିଟ ପର୍ଯ୍ୟନ୍ତ ସଂଶୋଧିତ କରାଯାଇଅଛି ଯାହାଦ୍ୱାରା କିଛି ଟ୍ରେନ ନିର୍ଧାରିତ ସମୟ ପୂର୍ବରୁ ଏବଂ କିଛି ନିର୍ଧାରିତ ସମୟ ପରେ ଷ୍ଟେସନ ମାନଙ୍କ ଠାରୁ ଛାଡିବ। କେତେକ ଷ୍ଟେସନରେ ଉପରୋକ୍ତ ଟ୍ରେନ ମାନଙ୍କର ସମୟ ସାରଣୀ ପୂର୍ବ ନିର୍ଦ୍ଧାରିତ ସମୟ ପୂର୍ବରୁ ଅଥବା ପୂର୍ବ ନିର୍ଦ୍ଧାରିତ ସମୟ ପରେ ପରିବର୍ତ୍ତିତ କରାଯାଇଅଛି।

E. କିଛି ଟ୍ରେନର ଗତି ବୃଦ୍ଧି:

25 ଟି ଟ୍ରେନର ସମୟ ସର୍ବନିମ୍ନ 05 ମିନିଟ୍ ଏବଂ ସର୍ବାଧିକ 55 ମିନିଟ୍ ପର୍ଯ୍ୟନ୍ତ ମୂଳ ଷ୍ଟେସନ୍ ଠାରୁ ଗନ୍ତବ୍ୟ ସ୍ଥଳ ମଧ୍ୟରେ ତ୍ୱରାନ୍ୱିତ ହୋଇଛି। ଏହି ଟ୍ରେନ୍ ଗୁଡିକ ହେଉଛି – 18567 ବିଶାଖାପାଟନମ୍-କୋଲାମ ଏକ୍ସପ୍ରେସ, 12277 ହାଓଡ଼ା -ପୁରୀ ଏକ୍ସପ୍ରେସ, 22834 SMVT ବେଙ୍ଗାଲୁରୁ-ଭୁବନେଶ୍ୱର ଏକ୍ସପ୍ରେସ, 18447 ଭୁବନେଶ୍ୱର-ଜଗଦଲପୁର ହିରାଖଣ୍ଡ ଏକ୍ସପ୍ରେସ, 18574 ଭଗତ କି କୋଠି-ବିଶାଖାପାଟନମ୍ ଏକ୍ସପ୍ରେସ, 22836 ପୁରୀ-ଶାଲୀମାର ଏକ୍ସପ୍ରେସ, 20816 ବିଶାଖାପାଟନମ-ଟାଟା ଏକ୍ସପ୍ରେସ, 18424 ନୟାଗଡ଼ ଟାଉନ-ଭୁବନେଶ୍ୱର ଏକ୍ସପ୍ରେସ, 18529 ଦୁର୍ଗ-ବିଶାଖାପାଟଣା ଏକ୍ସପ୍ରେସ, 20804 ଗାଂଧିଧାମ-ବିଶାଖାପାଟଣା ଏକ୍ସପ୍ରେସ, 22827 ପୁରୀ-ସୁରଟ ଏକ୍ସପ୍ରେସ, 18304 ପୁରୀ-ସମ୍ବଲପୁର ଇଣ୍ଟର ସିଟି, 12896 ପୁରୀ-ଶାଲୀମାର ଏକ୍ସପ୍ରେସ, 20823 ପୁରୀ-ଅଜମେର ଏକ୍ସପ୍ରେସ, 12832 ଭୁବନେଶ୍ୱର-ଧାନବାଦ ଏକ୍ସପ୍ରେସ, 20861 ପୁରୀ-ଅହମଦାବାଦ ଏକ୍ସପ୍ରେସ, 18518 ବିଶାଖାପାଟଣା-କରବା ଏକ୍ସପ୍ରେସ, 12882 ପୁରୀ-ଶାଲୀମାର ଏକ୍ସପ୍ରେସ, 18310 ଜାମ୍ମୁ ତାବି-ସମ୍ବଲପୁର ଏକ୍ସପ୍ରେସ, 12888 ପୁରୀ-ଶାଲୀମାର ଏକ୍ସପ୍ରେସ, 12831 ଧାନବାଦ-ଭୁବନେଶ୍ୱର ଏକ୍ସପ୍ରେସ, 18573 ବିଶାଖାପାଟଣା-ଭଗତ କି କୋଠି ଏକ୍ସପ୍ରେସ, 18452 ପୁରୀ-ହାତୀଆ ତପସ୍ୱିନି ଏକ୍ସପ୍ରେସ, 12846 SMVT ବେଙ୍ଗାଲୁରୁ-ଭୁବନେଶ୍ୱର ଏକ୍ସପ୍ରେସ ଏବଂ 20824 ଅଜମେର-ପୁରୀ ଏକ୍ସପ୍ରେସ କେତେକ ଷ୍ଟେସନରେ ପୂର୍ବ ନିର୍ଦ୍ଧାରିତ ସମୟର ପୂର୍ବରୁ ଏବଂ ପରେ ଆଗମନ ଓ ପ୍ରସ୍ଥାନ କରିବ।

F. ଟ୍ରେନର ସମ୍ପ୍ରସାରଣ:

ପରୀକ୍ଷାମୂଳକ ଭିତ୍ତିରେ ତିନି ଯୋଡ଼ା ଟ୍ରେନ୍କୁ ସାମୟିକ ଭାବରେ ସମ୍ପ୍ରସାରଣ କରାଯାଇଅଛି।  ଏହି ଟ୍ରେନ୍ ଗୁଡିକ ହେଉଛି… 08429/08430 (58429/58430) ଖୋର୍ଦ୍ଧା ରୋଡ୍-ମହିପୁର-ଖୋର୍ଦ୍ଧା ରୋଡ୍ ସ୍ପେସାଲ୍ ନୂଆଗାଁ ରୋଡ୍ ପର୍ଯ୍ୟନ୍ତ; 08421/08422 (68433/68434) କଟକ-ଇଛାପୁରମ୍-କଟକ ସ୍ପେଶାଲ୍ ଗୁଣୁପୁର ପର୍ଯ୍ୟନ୍ତ ଏବଂ 08456/08455 (68426/68425) ଭୁବନେଶ୍ୱର-କେନ୍ଦୁଝରଗଡ଼-ଭୁବନେଶ୍ୱର ସ୍ପେଶାଲ୍ ଖୋର୍ଦ୍ଧା ରୋଡ୍ ସମ୍ପ୍ରସାରଣ କରାଯାଇଅଛି। କେତେକ ଷ୍ଟେସନରେ ଉପରୋକ୍ତ ଟ୍ରେନ ମାନଙ୍କର ସମୟ ସାରଣୀ ପୂର୍ବ ନିର୍ଦ୍ଧାରିତ ସମୟ ପୂର୍ବରୁ ଅଥବା ପୂର୍ବ ନିର୍ଦ୍ଧାରିତ ସମୟ ପରେ ପରିବର୍ତ୍ତିତ କରାଯାଇଅଛି।

G. ନୂତନ ଟ୍ରେନ ପ୍ରଚଳନ:

ତିନୋଟି ଯୋଡ଼ା ଟ୍ରେନ୍ ନିକଟ ଅତୀତରେ ପ୍ରଚଳିତ ହୋଇଛି ଏବଂ ନୂତନ ସମୟ ସାରଣୀରେ ଅନ୍ତର୍ଭୂକ୍ତ କରାଯାଇଛି। ଏହି ଟ୍ରେନ୍ ଗୁଡିକ ହେଉଛି – 58437/58438 (08423/08424) ପୁରୀ-ନୂଆଗାଁ ରୋଡ୍-ପୁରୀ ପାସେଞ୍ଜର, 22861/22862 ହାଓଡ଼ା-କାଣ୍ଟାବାଞ୍ଜି-ହାଓଡ଼ା ଏକ୍ସପ୍ରେସ ଏବଂ ଭଦ୍ରକ, ଭୁବନେଶ୍ୱର ଏବଂ ବିଶାଖାପାଟଣା ମାର୍ଗ ଦେଇ 22305/22306 ଜସିଡିହ-ବେଙ୍ଗାଲୁରୁ-ଜସିଡିହ ଏକ୍ସପ୍ରେସ। କେତେକ ଷ୍ଟେସନରେ ଉପରୋକ୍ତ ଟ୍ରେନ ମାନଙ୍କର ସମୟ ସାରଣୀ ପୂର୍ବ ନିର୍ଦ୍ଧାରିତ ସମୟ ପୂର୍ବରୁ ଅଥବା ପୂର୍ବ ନିର୍ଦ୍ଧାରିତ ସମୟ ପରେ ପରିବର୍ତ୍ତିତ କରାଯାଇଅଛି।

H. ଉତ୍ପତ୍ତି ଷ୍ଟେସନରୁ ପ୍ରସ୍ଥାନ ସମୟରେ ପରିବର୍ତ୍ତନ:

20813 ପୁରୀ-ଯୋଧପୁର ଏକ୍ସପ୍ରେସ, 18304 ପୁରୀ-ସମ୍ବଲପୁର ଇଣ୍ଟର ସିଟି, 12896/22836/12882 ଏବଂ 12888 ପୁରୀ-ଶାଲିମାର ଏକ୍ସପ୍ରେସ ଟ୍ରେନ, 15643 ପୁରୀ-କାମାକ୍ଷା ଏକ୍ସପ୍ରେସ, 20861 ପୁରୀ-ଅହମ୍ମଦାବାଦ ଏକ୍ସପ୍ରେସ, 22974 ପୁରୀ-ଗାନ୍ଧୀଧାମ ଏକ୍ସପ୍ରେସ, 12146 ପୁରୀ-ଏଲଟିଟି ଏକ୍ସପ୍ରେସ, 22202 ପୁରୀ-ସିଆଲଦା ଏକ୍ସପ୍ରେସ ଟ୍ରେନ ଗୁଡିକ ପୁରୀ ଠାରୁ; 22882 ଭୁବନେଶ୍ୱର-ପୁଣେ ଏକ୍ସପ୍ରେସ, 18423 ଭୁବନେଶ୍ୱର-ନୟାଗଡ଼ ଟାଉନ ଏକ୍ସପ୍ରେସ ଭୁବନେଶ୍ୱରରୁ ଏବଂ ପାରାଦୀପରୁ 22809 ପାରାଦୀପ-ବିଶାଖାପାଟନମ୍ ଏକ୍ସପ୍ରେସ ସମୟରେ ପରିବର୍ତ୍ତନ କରାଯାଇଛି। କେତେକ ଷ୍ଟେସନରେ ଉପରୋକ୍ତ ଟ୍ରେନ ମାନଙ୍କର ସମୟ ସାରଣୀ ପୂର୍ବ ନିର୍ଦ୍ଧାରିତ ସମୟ ପୂର୍ବରୁ ଅଥବା ପୂର୍ବ ନିର୍ଦ୍ଧାରିତ ସମୟ ପରେ ପରିବର୍ତ୍ତିତ କରାଯାଇଅଛି।

I. ଗନ୍ତବ୍ୟ ସ୍ଥଳରେ ଆଗମନ ସମୟର ପରିବର୍ତ୍ତନ:

ପୁରୀ ଠାରେ 12277 ହାଓଡ଼ା-ପୁରୀ ଏକ୍ସପ୍ରେସର ସମୟ; 18424 ନୟାଗଡ଼ ଟାଉନ୍-ଭୁବନେଶ୍ୱର, 12846 SMVT ବେଙ୍ଗାଲୁରୁ-ଭୁବନେଶ୍ୱର ଏକ୍ସପ୍ରେସ, 22834 SMVT ବେଙ୍ଗାଲୁରୁ-ଭୁବନେଶ୍ୱର ଏକ୍ସପ୍ରେସ ଭୁବନେଶ୍ୱରରେ; 20815 ଟାଟା-ବିଶାଖାପାଟନମ୍ ଏକ୍ସପ୍ରେସ୍ ଏବଂ 18529 ଦୁର୍ଗ-ବିଶାଖାପାଟନମ୍ ଏକ୍ସପ୍ରେସ ବିଶାଖାପାଟନମ୍ ଠାରେ ଏବଂ ସମ୍ବଲପୁରରେ 18304 ପୁରୀ-ସମ୍ବଲପୁର ଏକ୍ସପ୍ରେସ ସମୟରେ ପରିବର୍ତ୍ତନ କରାଯାଇଛି।  କେତେକ ଷ୍ଟେସନରେ ଉପରୋକ୍ତ ଟ୍ରେନ ମାନଙ୍କର ସମୟ ସାରଣୀ ପୂର୍ବ ନିର୍ଦ୍ଧାରିତ ସମୟ ପୂର୍ବରୁ ଅଥବା ପୂର୍ବ ନିର୍ଦ୍ଧାରିତ ସମୟ ପରେ ପରିବର୍ତ୍ତିତ କରାଯାଇଅଛି।

ଯାତ୍ରୀମାନଙ୍କୁ ଟ୍ରେନରେ ଯିବା ପୂର୍ବରୁ ସେମାନଙ୍କର ଟ୍ରେନ୍ ସମୟ ଯାଞ୍ଚ କରିବାକୁ ଅନୁରୋଧ କରାଯାଇଛି | ଯାତ୍ରୀମାନେ ଭାରତୀୟ ରେଳ ଯାତ୍ରୀ ସଂରକ୍ଷଣ ଅନୁସନ୍ଧାନ https://www.indianrail.gov.in/enquiry/StaticPages/StaticEnquiry.jsp?StaticPage=index.html
ପରିଦର୍ଶନ କରିପାରିବେ କିମ୍ବା ଜାତୀୟ ଟ୍ରେନ୍ ଅନୁସନ୍ଧାନ ସିଷ୍ଟମ୍ https://enquiry.indianrail.gov.in/ntes/ ଅନୁସରଣ କରିପାରିବେ। ଟ୍ରେନ୍ ସମୟ ବିଷୟରେ ଜାଣିବା ପାଇଁ ବିଭିନ୍ନ ଷ୍ଟେସନର ଷ୍ଟେସନ ଅନୁସନ୍ଧାନ କାଉଣ୍ଟରରୁ ମଧ୍ୟ ଯାତ୍ରୀମାନେ ସୂଚନା ପାଇପାରିବ।

ଭୁବନେଶ୍ବର: ରେଳ ଯାତ୍ରୀ ମାନଙ୍କ ଚାହିଦାକୁ ଦୃଷ୍ଟିରେ ରଖି ଏବଂ ନିୟମିତ ଟ୍ରେନରେ ଅତିରିକ୍ତ ଯାତ୍ରୀ ଭିଡ ଏଡ଼ାଇବା ପାଇଁ ପୂର୍ବ ତଟ ରେଳ ପରିସୀମା ମଧ୍ୟଦେଇ ଚଳାଚଳ ଓ ଏହା ମଧ୍ୟରୁ ଛାଡୁଥିବା ନିମ୍ନଲିଖିତ ଅନୁଯାୟୀ କିଛି ସ୍ୱତନ୍ତ୍ର ଟ୍ରେନର ସେବା ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି …

ସ୍ୱତନ୍ତ୍ର ଟ୍ରେନର ସେବା ବୃଦ୍ଧି:

ଭୁବନେଶ୍ୱର ଠାରୁ ପ୍ରତ୍ୟେକ ମଙ୍ଗଳବାର, ଶୁକ୍ରବାର ଏବଂ ରବିବାର ଦିନ ସନ୍ଧ୍ୟା 8 ଘ. 25 ମି.ରେ ଛାଡୁଥିବା 02832 ଭୁବନେଶ୍ୱର-ଧାନବାଦ୍ ସ୍ପେଶାଲ ଏକ୍ସପ୍ରେସ 30 ଡିସେମ୍ବର 2022 ପର୍ଯ୍ୟନ୍ତ ଚଳାଚଳ କରିବ। ସେହିପରି ଫେରିବା ମାର୍ଗରେ ଧାନବାଦ୍ ଠାରୁ ପ୍ରତ୍ୟେକ ବୁଧବାର, ଶନିବାର ଏବଂ ସୋମବାର ଦିନ ଅପରାହ୍ନ 4 ଘଟିକାରେ ଛାଡୁଥିବା 02831 ଧାନବାଦ୍-ଭୁବନେଶ୍ୱର ସ୍ପେଶାଲ ଏକ୍ସପ୍ରେସ 31 ଡିସେମ୍ବର 2022 ପର୍ଯ୍ୟନ୍ତ ଚଳାଚଳ କରିବ।
ପୁରୀରୁ ପ୍ରତ୍ୟେକ ଶନିବାର ଦିନ ଅପରାହ୍ନ 2ଘ. 55 ମି.ରେ ଛାଡୁଥିବା 08439 ପୁରୀ-ପାଟନା ସ୍ପେଶାଲ ଏକ୍ସପ୍ରେସ 26.11.2022 ପର୍ଯ୍ୟନ୍ତ ଚଳାଚଳ କରିବ। ଫେରିବା ମାର୍ଗରେ ପାଟନା ଠାରୁ ପ୍ରତ୍ୟେକ ରବିବାର ଦିନ ଅପରାହ୍ନ 1ଘ. 30ମି.ରେ ଛାଡୁଥିବା 08440 ପାଟନା-ପୁରୀ ସ୍ପେଶାଲ ଏକ୍ସପ୍ରେସ 27.11.2022 ପର୍ଯ୍ୟନ୍ତ ଚଳାଚଳ କରିବ।

ପୁରୀ ଏବଂ ସିଆଲଦା (କୋଲକାତା) ମଧ୍ୟରେ ସ୍ୱତନ୍ତ୍ର ଟ୍ରେନ୍:

ଅକ୍ଟୋବର ମାସ ପହିଲା ଠାରୁ ୨୯ ତାରିଖ ପର୍ଯ୍ୟନ୍ତ 03101 ସିଆଲଦା-ପୁରୀ ସ୍ପେଶାଲ ଏକ୍ସପ୍ରେସ ସିଆଲଦାରୁ ପ୍ରତ୍ୟକ ଶନିବାର ଦିନ ରାତ୍ରି 11ଘ.50ମି.ରେ ପୁରୀ କୁ ଛାଡିବାକୁ ଥିବାବେଳେ ଫେରିବା ମାର୍ଗରେ ପୁରୀରୁ 03102 ପୁରୀ-ସିଆଲଦା ସ୍ପେଶାଲ ଏକ୍ସପ୍ରେସ ପ୍ରତ୍ୟେକ ରବିବାର ଦିନ ଅପରାହ୍ନ 3ଘ.50ମି.ରେ ଛାଡି ସିଆଲଦା ଯାତ୍ରା କରିବ।

ପୁରୀ ଏବଂ ପାଟନା ମଧ୍ୟରେ ସ୍ୱତନ୍ତ୍ର ଟ୍ରେନ୍:

03230 ପାଟନା-ପୁରୀ ବିଶେଷ ଟ୍ରେନ 27 ଅକ୍ଟୋବର ରୁ 10 ନଭେମ୍ବର 2022 ମଧ୍ୟରେ ପାଟନା ଠାରୁ ପ୍ରତି ଗୁରୁବାର ପୂର୍ବାହ୍ନ 8 ଘ.45 ମି.ରେ ଛାଡି ପୁରୀ ଯାତ୍ରା କରିବ। ଫେରିବା ମାର୍ଗରେ 03229 ପୁରୀ-ପାଟନା ବିଶେଷ ଟ୍ରେନ 28 ଅକ୍ଟୋବର ରୁ 11 ନଭେମ୍ବର 2022 ମଧ୍ୟରେ ପୁରୀ ଠାରୁ ପ୍ରତି ଶୁକ୍ରବାର ଅପରାହ୍ନ 2 ଘ.55 ମି.ରେ ଛାଡି ପାଟନା ଯାତ୍ରା କରିବ।

ଭୁବନେଶ୍ୱର: ଆଜି ପୂର୍ବତଟ ରେଳପଥ ମୁଖ୍ୟାଳୟ ଠାରେ ହିନ୍ଦୀ ଦିବସ ପାଳନ କରାଯିବ ସହିତ ରାଜଭାଷା ପକ୍ଷ୍ୟ ଉଦ୍ଘାଟନ କରାଯାଇଅଛି। ପୂର୍ବତଟ ରେଳପଥର କାର୍ଯ୍ୟକାରୀ ମହାପ୍ରବନ୍ଧକ ଶରଦ କୁମାର ଶ୍ରୀବାସ୍ତବ ରେଳପଥର ମୁଖ୍ୟ ରାଜଭାଷା ଅଧିକାରୀ ରବି ଶଙ୍କର ମିତ୍ର ଏବଂ ପ୍ରମୁଖ ଅଧିକାରୀ ମାନଙ୍କ ଉପସ୍ଥିତିରେ ଏହି ପକ୍ଷ୍ୟକୁ ଉଦ୍ଘାଟନ କରିଛନ୍ତି।

ଏହି ଅବସରରେ ମହାପ୍ରବନ୍ଧକ ରେଳପଥର ଅଧିକାରୀ ଓ କର୍ମଚାରୀ ମାନଙ୍କୁ ହିନ୍ଦୀ ଦିବସର ଶପଥ ପାଠ କରାଇବା ସହିତ ମାନ୍ୟବର ରେଳମନ୍ତ୍ରୀଙ୍କ ବାର୍ତ୍ତା କୁ ଦୋହରାଇଥିଲେ। ଏହି କାର୍ଯ୍ୟକ୍ରମରେ ମୁଖ୍ୟ ରାଜଭାଷା ଅଧିକାରୀ ତାଙ୍କ ସମ୍ବୋଧନରେ ହିନ୍ଦୀ ଦିବସର ଇତିହାସ ଉପରେ ଆଲୋକପାତ କରିଥିଲେ ଏବଂ ହିନ୍ଦୀର ମହତ୍ତ୍ୱ ବିଷୟରେ ଆଲୋଚନା କରିଥିଲେ। ମହାପ୍ରବନ୍ଧକ ଶ୍ରୀ ଶ୍ରୀବାସ୍ତବ ତାଙ୍କ ବକ୍ତବ୍ୟ ରେ ରେଳ କର୍ମଚାରୀ ମାନଙ୍କୁ ଅଧିକରୁ ଅଧିକ ରାଜଭାଷା ମାଧ୍ୟମରେ ଅଫିସ କାର୍ଯ୍ୟ କରିବାକୁ ପରାମର୍ଶ ଦେଇଥିଲେ।

ବିଭିନ୍ନ ଆଞ୍ଚଳିକ ପ୍ରତିଯୋଗିତା ଏବଂ ରାଜଭାଷା ସହ ଜଡିତ ଅନ୍ୟ ପ୍ରତିଯୋଗିତାରେ ଭାଗନେଇଥିବା କୃତି ପ୍ରତିଯୋଗୀ ମାନଙ୍କୁ ଏହି ଅବସରରେ ମହାପ୍ରବନ୍ଧକଙ୍କ ଦ୍ୱାରା ପୁରସ୍କୃତ କରାଯାଇଥିଲା। ଏହି କାର୍ଯ୍ୟକ୍ରମକୁ ରେଳପଥର ରାଜଭାଷା ଅଧିକାରୀ ୟାଲିନା ପଣ୍ଡା ପରିଚାଳନା କରିଥିଲେ।

ଭୁବନେଶ୍ବର: ଆଜି ଭୁବନେଶ୍ୱରର ରେଲୱେ ଅଡିଟୋରିୟମରେ ପୂର୍ବତଟ ରେଳପଥ ପକ୍ଷରୁ ୬୭ ତମ ବାର୍ଷିକ ପୁରସ୍କାର ବିତରଣ ଉତ୍ସବ ପାଳନ କରାଯାଇଅଛି। ଏହି ଅବସରରେ ପୂର୍ବ ତଟ ରେଳପଥର କାର୍ଯ୍ୟକାରୀ ମହାପ୍ରବନ୍ଧକ ଶରଦ କୁମାର ଶ୍ରୀବାସ୍ତବ ମୁଖ୍ୟ ଅତିଥି ଭାବରେ ଯୋଗ ଦେଇ ରେଳ କର୍ମଚାରୀମାନଙ୍କୁ ଉଦବୋଧନ ଦେବା ସହିତ ଦକ୍ଷ କର୍ମଚାରୀ ମାନଙ୍କୁ ପୁରସ୍କୃତ କରିଥିଲେ।

ଉପସ୍ଥିତ ରେଳ କର୍ମଚାରୀ, ଅଧିକାରୀ ଓ ସେମାନଙ୍କର ପରିବାର ବର୍ଗଙ୍କୁ ସମ୍ବୋଧିତ କରି ମହାପ୍ରବନ୍ଧକ କର୍ମଚାରୀମାନଙ୍କୁ ସେମାନଙ୍କର ପ୍ରଗତିଶୀଳ ମନୋଭାବ ସହିତ ମୂଲ୍ୟବାନ ଅବଦାନ ଓ କାର୍ଯ୍ୟନିଷ୍ଠା ପାଇଁ ପ୍ରଶଂସା କରିଥିଲେ। କର୍ମଚାରୀ ମାନେ ଏହି ଉଦ୍ୟମ ଜାରି ରଖିବାକୁ ଏବଂ ଭାରତୀୟ ରେଳବାଇରେ ପୁନର୍ବାର ଶ୍ରେଷ୍ଠ କ୍ଷେତ୍ରୀୟ ରେଳପଥ ଭାବେ ବଜାୟ ରଖିବାକୁ ମହାପ୍ରବନ୍ଧକ ରେଳବାଇ କର୍ମଚାରୀ ମାନଙ୍କୁ ଆହ୍ୱାନ ଦେଇଥିଲେ। ବିଭିନ୍ନ କ୍ଷେତ୍ରରେ କାର୍ଯ୍ୟ ଦକ୍ଷତା ପାଇଁ ପ୍ରାୟ ୨୮୫ ରେଳ କର୍ମଚାରି ମାନଙ୍କୁ ଏହି ଅବସରରେ ମହାପ୍ରବନ୍ଧକ ଶ୍ରୀବାସ୍ତବ ଅନ୍ୟତମ ଅତିଥି ପୂର୍ବତଟ ରେଳପଥ ମହିଳା କଲ୍ୟାଣ ସଂଗଠନର ଅଧ୍ୟକ୍ଷ୍ୟା ଅନୁପମା ଶ୍ରୀବାସ୍ତବଙ୍କ ଉପସ୍ଥିତିରେ ପୁରସ୍କୃତ କରିଥିଲେ।

ଉଲ୍ଲେଖନୀୟ ପ୍ରଦର୍ଶନ ପାଇଁ ବିଭିନ୍ନ ଅଧିକାରୀ ଏବଂ କର୍ମଚାରୀଙ୍କୁ ଦକ୍ଷତା ପ୍ରଶଂସାପତ୍ର ଏବଂ ରେଳବାଇ ୟୁନିଟ ଗୁଡିକୁ ଶିଲ୍ଡ ଦ୍ୱାରା ପୁରସ୍କୃତ କରାଯାଇଥିଲା। ବିଭିନ୍ନ କ୍ଷେତ୍ରରେ ସାମଗ୍ରିକ ପ୍ରଦର୍ଶନ ପାଇଁ ୱାଲଟିୟର ରେଳମଣ୍ଡଳକୁ ସାମଗ୍ରିକ ଦକ୍ଷତା ଶିଲ୍ଡ ଦ୍ୱାରା ପୁରସ୍କୃତ କରାଯାଇଥିଲା। ବଲାଙ୍ଗୀର ଷ୍ଟେସନକୁ ଶ୍ରେଷ୍ଠ ମେଜର କ୍ଲିନ୍ ଷ୍ଟେସନ୍ ଶିଲ୍ଡ ଏବଂ ହରିଚନ୍ଦନପୁର ଷ୍ଟେସନ୍କୁ ଶ୍ରେଷ୍ଠ ଛୋଟ କ୍ଲିନ୍ ଷ୍ଟେସନ୍ ଶିଲ୍ଡ ଦ୍ୱାରା ପୁରସ୍କୃତ କରାଯାଇଥିଲା।  ବିଭିନ୍ନ ଦଳଗତ ପୁରସ୍କାର ଏବଂ ବ୍ୟକ୍ତିଗତ ପୁରସ୍କାର ସହିତ ଦକ୍ଷ ଓ ନିଷ୍ଠାପର କର୍ମଚାରୀ ଏବଂ ବିଭାଗୀୟ ୟୁନିଟ୍ ମାନଙ୍କୁ ସେମାନଙ୍କ କାର୍ଯ୍ୟ ଦକ୍ଷତା ପାଇଁ ପୁରସ୍କାର ପ୍ରଦାନ କରାଯାଇଥିଲା।

ୱାଲଟିୟର ରେଳମଣ୍ଡଳକୁ ଶ୍ରେଷ୍ଠ ଷ୍ଟୋରସ୍ ଡିପୋ, କୋଚିଂ ଡିପୋ, ବାଣିଜ୍ୟିକ, ଇଲେକ୍ଟ୍ରିକାଲ୍ ନନ୍ ଟ୍ରାକ୍ସନ୍ ଏନର୍ଜି ମ୍ୟାନେଜମେଣ୍ଟ, ଅପରେଟିଂ, ରାଜଭାଷା, ସୁରକ୍ଷା, ନିରାପତ୍ତା, କ୍ରୀଡ଼ା, ୱାଗନ୍ ମେଣ୍ଟେନାନ୍ସ ସିଲ୍ଡସ୍ ପ୍ରଦାନ କରାଯାଇଥିବାବେଳେ ଖୋର୍ଦ୍ଧା ରୋଡ୍ ରେଳମଣ୍ଡଳକୁ ଶ୍ରେଷ୍ଠ ସିଭିଲ୍ ଇଞ୍ଜିନିୟରିଂ, ଇଲେକ୍ଟ୍ରିକାଲ୍ ଟ୍ରାକ୍ସନ୍, ଫାଇନାନ୍ସ,, ସିଗନାଲ୍ ଏବଂ ଟେଲିକମ୍ ସିଲ୍ଡସ୍ ପ୍ରଦାନ କରାଯାଇଥିଲା। ସେହିଭଳି ସମ୍ବଲପୁର ରେଳମଣ୍ଡଳକୁ ପରିବେଶ ଏବଂ ହାଉସ କିପିଙ୍ଗ ପରିଚାଳନା, ସର୍ଭେ ଏବଂ ନିର୍ମାଣ ଏବଂ ଆଇନ ସମ୍ବନ୍ଧୀୟ କାର୍ଯ୍ୟଦକ୍ଷତା କ୍ଷେତ୍ରରେ ପୁରସ୍କୃତ କରାଯାଇଅଛି। ଖୋର୍ଦ୍ଧା ରୋଡ୍ ଏବଂ ୱାଲଟିୟର ରେଳମଣ୍ଡଳକୁ ମିଳିତ ଭାବେ ମେକାନିକାଲ୍ ଏବଂ ସ୍କ୍ରାପ୍ ଡିସପୋଜାଲ୍ ଶିଲ୍ଡ ପ୍ରଦାନ କରାଯାଇଥିବାବେଳେ ଖୋର୍ଦ୍ଧା ରୋଡ୍ ଏବଂ ସମ୍ବଲପୁର ରେଳମଣ୍ଡଳକୁ ମିଳିତ ଭାବେ କାର୍ମୀକ (ପର୍ଷନେଲ) ପର୍ସନାଲ ଶିଲ୍ଡ ପ୍ରଦାନ କରାଯାଇଥିଲା।

ଏହାପୂର୍ବରୁ ପୂର୍ବତଟ ରେଳପଥର ବରିଷ୍ଠ ଉପ ମହା ପ୍ରବନ୍ଧକ ସଞ୍ଜୟ କୁମାର ମହାପାତ୍ର ଅତିଥିମାନଙ୍କୁ ସ୍ୱାଗତ ଭାଷଣ ଦେଇ ରେଳବାଇ କର୍ମଚାରୀମାନଙ୍କ କାର୍ଯ୍ୟଦକ୍ଷତା ଏବଂ ଦେଶ ଉନ୍ନତିରେ ରେଳବାଇ କର୍ମଚାରୀମାନଙ୍କ କାର୍ଯ୍ୟର ଗୁରୁତ୍ୱ ବିଷୟରେ କହିଥିଲେ। ଉପ ମହାପ୍ରବନ୍ଧକ ଅଶୋକା କୁମାର ମିଶ୍ର ଏହି ଉତ୍ସବକୁ ପରିଚାଳନା କରିବା ସହିତ ଅବଶେଷରେ ଧନ୍ୟବାଦ ଅର୍ପଣ କରିଥିଲେ।

ଭୁବନେଶ୍ୱର: ରେଳମନ୍ତ୍ରୀଙ୍କ ଘୋଷଣା ଅନୁଯାୟୀ ପୂର୍ବତଟ ରେଳପଥ ପୁରୀ-ନୁଆଗାଁ ରୋଡ୍ ମଧ୍ୟରେ ପାସେଞ୍ଜର ସ୍ପେଶାଲ ଟ୍ରେନ ଚଳାଚଳ ପାଇଁ ନିଷ୍ପତ୍ତି ନେଇଛି।

୦୮୪୨୩/୦୮୪୨୪ ପୁରୀ-ନୁଆଗାଁ ରୋଡ୍-ପୁରୀ ପାସେଞ୍ଜର ସ୍ପେଶାଲ୍ ୨୦ ଜୁଲାଇ, ୨୦୨୨ ଠାରୁ ପୁରୀରୁ ସନ୍ଧ୍ୟା ୭ଘ.୫୦ମି.ରେ ଛାଡିବାକୁ ଥିବାବେଳେ ଫେରିବା ମାର୍ଗରେ ୨୧ ଜୁଲାଇ, ୨୦୨୨ ଠାରୁ ନୁଆଗାଁ ରୋଡରୁ ପୂର୍ବାହ୍ନ ୮ଘ.୧୦ମି.ରେ ପୁରୀ ଯାତ୍ରା କରିବ।

ଏହି ଟ୍ରେନରେ ପାଞ୍ଚଟି ଦ୍ୱିତୀୟ ଶ୍ରେଣୀ ସିଟିଙ୍ଗ ଏବଂ ଦୁଇଟି ଗାର୍ଡ ତଥା ଲଗେଜ୍ ଭ୍ୟାନ୍ ଉପଲବ୍ଧ ଥିବାବେଳେ ଏହା ପୁରୀ ଏବଂ ନୁଆଗାଁ ରୋଡ୍ ମଧ୍ୟରେ ମାଳତୀପାଟପୁର, ଜାନକିଦେଇପୁର, ସାକ୍ଷୀଗୋପାଳ, ବୀରପୁରୁଷୋତ୍ତମପୁର, ଜେନାପୁର ପିଏଚ, ଡେଲାଙ୍ଗ, କଣାସ ରୋଡ, ମୋଟରୀ, ହରିପୁର ଗ୍ରାମ, ଖୋର୍ଦ୍ଧା ରୋଡ, ଖୋର୍ଦ୍ଧା ଟାଉନ, ବେଗୁନିଆ, ରାଜସୁନାଖଳା, ବୋଲଗଡ ଟାଉନ୍, ବୋଲଗଡ ରୋଡ୍, ନୟାଗଡ଼ ଟାଉନ୍ ଏବଂ ମହିପୁର ଷ୍ଟେସନ ମାନଙ୍କରେ ରହଣି କରିବ।

ପୁରୀ-ନୁଆଗାଁ ରୋଡ୍ ପାସେଞ୍ଜର ସ୍ପେଶାଲ୍ ପ୍ରଚଳନ ପରେ ଟ୍ରେନ ଚଳାଚଳର ସୁବିଧାକୁ ଦେଖି ୦୮୪୨୯ ଭୁବନେଶ୍ୱର-ନୁଆଗାଁ ରୋଡ୍ ପାସେଞ୍ଜର ସ୍ପେଶାଲ୍ ସମୟ ସାରଣୀକୁ ସଂଶୋଧନ କରିବାକୁ ମଧ୍ୟ ନିଷ୍ପତ୍ତି ନିଆଯାଇଛି। ୨୧ ଜୁଲାଇ ୨୦୨୨ ଠାରୁ ସ୍ଥିରୀକୃତ ଷ୍ଟେସନ ମାନଙ୍କ ଠାରେ ଏହି ଟ୍ରେନ୍ ପାଇଁ ସମୟ ମଧ୍ୟ ସଂଶୋଧିତ ହୋଇଛି। ଏହି ଟ୍ରେନ ଭୁବନେଶ୍ୱର ଠାରୁ ଏହାର ନିର୍ଧାରିତ ସମୟ ପୂର୍ବାହ୍ନ ୯ଘ.୨୫ମି. ପରିବର୍ତ୍ତେ ପୂର୍ବାହ୍ନ ୧୦ଘ.୨୦ମି. ରେ ଛାଡି ନୁଆଗାଁ ରୋଡ଼ ଠାରେ ଅପରାହ୍ନ ୧୨ଘ.୧୫ମି. ପରିବର୍ତ୍ତେ ୧ ଘଟିକାରେ ପହଞ୍ଚିବ।

ଅବଶ୍ୟ, ୦୮୪୩୦ ନୁଆଗାଁ ରୋଡ୍-ଭୁବନେଶ୍ୱର ପାସେଞ୍ଜର ସ୍ପେସିଆଲ୍ ନୁଆଗାଁ ରୋଡ୍ ଠାରୁ ଭୁବନେଶ୍ୱର ଫେରିବା ମାର୍ଗରେ ଏହାର ସମୟ ସାରଣୀ ଅପରିବର୍ତ୍ତିତ ରହିବ।

ଭୁବନେଶ୍ୱର: ଆନ୍ତର୍ଜାତୀୟ ଲେଭେଲ କ୍ରସିଂ ସଚେତନତା ଦିବସ ପାଳନ ଅବସରରେ ସଡ଼କ ବ୍ୟବହାରକାରୀଙ୍କୁ ପ୍ରଶିକ୍ଷିତ କରାଇବା ପାଇଁ ପୂର୍ବତଟ ରେଳପଥ ପକ୍ଷରୁ ଜନସଚେତନତା ଅଭିଯାନ ଆୟୋଜନ କରାଯାଇଅଛି। ଏହି ଲେଭଲ କ୍ରସିଂ ସଚେତନତା ଅଭିଯାନ ପୂର୍ବତଟ ରେଳପଥ ପକ୍ଷରୁ ବିଭିନ୍ନ ଗଣ ଯୋଗାଯୋଗ ମାଧ୍ୟମ ସହିତ ପୋଷ୍ଟର, ଲିଫଲେଟ୍ ବଣ୍ଟନ, ବିଭିନ୍ନ କ୍ଷୁଦ୍ର ଅବଧି ଚଳଚ୍ଚିତ୍ର/ବିଜ୍ଞାପନ ଏବଂ ପଥପ୍ରାନ୍ତ ନାଟକ ଇତ୍ୟାଦି ମାଧ୍ୟମରେ ସଚେତନତା କରାଯାଇଛି।

ପୂର୍ବ ତଟ ରେଳପଥ ମୁଖ୍ୟାଳ ଏବଂ ଖୋର୍ଦ୍ଧା ରୋଡ଼ ମଣ୍ଡଳର ନିରାପତ୍ତା ବିଭାଗର ବରିଷ୍ଠ ଅଧିକାରୀମାନେ ଖୋର୍ଦ୍ଧା ରୋଡ଼ ମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକ ରିଙ୍କେଶ ରାୟଙ୍କ ନେତୃତ୍ୱରେ ଆନ୍ତର୍ଜାତୀୟ ଲେଭେଲ କ୍ରସିଂ ସଚେତନତା ଦିବସରେ ଆଜି ଅରୁଗୁଳ ଷ୍ଟେସନ ନିକଟସ୍ଥ ଜଗୁଆଳି ଥିବା ଲେଭେଲ କ୍ରସିଂ ଗେଟ୍ ନିକଟରେ ଆୟୋଜିତ କାର୍ଯ୍ୟକ୍ରମକୁ ଉଦ୍ଘାଟନ କରି ସଚେତନତା କାର୍ଯ୍ୟକ୍ରମ ଆୟୋଜନ କରିଥିଲେ। ଆୟୋଜିତ ସମାବେଶକୁ ସୂଚନା ଦେଇ ଶ୍ରୀ ରାୟ କହିଛନ୍ତି ଯେ “ଜୀବନ ଆପଣଙ୍କ ସମୟ ଅପେକ୍ଷା ଅଧିକ ମୂଲ୍ୟବାନ ଅଟେ – ଲେଭଲ୍ କ୍ରସିଂ ଅତିକ୍ରମ କରିବାବେଳେ ଆପଣଙ୍କ ଜୀବନକୁ ବିପଦରେ ପକାନ୍ତୁ ନାହିଁ”। ସେ ଏହା ମଧ୍ୟ ସୂଚନା ଦେଇଛନ୍ତି ଯେ, ଟ୍ରେନ୍ ଗୁଡିକର ଗତି ଅତ୍ୟନ୍ତ ଦ୍ରୁତ ଯାହାକି ଆପଣଙ୍କ ଭାବନା ଠାରୁ ଆହୁରି କ୍ଷିପ୍ର ଗତିରେ ରେଳ ଫାଟକ ଠାରେ ପହଞ୍ଚି ପାରେ, ତେଣୁ ଲେଭେଲ କ୍ରସିଂ ଦେଇ ଯିବାବେଳେ ସାବଧାନ ରୁହନ୍ତୁ।

ରେଳମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ, ସମସ୍ତ ମାନବ ବିହୀନ ଲେଭଲ୍ କ୍ରସିଂ ଗେଟ୍ ଗୁଡିକ ପୂର୍ବ ତଟ ରେଳବାଇ ପରିସୀମା ମଧ୍ୟରୁ ଅପସାରଣ କରାଯାଇ ରୋଡ୍ ଓଭର ବ୍ରିଜ୍ (ROBs) ଏବଂ ରୋଡ୍ ଅଣ୍ଡର ବ୍ରିଜ୍ (RUBs) ର ବିକଳ୍ପ ଯାତାୟାତ ସୁବିଧା ଯୋଗାଇ ଦିଆଯାଇଅଛି।

ଆନ୍ତର୍ଜାତୀୟ ଲେଭେଲ କ୍ରସିଂ ସଚେତନତା ଦିବସ ପାଳନକୁ ସ୍ମରଣୀୟ କରିବାପାଇଁ ଖୋର୍ଦ୍ଧା ରୋଡ଼ ମଣ୍ଡଳର ସିଭିଲ ଡିଫେନ୍ସ ସ୍ବେଛାସେବୀ ମାନଙ୍କ ଦ୍ୱାରା ଅରୁଗୁଳ ଷ୍ଟେସନ ନିକଟସ୍ଥ ଲେଭେଲ କ୍ରସିଂ ଠାରେ ନିରାପତ୍ତା ସମ୍ବନ୍ଧୀୟ ପଥପ୍ରାନ୍ତ ନାଟକ ଆୟୋଜନ କରାଯାଇ ଜନସାଧାରଣଙ୍କୁ ସଚେତନ କରାଯାଇଥିଲା। ରେଳ ଫାଟକ ବ୍ୟବହାର କରିବା ସମୟରେ ପଥଚାରୀମାନଙ୍କୁ ସତର୍କ କରାଇବା ନିମନ୍ତେ ପ୍ରଚାର ପତ୍ର ବଣ୍ଟନ କରାଯିବ ସହିତ ପ୍ଲାକାର୍ଡ଼ ଓ ବ୍ୟାନର ପ୍ରଦର୍ଶିତ କରାଯାଇଥିଲା। ନିରାପତ୍ତା ବିଭାଗର କର୍ମଚାରୀ ଓ ଅଧିକାରୀମାନେ ସଡକ ବ୍ୟବହାରକାରୀ ମାନଙ୍କୁ ଲେଭେଲ କ୍ରସିଂ ପାରହେବ ସମୟରେ ବିଭିନ୍ନ ନିୟମ ସମ୍ବନ୍ଧରେ ବୁଝାଇଥିଲେ।