ନୂଆଦିଲ୍ଲୀ: ପୂର୍ବତନ ଭାରତୀୟ ପ୍ରଶାସନିକ ସେବା (ଆଇଏଏସ୍) ଅଧିକାରୀ ଅରୁଣ ଗୋୟଲ ଆଜି ନିର୍ବାଚନ କମିଶନର ଭାବେ ଦାୟିତ୍ୱ ଗ୍ରହଣ କରିଛନ୍ତି। ନିର୍ବାଚନ ଆୟୋଗ (ଇସି) ଏହି ସୂଚନା ଦେଇଛନ୍ତି। ଗୋୟାଲ ପଞ୍ଜାବ କ୍ୟାଡରର ୧୯୮୫ ବ୍ୟାଚ୍ ଆଇଏଏସ୍ ଅଧିକାରୀ। ସେ ନଭେମ୍ବର ୧୮ ତାରିଖରେ ସ୍ବେଚ୍ଛାକୃତ ଅବସର ନେଇଥିଲେ। ଅବଶ୍ୟ, ସେ ୬୦ ବର୍ଷ ବୟସ ପରେ ଡିସେମ୍ବର ୩୧ ୨୦୨୨ ରେ ଅବସର ନେବାକୁ ଯାଉଥିଲେ। ଗୋୟଲଙ୍କୁ ଶନିବାର ନିର୍ବାଚନ କମିଶନର ଭାବେ ନିଯୁକ୍ତି ଦିଆଯାଇଥିଲା।
ସେ ମୁଖ୍ୟ ନିର୍ବାଚନ କମିଶନର ରାଜୀବ କୁମାର ଏବଂ ନିର୍ବାଚନ କମିଶନର ଅନୁପ ଚନ୍ଦ୍ର ପାଣ୍ଡେଙ୍କ ସହ ନିର୍ବାଚନ ଆୟୋଗର ଅଂଶ ହେବେ। ମେ ୨୦୨୨ରେ ମୁଖ୍ୟ ନିର୍ବାଚନ କମିଶନର (ସିଇସି) ଭାବେ ସୁଶୀଲ ଚନ୍ଦ୍ର ଅବସର ନେବା ପରେ ନିର୍ବାଚନ ଆୟୋଗରେ ଏକ ପଦବୀ ଖାଲି ପଡ଼ିଥିଲା। ଗୋୟଲଙ୍କୁ ପୂର୍ବରୁ ହେଭି ଇଣ୍ଡଷ୍ଟ୍ରିଜ୍ ସେକ୍ରେଟାରୀ ଭାବରେ ପୋଷ୍ଟ କରାଯାଇଥିଲା। ସେ ସଂସ୍କୃତି ମନ୍ତ୍ରଣାଳୟରେ ମଧ୍ୟ କାର୍ଯ୍ୟ କରିଛନ୍ତି।