ଭୁବନେଶ୍ୱର: ପୋସ୍କୋ ପ୍ରତିରୋଧ ଓ ଜିନ୍ଦଲ ବିରୋଧୀ ସଂଗ୍ରାମ ସମିତିର ନେତା ଟୁନା ବରାଳ ଓ ଅନ୍ୟ ତିନିଜଣ ସାଥୀଙ୍କୁ ପୋଲିସ୍ର ଗିରଫଦାରୀକୁ ସିପିଆଇ (ଏମ୍-ଏଲ୍) ଲିବରେସନ ଦୃଢ ନିନ୍ଦା କରିବା ସହିତ ସେମାନଙ୍କୁ ବିନା ସର୍ତ୍ତରେ ଜେଲ୍ରୁ ଖଲାସ କରାଯାଉ ବୋଲି ସିପିଆଇ (ଏମ୍-ଏଲ୍) ଲିବରେସନ କେନ୍ଦ୍ର କମିଟି ସଦସ୍ୟ ତଥା ପ୍ରାକ୍ତନ ବିଧାୟକ ରାଧାକାନ୍ତ ସେଠି ଦାବି କରିଛନ୍ତି।
ରାଜ୍ୟ ସରକାର ଲୋକଙ୍କ ସ୍ୱାର୍ଥ ପରିବର୍ତ୍ତେ କମ୍ପାନୀମାନଙ୍କ ସ୍ୱାର୍ଥକୁ ଅଗ୍ରାଧିକାର ଦେବା ଓ ଜମି, ଜଳ, ଜଙ୍ଗଲ ପରିବେଶକୁ ଅଣଦେଖା କରିବା ରାଜ୍ୟ ସରକାରଙ୍କ ଅସଲ ମୁଖା ଖୋଲିଦେଇଛି ବୋଲି ଅଖିଳ ଭାରତୀୟ ଜନମଞ୍ଚର ଜାତୀୟ ପରିଷଦ ସଦସ୍ୟ ମହେନ୍ଦ୍ର ପରିଡ଼ା ପ୍ରକାଶ କରିଛନ୍ତି। ଗଣତାନ୍ତ୍ରିକ ଆନ୍ଦୋଳନ ଉପରେ ପୋଲିସ୍ର ଦମନଲୀଳାକୁ ବନ୍ଦ କରିବା ପାଇଁ ଶ୍ରୀ ପରିଡ଼ା ଦାବି କରିଛନ୍ତି।