ଜୟପୁର, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୀପାବଳି ପାଳନ ପାଇଁ ଆଜି ସକାଳେ ରାଜସ୍ଥାନ ସୀମାରେ ପହଁଚିଛନ୍ତି। ସେ ସେଠାରେ ବିଏସଏଫ ସୁରକ୍ଷା ବଳଙ୍କ ସହିତ ଦୀପାବଳି ପାଳନ କରିବେ। ପ୍ରତିବର୍ଷ ପ୍ରଧାନମନ୍ତ୍ରୀ ଦୀପାବଳି କୌଣସି ନା କୌଣସି ଯବାନମାନଙ୍କ ସହିତ ପାଳନ କରିଥାନ୍ତି। ସେଥିପାଇଁ ଏଥର ରାଜସ୍ଥାନ ସୀମାରେ ଥିବା ସୀମା ସୁରକ୍ଷା ବଳ ସହିତ ପାଳନ କରିବାକୁ ନିଷ୍ପତି କରିଛନ୍ତି। ସେଠାରେ ମୋଦୀ ପ୍ରାୟ ଏକ ଶହ ସୁରକ୍ଷା ବଳଙ୍କ ସହିତ ଏହି ଦିୱାଲି ପାଳନ କରିବେ ବୋଲି ପ୍ରସ୍ତୁତି କରାଯାଇଛି। ମୋଦୀ ସେମାନଙ୍କୁ ମିଠା ଖୁଆଇବା ସହିତ କିଛି ସମୟ ସେମାନଙ୍କ ସହିତ କଥା ବାର୍ତ୍ତା ମଧ୍ୟ ହେବେ। ସେମାନଙ୍କ ସମସ୍ୟା ସଂପର୍କରେ ମଧ୍ୟ ଆଲୋଚନା କରିବେ।
