The Samikhsya Odia
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପ୍ରଧାନମନ୍ତ୍ରୀ ସଂଗ୍ରହାଳୟ ଗସ୍ତକୁ ନେଇ ଖୁସି ବ୍ୟକ୍ତ କରିଛନ୍ତି।
ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି ଯେ, “ରାଷ୍ଟ୍ରପତି ପ୍ରଧାନମନ୍ତ୍ରୀ ସଂଗ୍ରହାଳୟ , ଯାହା ଭାରତର ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିବାର ଗୌରବ ପାଇଥିବା ସମସ୍ତଙ୍କ ଜୀବନ ଏବଂ କାର୍ଯ୍ୟର ଝଲକ ପ୍ରଦାନ କରୁଛି ତାହାକୁ ପରିଦର୍ଶନ କରିଥିବାରୁ ମୁଁ ଖୁସି ଅନୁଭବ କରୁଛି। ମୁଁ ଅନ୍ୟ ମାନଙ୍କୁ, ବିଶେଷ କରି ଯୁବପିଢ଼ିଙ୍କୁ ମଧ୍ୟ ଅନୁରୋଧ କରିବି ଯେ ସେମାନେ ସଂଗ୍ରହାଳୟ ପରିଦର୍ଶନ କରନ୍ତୁ।
ନୂଆଦିଲ୍ଲୀ: ନୂଆଦିଲ୍ଲୀର ତିନି ମୂର୍ତ୍ତି ରୋଡରେ ଅବସ୍ଥିତ ପ୍ରଧାନମନ୍ତ୍ରୀ ସଂଗ୍ରହାଳୟକୁ 30 ସେପ୍ଟେମ୍ବର ସୁଦ୍ଧା 1,15,161 ପରିଦର୍ଶକ ଭ୍ରମଣ କରିଛନ୍ତି। 15 ଅକ୍ଟୋବର 2022 ରେ, ସର୍ବାଧିକ 3233 ରେକର୍ଡ଼ ସଂଖ୍ୟକ ପରିଦର୍ଶକ ଗୋଟିଏ ଦିନରେ ପ୍ରଧାନମନ୍ତ୍ରୀ ସଂଗ୍ରହାଳୟ ପରିଦର୍ଶନ କରିଛନ୍ତି। 21 ଏପ୍ରିଲ 2022 ରେ ସଂଗ୍ରହାଳୟ ସର୍ବସାଧାରଣଙ୍କ ପାଇଁ ଖୋଲା ଯାଇଥିଲା।
ରାଷ୍ଟ୍ରପତି, ଉପରାଷ୍ଟ୍ରପତି, ପ୍ରଧାନମନ୍ତ୍ରୀ, ଗୃହମନ୍ତ୍ରୀ, ଅର୍ଥମନ୍ତ୍ରୀ ତଥା ଅନ୍ୟାନ୍ୟ କେନ୍ଦ୍ର କ୍ୟାବିନେଟ ମନ୍ତ୍ରୀ, ରାଜ୍ୟ ମୁଖ୍ୟମନ୍ତ୍ରୀ, ଉଚ୍ଚ ନ୍ୟାୟାଳୟର ମାନ୍ୟବର ସଦସ୍ୟ, କୂଟନୀତିଜ୍ଞ ତଥା ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତି ଗଣ ସଂଗ୍ରହାଳୟ ପରିଦର୍ଶନ କରିଛନ୍ତି।
ବିଶିଷ୍ଟ ପରିଦର୍ଶକମାନଙ୍କ ଦ୍ବାରା କିଛି ଗୁରୁତ୍ୱପୂର୍ଣ୍ଣ ମତାମତକୁ ଏଠାରେ ପ୍ରଦାନ କରାଯାଇଛି :
ପୂର୍ବତନ ରାଷ୍ଟ୍ରପତି ଶ୍ରୀ ରାମ ନାଥ କୋବିନ୍ଦ
“ଏହାକୁ ଅତ୍ୟନ୍ତ ପ୍ରଭାବଶାଳୀ ଭାବେ ପରିକଳ୍ପିତ କରାଯାଇଛି। ପ୍ରଧାନମନ୍ତ୍ରୀ ସଂଗ୍ରହାଳୟ ହେଉଛି ପୂର୍ବତନ ପ୍ରଧାନମନ୍ତ୍ରୀ ଏବଂ ଜାତୀୟ ନେତାଙ୍କ ସ୍ୱତନ୍ତ୍ର ଅବଦାନର ଏକ କଳାତ୍ମକ ସ୍ମୃତି, ଏହା ସହିତ ଏହା ସ୍ୱାଧୀନ ଭାରତର ଅଗ୍ରଗତିର ଏକ ସନ୍ତକ ଅଟେ’’।
ଭାରତର ପୂର୍ବତନ ଉପ–ରାଷ୍ଟ୍ରପତି ଶ୍ରୀ ଏମ ଭେଙ୍କୟା ନାଇଡୁ
ଏହା ମଧ୍ୟ ଆମର ଜାତୀୟ ନେତୃତ୍ୱର ବିବିଧତାକୁ ପ୍ରଦର୍ଶନ କରେ ଏବଂ ସମ୍ମାନିତ କରେ ଏବଂ ଏହାଦ୍ୱାରା ଏକତାର ବାର୍ତ୍ତା ପଠାଏ, ଯାହା ଆମ ଭଳି ଏକ ବିଶାଳ ଗଣତନ୍ତ୍ର ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ”|
ଶ୍ରୀ ନରେନ୍ଦ୍ର ମୋଦୀ, ପ୍ରଧାନମନ୍ତ୍ରୀ
‘‘ଯେକେହି ପ୍ରଧାନମନ୍ତ୍ରୀ ସଂଗ୍ରହାଳୟ ପରିଦର୍ଶନ କରନ୍ତି, ସେ ଭାରତୀୟ ଗଣତନ୍ତ୍ରର ମହାନତା, ଏହାର ବିଶାଳ ରୂପ ଏବଂ ସମ୍ଭାବନା ବିଷୟରେ ଭଲ ଭାବରେ ବୁଝିପାରିବେ’’।
ସଂଗ୍ରହାଳୟ ଭାରତର ସ୍ୱାଧୀନତା ପରବର୍ତ୍ତୀ ଇତିହାସ ଉପରେ ଏକ ବିସ୍ତୃତ ଏବଂ ସନ୍ତୁଳିତ ଦୃଷ୍ଟିକୋଣ ପ୍ରଦର୍ଶନ କରେ। ଅତ୍ୟାଧୁନିକ ଜ୍ଞାନ କୌଶଳ ଏବଂ ଐତିହାସିକ କଳାକୃତିର ସୁସ୍ଥ ମିଶ୍ରଣ ସମସ୍ତଙ୍କୁ ପ୍ରଭାବିତ କରିଛି। ବର୍ଦ୍ଧିତ ବାସ୍ତବତା ଏବଂ ଭର୍ଚୁଆଲ୍ ବାସ୍ତବତାର ବ୍ୟବହାର ଏହାର ଅତ୍ୟାଧୁନିକ ଜ୍ଞାନକୌଶଳ ଭିତ୍ତିକ ବିଷୟବସ୍ତୁର ଏକ ଆକର୍ଷଣୀୟ ଅନୁଭୂତି ସୃଷ୍ଟି କରିଛି। ଆମର ସମସ୍ତ ପ୍ରଧାନମନ୍ତ୍ରୀଙ୍କ ନେତୃତ୍ୱ ତଥା ଭୂମିକା କ୍ଷେତ୍ରରେ ଯୁବ ପୀଢ଼ିକୁ ଅବଗତ କରିବା ପାଇଁ ଏହା ପ୍ରୟାସ କରିଛି।
ଶିକ୍ଷାନୁଷ୍ଠାନଗୁଡ଼ିକ ସଂଗ୍ରହାଳୟରେ ଛାତ୍ରଛାତ୍ରୀଙ୍କ ପରିଦର୍ଶନ ବ୍ୟବସ୍ଥା କରିଆସୁଛନ୍ତି। 15 ଅକ୍ଟୋବର 2022 ରେ, 2044 ଛାତ୍ର 10 ଟି ବିଦ୍ୟାଳୟରୁ ପରିଦର୍ଶନ କରିଥିଲେ। ସଂଗ୍ରହାଳୟ କର୍ମଚାରୀଙ୍କ ଦ୍ବାରା ବିଦ୍ୟାଳୟ ଗୁଡ଼ିକୁ ଗାଇଡ୍ ସହିତ ଟୁର୍ ବ୍ୟବସ୍ଥା ପ୍ରଦାନ କରାଯାଇଥାଏ। ଶିଶୁ ଏକାଡେମୀ, ଗାଜିଆବା ତାଙ୍କର ମନ୍ତବ୍ୟରେ କହିଛନ୍ତି, “ଏହି ଯାତ୍ରା ବହୁତ ଭଲ ଥିଲା। ଆମ ପ୍ରଧାନମନ୍ତ୍ରୀଙ୍କ ବିଷୟରେ ମୁଁ ବହୁତ କିଛି ଜାଣିବାକୁ ପାଇଲୁ। ସଂଗ୍ରହାଳୟରେ ଥିବା ବିଭିନ୍ନ କଲେକ୍ସନରେ ମୁଁ ପ୍ରକୃତରେ ବିସ୍ମିତ। ”
ସଂଗ୍ରହାଳୟରେ ବର୍ତ୍ତମାନର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଏକ ନୂତନ ଗ୍ୟାଲେରୀ ଯୋଡାଯାଉଛି। ଜାନୁୟାରୀ 2023 ରେ ଏହା ସର୍ବସାଧାରଣ ଦେଖିବା ପାଇଁ ଧାର୍ଯ୍ୟ କରାଯାଇଛି। ଲାଇଟ୍ ଏବଂ ସାଉଣ୍ଡ୍ ସୋ ମଧ୍ୟ ନଭେମ୍ବର 2022 ରେ ଆରମ୍ଭ ହେବା ପାଇଁ ନିର୍ଦ୍ଧାରିତ ହୋଇଛି। ଏହା ସହିତ ଭାରତରେ ସ୍ପେସ୍ ପ୍ରୋଗ୍ରାମ୍ ଉପରେ ଏକ ଏପିସୋଡ୍ ର ଯୋଜନା ମଧ୍ୟ କରାଯାଇଛି।
ପ୍ରଧାନମନ୍ତ୍ରୀଙ୍କ ଜୀବନ ଏବଂ ସଫଳତା ଉପରେ ବିଶିଷ୍ଟ ଶିକ୍ଷାବିତ୍ ତଥା ଜନ ନେତାଙ୍କ ଦ୍ବାରା ତ୍ରୟମାସିକ ଲେକ୍ଚର୍ ସିରିଜ୍ ମଧ୍ୟ ଯୋଜନା କରାଯାଇଛି। ଏହି ପରିପ୍ରେକ୍ଷୀରେ ମନୋନୀତ ପ୍ରଦର୍ଶନୀ ମଧ୍ୟ ଉପସ୍ଥାପନ କରାଯିବ। ଏହି ସିରିଜର ପ୍ରଥମଟି ଅଧ୍ୟାୟରେ ଭାରତର ପୂର୍ବତନ ରାଷ୍ଟ୍ରପତି ଶ୍ରୀ ରାମ ନାଥ କୋବିନ୍ଦଙ୍କ ଦ୍ୱାରା ଶ୍ରୀ ଅଟଳ ବିହାରୀ ବାଜପେୟୀଙ୍କ ଉପରେ ଉପସ୍ଥାପନା କରାଯିବାର ବ୍ୟବସ୍ଥା ରହିଛି।
ନୂଆଦିଲ୍ଲୀ: ଆଜି ସମ୍ବାଧାନ ପ୍ରଣେତା ଭୀମରାଓ ଆମ୍ବେଦକର ଜୟନ୍ତୀରେ ଉଦଘାଟିତ ହେଲା ପ୍ରଧାନମନ୍ତ୍ରୀ ସଂଗ୍ରହାଳୟ। ନୂଆଦିଲ୍ଲୀରେ ଏହାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉଦଘାଟନ କରିଛନ୍ତି। ୧୫,୬୦୦ ବର୍ଗ ମିଟରରୁ ନିର୍ମିତ ଏହି ସଂଗ୍ରହାଳୟରେ ଭାରତର ସମସ୍ତ ପୂର୍ବତନ ପ୍ରଧାନମନ୍ତ୍ରୀଙ୍କ ସଂପର୍କରେ ତଥ୍ୟ ଉପସ୍ଥାପିତ କରାଯାଇଛି।
ସ୍ବାଧୀନତା ପରବର୍ତ୍ତୀ ଭାରତର ପ୍ରଧାନମନ୍ତ୍ରୀଙ୍କ ଜୀବନ ଏବଂ ଅବଦାନ ସଂପର୍କରେ ବର୍ଣ୍ଣନା କରାଯାଇଛି। ସଂଗ୍ରହାଳୟର ଲୋଗୋ ଧର୍ମ ଏବଂ ଚକ୍ରକୁ ଧରିଥିବା ଭାରତର ଲୋକଙ୍କ ହାତକୁ ପ୍ରତିପାଦିତ କରିଛି, ଯାହା ଜାତି ଏବଂ ଗଣତନ୍ତ୍ରର ପ୍ରତୀକ ଅଟେ।
ସଂଗ୍ରହାଳୟ ବିଷୟବସ୍ତୁକୁ ଏକ ଇଣ୍ଟରାକ୍ଟିଭ୍ ଏବଂ ଲାଇଭ ଭାବେ ଉପସ୍ଥାପନ କରିବାକୁ ଟେକ୍ନୋଲୋଜି-ଆଧାରିତ ଇଣ୍ଟରଫେସଗୁଡ଼ିକୁ ସଂଯୋଗ କରାଯାଇଛି। ପ୍ରଧାନମନ୍ତ୍ରୀଙ୍କ ସଂଗ୍ରହାଳୟରେ ଅଭିଲେଖାଗାର ସାମଗ୍ରୀ, ବ୍ୟକ୍ତିଗତ ସାମଗ୍ରୀ, ସ୍ମାରକପତ୍ର, ପ୍ରଧାନମନ୍ତ୍ରୀଙ୍କ ବକ୍ତବ୍ୟ, ଏବଂ ପ୍ରଧାନମନ୍ତ୍ରୀଙ୍କ ଜୀବନର ବିଭିନ୍ନ ଦିଗ ଏବଂ ଆଦର୍ଶର ଉପାଦେୟ ଉପସ୍ଥାପନା କରାଯାଇଛି।
ଏ ସବୁ ଥିମେଟିକ୍ ଫର୍ମାଟରେ ପ୍ରତିଫଳିତ ହୋଇଛି। ସଂଗ୍ରହାଳୟରେ ସମୁଦାୟ 43 ଟି ଗ୍ୟାଲେରୀ ଅଛି | ସ୍ୱାଧୀନତା ସଂଗ୍ରାମର ପ୍ରଦର୍ଶନୀଠାରୁ ଆରମ୍ଭ କରି ସମ୍ବିଧାନର ଗଠନ, ସଂଗ୍ରହାଳୟରେ ଆମର ପ୍ରଧାନମନ୍ତ୍ରୀମାନେ ବିଭିନ୍ନ ଆହ୍ବାନ ଦେଇ ଦେଶକୁ କିପରି ଆଗେଇ ନେଇଥିଲେ ତାହାର କାହାଣୀ ବର୍ଣ୍ଣନା କରାଯାଇଛି । ଏହି ଗ୍ୟାଲେରୀ ପରିଦର୍ଶନ ପାଇଁ ଟିକେଟ ମୂଲ୍ୟ ଏକଶହ ଟଙ୍କା ରଖାଯାଇଛି।
ନୂଆଦିଲ୍ଲୀ: ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏପ୍ରିଲ ୧୪ ତାରିଖ ପୂର୍ବାହ୍ନ ପ୍ରାୟ ୧୧ ଟା ସମୟରେ ପ୍ରଧାନମନ୍ତ୍ରୀ ସଂଗ୍ରହାଳୟର ଉଦଘାଟନ କରିବେ। ଆଜାଦୀ କା ଅମୃତ ମହୋତ୍ସବ ଉତ୍ସବ ଅବସରରେ ଉଦଘାଟିତ ହେବାକୁ ଯାଉଥିବା ସଂଗ୍ରହାଳୟ ଏହାର ପ୍ରଧାନମନ୍ତ୍ରୀଙ୍କ ଜୀବନ ଏବଂ ଅବଦାନ ମାଧ୍ୟମରେ ସ୍ୱାଧୀନତା ପରେ ଭାରତର କାହାଣୀ ବର୍ଣ୍ଣନା ରହିଛି ।
ରାଷ୍ଟ୍ର ର୍ନିମାଣରେ ଭାରତର ସମସ୍ତ ପ୍ରଧାନମନ୍ତ୍ରୀଙ୍କ ଅବଦାନକୁ ସମ୍ମାନିତ କରିବା ପାଇଁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଦର୍ଶନକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ସଂଗ୍ରହାଳୟ ସ୍ୱାଧୀନତା ପରଠାରୁ ଭାରତର ପ୍ରତ୍ୟେକ ପ୍ରଧାନମନ୍ତ୍ରୀଙ୍କ ପାଇଁ ସେମାନଙ୍କର ଆଦର୍ଶ କିମ୍ବା କାର୍ଯ୍ୟକାଳ ର୍ନିବିଶେଷରେ ଏକ ଶ୍ରଦ୍ଧାଞ୍ଜଳି । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏହା ଏକ ଉଦ୍ୟମ, ଯାହା ଆମର ସମସ୍ତ ପ୍ରଧାନମନ୍ତ୍ରୀଙ୍କ ନେତୃତ୍ୱ, ଦୂରଦୃଷ୍ଟି ଏବଂ ସଫଳତା ବିଷୟରେ ଯୁବ ପୀଢିକୁ ସଚେତନ ତଥା ପ୍ରେରଣା ଯୋଗାଇବ ।
ପୁରାତନ ଏବଂ ନୂତନର ଏକ ସମିଶ୍ରଣକୁ ପ୍ରତିନିଧିତ୍ୱ କରି ସଂଗ୍ରହାଳୟର ବ୍ଲକ୍-୨ ଭାବରେ ର୍ନିମିତ ନୂତନ ସୌଧ ସହିତ ବ୍ଲକ୍-୧ ଭାବରେ ନାମିତ ତ୍ରିମୂର୍ତ୍ତି ଭବନକୁ ଏକତ୍ରିତ କରେ । ଦୁଇଟି ବ୍ଲକର ସମୁଦାୟ କ୍ଷେତ୍ରଫଳ ୧୫,୬୦୦ ବର୍ଗ ମିଟରରୁ ଅଧିକ ।
ସଂଗ୍ରହାଳୟ ସୌଧର ଡିଜାଇନ୍ ଭାରତର ଉତ୍ଥାନର କାହାଣୀ ଦ୍ୱାରା ଅନୁପ୍ରାଣିତ ହୋଇଛି, ଏହାର ନେତୃବୃନ୍ଦଙ୍କ ଦ୍ୱାରା ଆକୃତିର ଡିଜାଇନ୍ ସ୍ଥାୟୀ ଏବଂ ଶକ୍ତି ସଂରକ୍ଷଣ ଅଭ୍ୟାସକୁ ଅନ୍ତର୍ଭୁକ୍ତ କରେ । ପ୍ରକଳ୍ପର କାର୍ଯ୍ୟ ସମୟରେ କୌଣସି ଗଛ କଟାଯାଇ ନାହିଁ କିମ୍ବା ପ୍ରତିରୋପଣ କରାଯାଇ ନାହିଁ । ସଂଗ୍ରହାଳୟର ଲୋଗୋ ଧର୍ମଚକ୍ର ଦେଶ ତଥା ଗଣତନ୍ତ୍ରର ପ୍ରତୀକ ଥିବା ଭାରତୀୟ ଜନତାଙ୍କୁ ପ୍ରତିନିଧିତ୍ୱ କରେ ।
ସଂଗ୍ରହାଳୟ ପାଇଁ ସୂଚନା ପ୍ରସାର ଭାରତୀ, ଦୂରଦର୍ଶନ, ଫିଲ୍ମ ଡିଭିଜନ, ସଂସଦ ଟିଭି, ପ୍ରତିରକ୍ଷା ମନ୍ତ୍ରଣାଳୟ, ମିଡିଆ ହାଉସ୍ (ଭାରତୀୟ ଏବଂ ବିଦେଶୀ), ବୈଦେଶିକ ସମ୍ବାଦ ସରବରାହ ଇତ୍ୟାଦି ସଂସ୍ଥାଗୁଡ଼ିକ ସହିତ ଉତ୍ସ / ସଂଗ୍ରହାଳୟ ମାଧ୍ୟମରେ ତଥ୍ୟ ସଂଗ୍ରହ କରାଯାଇଥିଲା । ଅଭିଲେଖାଗାରକୁ ବ୍ୟବହାର କରି (ଅନ୍ୟାନ୍ୟ ସାହିତ୍ୟିକ କାର୍ୟ୍ୟ, ଗୁରୁତ୍ୱପୂର୍ଣ୍ଣ ଚିଠିପତ୍ର), କିଛି ବ୍ୟକ୍ତିଗତ ବସ୍ତୁ, ଉପହାର ଏବଂ ସ୍ମାରକପତ୍ର (ସମାରୋହ, ସମ୍ମାନ, ପଦକ ପ୍ରଦାନ, ସ୍ମରଣୀୟ ଷ୍ଟାମ୍ପ, ମୁଦ୍ରା ଇତ୍ୟାଦି), ପ୍ରଧାନମନ୍ତ୍ରୀଙ୍କ ବକ୍ତବ୍ୟ ଏବଂ ଆଦର୍ଶର ଉପନ୍ୟାସ ଏବଂ ପ୍ରଧାନମନ୍ତ୍ରୀଙ୍କ ଜୀବନର ବିଭିନ୍ନ ଦିଗ ଏକ ଭାବଗତ ଫର୍ମାଟରେ ପ୍ରତିଫଳିତ ହୋଇଛି ।
ସଂଗ୍ରହାଳୟ ସାମଗ୍ରୀରେ ବିବିଧତା ଏବଂ ପ୍ରଦର୍ଶନକୁ ବାରମ୍ବାର ବଦଳାଇବା ପାଇଁ ଅତ୍ୟାଧୁନିକ ଜ୍ଞାନକୌଶଳ-ଆଧାରିତ ବ୍ୟବସ୍ଥା ହୋଇଛି । ହୋଲୋଗ୍ରାମ୍, ଭର୍ଚୁଆଲ୍ ରିଅଲିଟି, ଅଗମେଣ୍ଟେଡ୍ ରିଅଲିଟି, ମଲ୍ଟି-ଟଚ୍, ମଲ୍ଟିମିଡିଆ, ଇଣ୍ଟରଆକ୍ସିଭ କିଓସ୍କ, କମ୍ପ୍ୟୁଟରାଇଜଡ୍ ଗତିଜ ମୂର୍ତ୍ତି, ସ୍ମାର୍ଟଫୋନ୍ ଆପ୍ଲିକେସନ୍, ଇଣ୍ଟରଆକ୍ଟିଭ୍ ସ୍କ୍ରିନ୍, ଅଭିଜ୍ଞତା ସ୍ଥାପନ ଇତ୍ୟାଦି ପ୍ରଦର୍ଶନୀ ବିଷୟବସ୍ତୁକୁ ଅତ୍ୟନ୍ତ ଆକର୍ଷଣୀୟ ହେବାକୁ ସକ୍ଷମ କରିଥାଏ ।
ସଂଗ୍ରହାଳୟରେ ସମୁଦାୟ ୪୩ ଗ୍ୟାଲେରୀ ଅଛି । ସ୍ୱାଧୀନତା ସଂଗ୍ରାମର ପ୍ରଦର୍ଶନ ଏବଂ ସମ୍ବିଧାନ ପ୍ରସ୍ତୁତ ହେବା ଠାରୁ ଆରମ୍ଭ କରି ସଂଗ୍ରହାଳୟ ଆମର ପ୍ରଧାନମନ୍ତ୍ରୀମାନେ ବିଭିନ୍ନ ଆହ୍ୱାନ ମାଧ୍ୟମରେ ଦେଶକୁ କିପରି ଆଗକୁ ନେଇଥିଲେ ଏବଂ ଦେଶର ସର୍ବାଙ୍ଗୀନ ପ୍ରଗତି ସୁନିଶ୍ଚିତ କରିଥିଲେ ତାହାର କାହାଣୀ କହିବାକୁ ଯାଉଛି ।