ନୂଆଦିଲ୍ଲୀ: ଚଳିତ ଆଇପିଏଲର ପ୍ଲେ ଅଫ୍ କାର୍ଯ୍ୟସୂଚୀ ଘୋଷଣା କରାଯାଇଛି। ଗତକାଲି ବିସିସିଆଇ ପକ୍ଷରୁ ଏହି ଟୁର୍ଣ୍ଣାମେଣ୍ଟର ପ୍ଲେ ଅଫ୍ କାର୍ଯ୍ୟସୂଚୀ ଘୋଷଣା କରାଯାଇଛି। ତେବେ କାର୍ଯ୍ୟସୂଚୀ ଅନୁଯାୟୀ ନଭେମ୍ବର ପାଞ୍ଚ ତାରିଖରେ ପ୍ରଥମ ଯୋଗ୍ୟତା ମ୍ୟାଚ ଶ୍ରେଷ୍ଠ ଦୁଇଟି ଟିମ୍ ମଧ୍ୟରେ ଖେଳାଯିବ। ନଭେମ୍ବର ୬ ରେ, ଆବୁଧାବିରେ ତୃତୀୟ ଏବଂ ଚତୁର୍ଥ ଦଳ ମଧ୍ୟରେ ଏକ ଏଲିମେଟର ମ୍ୟାଚ୍ ହେବାକୁ ଥିବାବେଳେ ନଭେମ୍ବର ୮ ରେ ଆବୁଧାବିରେ ଯୋଗ୍ୟତା ପର୍ଯ୍ୟାୟ ପରାଜିତ ଦଳ ପ୍ରଥମ ଏଲିମେନେଟରରେ ବିଜେତା ଦଳ ମଧ୍ୟରେ ମ୍ୟାଚ୍ ହେବ। ୧୦ ନଭେମ୍ବରରେ ଦୁବାଇରେ କ୍ୱାଲିଫାୟର ୱାନ ଏବଂ କ୍ୱାଲିଫାୟର ଦୁଇ ବିଜେତା ଦଳ ମଧ୍ୟରେ ଆଇପିଏଲ ଫାଇନାଲ ଖେଳାଯିବ।
