ନିରାକାରପୁର: ଘରୋଇ ଫାଇନାନ୍ସ କମ୍ପାନୀର ମହିଳା କର୍ମଚାରୀଙ୍କ ଠାରୁ ଗାଡି ଓ ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି। ଖୋର୍ଦ୍ଧା ଜିଲ୍ଲା ନିରାକାରପୁର ଥାନା ଖଜୁରୀପଡା ବଡପୋଖରିଆ ରାସ୍ତାରେ ଏଭଳି ଏକ ଘଟଣା ସାମ୍ନାକୁ ଆସିଛି।
ଅଭିଯୋଗ ମୁତାବକ ଆଜି ସନ୍ଧ୍ୟାରେ ଏକ ଘରୋଇ ଫାଇନାନ୍ସ କମ୍ପାନୀର ଦୁଇ ଜଣ ମହିଳା କର୍ମଚାରୀ ୩ ଟି ମହିଳା ଗ୍ରୃପରୁ ଟଙ୍କା ଆଦାୟ କରି ଏକ ସ୍କୁଟି ଦ୍ୱାରା ଫେରୁଥିବା ବେଳେ ଖଜୁରୀପଡା ବଡପୋଖରୀଆ ରାସ୍ତାରେ ଦୁଇଜଣ ଯୁବକ ଏକ ମୋଟର ସାଇକେଲରେ ଆସି କର୍ମଚାରୀଙ୍କୁ ମାରଣାସ୍ତ୍ର ଦେଖାଇ ସ୍କୁଟି ସହିତ କଲେକ୍ସନ ହୋଇଥିବା ପାଖାପାଖି ୫୭ ହଜାର ଟଙ୍କା ଲୁଟି ନେଇଛନ୍ତି।
ଏ ନେଇ ମହିଳା କର୍ମଚାରୀ ମାନେ ନିରକାରପୁର ଥାନାରେ ଏକ ଲିଖିତ ଅଭିଯୋଗ କରିଛନ୍ତି। ଅଭିଯୋଗକୁ ଗୁରୁତର ସହ ନେଇ ନିରାକାରପୁର ଆଇଆଇସି ଗୀତାଞ୍ଜଳି ନାୟକ ସଙ୍ଗେ ସଙ୍ଗେ ତଦନ୍ତ ଆରମ୍ଭ କରିଦେଇଛନ୍ତି। ତେବେ ସ୍କୁଟି ଟିକୁ ରାମେଶ୍ୱର ଜଙ୍ଗଲ ନିକଟରୁ ପୋଲିସ ଉଦ୍ଧାର କରିଛି। ଏବଂ ସେହି ସ୍କୁଟିର ଡିକି ଭାଙ୍ଗି ଲୁଟେରା ଟଙ୍କା ଲୁଟିନେଇଛନ୍ତି। ଅଦ୍ୟାବଧି ଘଟଣାର ଛାନ ଭିନ ନିରାକାରପୁର ପୋଲିସ ଜାରି ରଖିଛି।