ଭୁବନେଶ୍ବର: ଭାରତୀୟ ବାୟୁ ସେନା ତରଫରୁ ଭୁବନେଶ୍ବର ଏବଂ ପୁରୀରେ ହେବ ଏୟାର ସୋ। ଏଥିପାଇଁ ଆରମ୍ଭ ହୋଇଛି ପ୍ରସ୍ତୁତି। ଆଜି ଭୁବନେଶ୍ବର ବିମାନ ବନ୍ଦରରେ ଏନ-୩୨ ବିମାନ ପହଁଚି ସାରିଛି। ଆସନ୍ତାକାଲି ଆଉ ସମସ୍ତ ବିମାନ ଆସି ପହଞ୍ଚିବ।
ଏଥିସହିତ ଏହି ବିପଦ ପୂର୍ଣ୍ଣ କାର୍ଯ୍ୟ ପାଇଁ ଯାହା ଯନ୍ତ୍ରାଂଶର ଆବଶ୍ୟକତା ରହିଛି ତାହା ମଧ୍ୟ ଆସି ସାରିଛି। ଆଜଦୀ କା ଅମୃତ ମହୋତ୍ସବ ପାଇଁ ଭାରତୀୟ ବାୟୁ ସେନା ତରଫରୁ ଏହି କାର୍ଯ୍ୟକ୍ରମ କରାଯିବ।
ଆସନ୍ତା ୧୬ ତାରିଖରେ ଭୁବନେଶ୍ବରରେ ଏୟାର ସୋ ହେବ। ସେଥିପାଇଁ ୧୫ ତାରିଖରେ ଫୁଲ ଡ୍ରେସ ରିହରସଲ ହେବ। ସେହିପରି ୧୭ ତାରିଖ ପୁରୀରେ ଫୁଲ ଡ୍ରେସ ରିହରସଲ ହେବା ପରେ ୧୮ ତାରିଖରେ ପୁରୀ ରାଜଭବନ ଉପରେ ସୋ କରାଯିବ।
