Tag: ବଲିଉଡ ତାରକା

ନୂଆଦିଲ୍ଲୀ: କରୋନାରେ ଅନେକ ବଲିଉଡ ତାରକା ସଂକ୍ରମଣ ହୋଇସାରିଛନ୍ତି। ଏବେ ଅଭିନେତ୍ରୀ କଙ୍ଗନା ରଣାୱାତ ମଧ୍ୟ ସଂକ୍ରମଣ ହୋଇଛନ୍ତି। ଇନଷ୍ଟାଗ୍ରାମରେ ପୋସ୍ତ କରି କଙ୍ଗନା ଏହା ସୂଚନା ଦେଇଛନ୍ତି। ନିଜର ଟେଷ୍ଟ ରିପୋର୍ଟ ଇନଷ୍ଟାଗ୍ରାମରେ ସାର୍ବଜନୀନ କରି ପଜିଟିଭ ହୋଇଛନ୍ତି ବୋଲି କଙ୍ଗନା କହିଛନ୍ତି। ଏହାସହିତ ନିଜର ବର୍ତ୍ତମାନ ସ୍ଥିତି ମଧ୍ୟ ସେୟାର କରିଛନ୍ତି।

ଧ୍ୟାନରେ ବସିଥିବା ଏକ ଫଟୋ ଅପଲୋଡ କରି ପଜିଟିଭ ହୋଇଥିବା ଖବର କଙ୍ଗନା ସାମାଜିକ ଗଣମାଧ୍ୟମରେ ସୂଚନା ଦେଇଛନ୍ତି। ତାଙ୍କୁ କିଛି ଦିନ ହେଲା ଦୁର୍ବଳତା ଅନୁଭବ ହେବା ସହ ଆଖି ସାମାନ୍ୟ ପୋଡୁଥିଲା। ତେଣୁ ସେ ଟେଷ୍ଟ କରିବା ପରେ ତାଙ୍କ ରିପୋର୍ଟ ପଜିଟିଭ ଆସିଛି। ବର୍ତ୍ତମାନ ସେ କ୍ଵାରେଣ୍ଟିନରେ ଅଛନ୍ତି। ଖୁବ ଶୀଘ୍ର ଏହି ଭୂତାଣୁକୁ ମୁଁ ଶେଷ କରିଦେବି ବୋଲି କଙ୍ଗନା ଇନଷ୍ଟାଗ୍ରାମରେ ଲେଖିଛନ୍ତି।