ନୂଆଦିଲ୍ଲୀ: ଜେଏନୟୁରେ ଏବିଭିପି ଏବଂ ବାମ ଛାତ୍ରଙ୍କ ମଧ୍ୟରେ ଝଗଡା ହେବାର ଖବର ପୁଣି ଥରେ ସାମ୍ନାକୁ ଆସିଛି। ଏହି ଘଟଣାରେ ଉଭୟ ପାର୍ଶ୍ୱରୁ ଅନେକ ଛାତ୍ର ଆହତ ହୋଇଛନ୍ତି। ଏହି ଆକ୍ରମଣ କାହିଁକି ଘଟିଲା ସେ ସମ୍ପର୍କରେ ଏପର୍ଯ୍ୟନ୍ତ କୌଣସି ସୂଚନା ପ୍ରକାଶ ପାଇନାହିଁ। ଜେଏନୟୁ ଷ୍ଟୁଡେଣ୍ଟସ୍ ୟୁନିଅନର ସଭାପତି ତଥା ଷ୍ଟୁଡେଣ୍ଟସ୍ ଫେଡେରେସନ୍ ଅଫ୍ ଇଣ୍ଡିଆର ନେତା ଆଇଶି ଘୋଷ ଏହି ଆକ୍ରମଣ ସମ୍ପର୍କରେ ଟ୍ୱିଟରରେ ସୂଚନା ଦେଇଛନ୍ତି। ଉଭୟ ସଂଗଠନ ପରସ୍ପର ବିରୋଧରେ ଅଭିଯୋଗ ଆଣିଛନ୍ତି। ଏହି ଘଟଣା ପାଇଁ ଆଇଶି ଘୋଷ ଏବିଭିପିଙ୍କୁ ଦାୟୀ କରିଛନ୍ତି। ସେହିଭଳି ଏବିଭିପି ମଧ୍ୟ ବାମ ଛାତ୍ରଙ୍କ ମଧ୍ୟରେ ସମାନ ଆରୋପ ଲଗାଇଛି। ଏବିଭିପିର ଅଭିଯୋଗ ଅନୁଯାୟୀ, ଜେଏନୟୁର କାର୍ଯ୍ୟକଳାପ କକ୍ଷରେ ସେମାନଙ୍କର ସଭା ଚାଲିଥିଲା। ଏଥି ସହିତ ରବିବାର ରାତି ପ୍ରାୟ ୯.୪୫ ସମୟରେ ବାମପନ୍ଥୀମାନେ ସେଠାରେ ପହଞ୍ଚି ମାଡ ମାରିବା ଆରମ୍ଭ କରିଥିଲେ।
ଏହି ଘଟଣା ସମ୍ପର୍କରେ ଦିଲ୍ଲୀର ବସନ୍ତ କୁଞ୍ଜ ପୋଲିସ ଷ୍ଟେସନରେ ଏବିଭିପି ପକ୍ଷରୁ ଅଭିଯୋଗ କରାଯାଇଛି। ଘଟଣା ସମ୍ପର୍କରେ ପୋଲିସ କହିଛି ଯେ, ଘଟଣାର ତଦନ୍ତ କରାଯାଉଛି। ତଥାପି, ବର୍ତ୍ତମାନ ପର୍ଯ୍ୟନ୍ତ ଏହି ମାମଲାରେ କୌଣସି ଏତଲା ପଞ୍ଜିକୃତ ହୋଇନାହିଁ।
ଆକ୍ରମଣ ଘଟଣା ପରେ ଷ୍ଟୁଡେଣ୍ଟସ୍ ଫେଡେରେସନ୍ ଅଫ୍ ଇଣ୍ଡିଆର ନେତା ତଥା ଜେଏନୟୁ ଷ୍ଟୁଡେଣ୍ଟସ୍ ୟୁନିଅନର ସଭାପତି ଆଇଶି ଘୋଷ ଟ୍ୱିଟରରେ ଲେଖିଛନ୍ତି ଯେ, ଏବିଭିପି ଗୁଣ୍ଡମାନେ ଆଜି ଜେଏନୟୁରେ ହିଂସା କରିଥିଲେ। ଏହି ଅପରାଧୀମାନେ ଛାତ୍ରମାନଙ୍କୁ ମାଡ ମାରିବା ସହ କ୍ୟାମ୍ପସରେ ଗଣତନ୍ତ୍ରକୁ ବ୍ୟାହତ କରିଥିଲେ। ଜେଏନୟୁ ପ୍ରଶାସନ କଣ ଏପର୍ଯ୍ୟନ୍ତ ଚୁପ୍ ରହିବ? ସେମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ନାହିଁ? ‘ ଟୁଇଟରରେ ଆକ୍ରମଣରେ ଆହତ ହୋଇଥିବା ଛାତ୍ରମାନଙ୍କ ଚିତ୍ର ମଧ୍ୟ ଆଇଶି ଘୋଷ ସେୟାର କରିଛନ୍ତି। କିଛି ଛାତ୍ର ଏହି ଛବିଗୁଡ଼ିକରେ ନଜର ଆସିଛନ୍ତି ଯେଉଁମାନେ ଆଘାତ ପାଇଛନ୍ତି |