Tag: ବାରବାଟୀ ଷ୍ଟାଡିୟମ

କଟକ: ଭାରତ ଏବଂ ଦକ୍ଷିଣ ଆଫ୍ରିକା ଦଳ ପାଞ୍ଚ ମ୍ୟାଚ୍ ବିଶିଷ୍ଟ ଟି-ଟ୍ୱେଣ୍ଟି ସିରିଜର ଦ୍ୱିତୀୟ ମ୍ୟାଚ୍ ପାଇଁ ପ୍ରସ୍ତୁତ। ଏହି ମ୍ୟାଚ୍ ଆଜି ସନ୍ଧ୍ୟା ୭ ଟାରୁ କଟକସ୍ଥିତ ବାରବାଟୀ ଷ୍ଟାଡିୟମରେ ଆରମ୍ଭ ହେବ। ଏପର୍ଯ୍ୟନ୍ତ ଏହି ଷ୍ଟାଡିୟମରେ ଦୁଇଟି ଟି-ଟ୍ୱେଣ୍ଟି ମ୍ୟାଚ୍ ଅନୁଷ୍ଠିତ ହୋଇଯାଇଛି ଯେଉଁଥିରେ ବୋଲରମାନଙ୍କୁ ସାହାଯ୍ୟ ମିଳିଥିବାର ଦେଖାଯାଇଛି। ଟିମ୍ ଇଣ୍ଡିଆ ଏହାର ଦୁଇଟି ମ୍ୟାଚ୍ ମଧ୍ୟରୁ ଗୋଟିଏରେ ଜିତି ଗୋଟିଏ ମ୍ୟାଚରେ ହାରିଛି।

ପିଚ୍ ରିପୋର୍ଟ: ବୋଲରମାନେ ଏହି ପିଚ୍ ରେ ସାହାଯ୍ୟ ପାଇପାରିବେ। ଦ୍ରୁତ ବୋଲରମାନେ ଏଠାରେ ବାଉନ୍ସ ପାଇବେ, ସ୍ପିନରମାନେ ମଧ୍ୟ ଏଠାରେ ସାହାଯ୍ୟ ପାଇବେ। ଏଠାରେ ଭାରତର ଶେଷ ଟି-ଟ୍ୱେଣ୍ଟି ମ୍ୟାଚରେ ୟୁଜଭେନ୍ଦ୍ର ଚହଲ ୪ ଟି ୱିକେଟ୍ ନେଇଥିଲେ। ମୋଟ ଉପରେ, ବ୍ୟାଟ୍ସମ୍ୟାନମାନଙ୍କ ପାଇଁ ପରୀକ୍ଷା ଦେବାକୁ ପଡିବ।

ଟସ୍‌ର ଭୂମିକା: ଏପର୍ଯ୍ୟନ୍ତ କେବଳ ଦୁଇଟି ଟି-ଟ୍ୱେଣ୍ଟି ଖେଳାଯାଇଛି, ଥରେ ପ୍ରଥମେ ବ୍ୟାଟିଂ କରିଥିବା ଦଳ ଜିତିଥିବା ବେଳେ ଦ୍ଵିତୀୟ ମ୍ୟାଚରେ ପଛରେ ବ୍ୟାଟିଂ କରିଥିବା ଦଳ ଜିଟିଛି। ଏଭଳି ପରିସ୍ଥିତିରେ ଟସ୍ ର ଭୂମିକା ବର୍ତ୍ତମାନ ସମୟରେ ଗୁରୁତ୍ବପୂର୍ଣ୍ଣା ଦେଖାଯାଉ ନାହିଁ।

ବାରବାଟିରେ ଟି-ଟ୍ୱେଣ୍ଟି ଆନ୍ତର୍ଜାତୀୟ ମ୍ୟାଚ୍ ର ରେକର୍ଡ:

ସର୍ବାଧିକ ସ୍କୋର: ଭାରତ (୧୮୦/୩)
ସର୍ବନିମ୍ନ ସ୍କୋର: ଶ୍ରୀଲଙ୍କା (୮୭/୧୦)
ସର୍ବାଧିକ ରନ୍: କେ.ଏଲ୍ ରାହୁଲ (୬୧)
ସର୍ବାଧିକ ୱିକେଟ୍: ୟୁଜଭେନ୍ଦ୍ର ଚହଲ (୪)
ସର୍ବାଧିକ ଷ୍ଟ୍ରାଇକ୍ ରେଟ: ମନୀଷ ପାଣ୍ଡେ (୧୭୭)
ଶ୍ରେଷ୍ଠ ବୋଲିଂ ହାରାହାରି: ଏଲବି ମର୍କେଲ (୪)
ସର୍ବୋତ୍ତମ ଏକୋନୋମି: ଏଲବି ମର୍କେଲ (୩)

ଉଭୟ ଦଳର ସମ୍ଭାବ୍ୟ ଖେଳିବା ଏକାଦଶ: ଉଭୟ ଦଳର ଖେଳୁଥିବା ଏକାଦଶରେ ପରିବର୍ତ୍ତନ ହେବାର କମ୍ ସମ୍ଭାବନା ଅଛି। ଏଭଳି ପରିସ୍ଥିତିରେ, ଉଭୟ ଦଳ ସେମାନଙ୍କର ଶେଷ ମ୍ୟାଚର ଖେଳିଥିବା ଖେଳାଳି ସହିତ ପଡ଼ିଆରେ ପ୍ରବେଶ କରିପାରନ୍ତି।

ଟିମ୍ ଇଣ୍ଡିଆ: ଋଷଭ ପନ୍ତ (କ୍ୟାପଟେନ), ଋତୁରାଜ ଗାଏକ୍ଵାଡ, ଇଶାନ କିଶନ, ଶ୍ରେୟାସ ଆୟର, ଦୀନେଶ କାର୍ତ୍ତିକ, ହାର୍ଦ୍ଦିକ ପାଣ୍ଡ୍ୟା, ୟୁଜବେନ୍ଦ୍ର ଚହଲ, ଅକ୍ସାର ପଟେଲ, ଭୂବନେଶ୍ୱର କୁମାର, ହର୍ଷଲ ପଟେଲ, ଆଭେଶ ଖାନ।

ଦକ୍ଷିଣ ଆଫ୍ରିକା: ଡେଭିଡ ମିଲର, ରାସି ଭାନ ଡେର୍ ଡୁସେନ୍, ଟେମ୍ବା ବାଭୁମା (କ୍ୟାପଟେନ), ଟ୍ରାଇଷ୍ଟାନ୍ ଷ୍ଟବ୍ସ୍, ଡୱେନ ପ୍ରିଟୋରିୟସ୍, କ୍ୱିଣ୍ଟନ୍ ଡି କକ୍, ଏନ୍ରିକ୍ ନର୍ସିଆ, କାଗିସୋ ରାବାଡା, କେଶଭ ମହାରାଜ, ତାବାରିଜ ଶାମସି, ୱେନ ପାର୍ନେଲ