ପୁରୀ: ଆଜି ହେଉଛି ନୂଆବର୍ଷ। 2021 ଶେଷ ହେଲା ଆରମ୍ଭ ହେଲା 2022। ଏହି ସମୟରେ ବିଭିନ୍ନ ସ୍ଥାନରେ ଚାଲିଛି ଉତ୍ସବ ଆଉ ଶୁଭେଚ୍ଛା ପ୍ରେରଣ। ଏହି ଉପଲକ୍ଷେ ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ପର୍ଯ୍ୟଟକଙ୍କୁ ଜଣାଇଛନ୍ତି ଅଭିନନ୍ଦନ। ସୁଦର୍ଶନ ବେଳାଭୂମିରେ ନିର୍ମାଣ କରିଛନ୍ତି ଏକ ବିରାଟ ବାଲୁକା କଳା। ଯାହାକୁ ଦେଖି ନୂଆବର୍ଷରେ ପର୍ଯ୍ୟଟକମାନେ ବେଶ ଆନନ୍ଦିତ ହେବାରେ ଲାଗିଛନ୍ତି।
ପ୍ରତିବର୍ଷ ନୂଆବର୍ଷକୁ କିଛି ଭିନ୍ନ ଭିନ୍ନ ବାଲୁକାକଳା କରି ପର୍ଯ୍ୟଟକଙ୍କୁ ଅଭିନନ୍ଦନ ଜଣାଇଥାନ୍ତି ସୁଦର୍ଶନ। ଏଥରେ ସେ ପରିବେଷକୁ ତାଙ୍କର ଥିମ ଭାବେ ଗ୍ରହଣ କରିଛନ୍ତି। ସେଥିପାଇଁ ତାଙ୍କ ବାଲୁକକଳା ସବୁଜମୟ ହୋଇ ଉଠିଛି। ବାଲୁକାକଳାର ଦୁଇପଟେ ଦୁଇଟି ହାତୀ ରହିଥିବା ବେଳେ ପଛରେ ରହିଛି ଜଙ୍ଗଲ। ତାହାରି ଭିତରେ ଲେଖାଯାଇଛି 2022 ହାପି ନ୍ୟୁ ଇୟର।