The Samikhsya Odia
ବାଣପୁର: ଆଜି ଖୋର୍ଦ୍ଧା ଜିଲ୍ଲା ଅବକାରୀ ଅଧିକ୍ଷକ ସୁମତି ତ୍ରିପାଠୀଙ୍କ ନିର୍ଦ୍ଦେଶକ୍ରମେ ଟାଙ୍ଗୀ ରେଞ୍ଜ ଅବକାରୀ ନିରୀକ୍ଷକ ରାଧାକାନ୍ତ ଭୋଇଙ୍କ ତତ୍ୱାବଧାନରେ ବାଲୁଗାଁ ଅବକାରୀ ଅଧିକାରୀ ସୁଜିତ କୁମାର ମୁଦୁଲିଙ୍କ ନେତୃତ୍ୱରେ ବିଭିନ୍ନ ସ୍ଥାନରେ ପେଟ୍ରୋଲିଂ ଜାରି ରହିଥିବା ବେଳେ ବାଣପୁର ଥାନା ଅନ୍ତର୍ଗତ ରତନପୁର ଗ୍ରାମର ଅଭିଯୁକ୍ତ ଜିତେନ୍ଦ୍ର ବେହେରା (୨୩) ଗିରଫ ହୋଇଛନ୍ତି। ତାଙ୍କ ନିକଟରୁ ୧୦୦ ଲିଟର ଦେଶୀ ମଦ ଜବତ ହୋଇଛି।
ଏହି ପରିପ୍ରେକ୍ଷୀରେ ଅଭିଯୁକ୍ତଙ୍କ ବାଇକ, ଟଙ୍କା ଓ ମୋବାଇଲ ମଧ୍ୟ ଜବତ ହୋଇଛି। ଅବକାରୀ ବିଭାଗ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ କୋର୍ଟଚାଲାଣ କରିଛି।
ବାଣପୁର: ବାଲୁଗାଁ ଅବକାରୀ ଅଧିକାରୀଙ୍କ ଏକ ଟିମ ବାଣପୁର ଅଂଚଳରେ ଚଢ଼ାଉ କରି ଭୀମପୁର ଗ୍ରାମର ପ୍ରଶାନ୍ତ ସେନାପତିଙ୍କ ଠାରୁ ଏକ ସ୍କୁଟିସହ ୨୨୮୦୦ଟଙ୍କା ଏବଂ ୫୨୦ଲିଟର ଦେଶୀ ମଦ ଜବତ କରିଛି। ଅନୁରୂପ ଭାବେ ବଡହନ୍ତୁଆଡ଼ ଗ୍ରାମର ଅଭିମନ୍ୟୁ ପ୍ରଧାନଙ୍କ ଠାରୁ ଏକ ସ୍କୁଟି ଏବଂ ଦେଶୀ ମହୁଲ ଜବତ କରିଛନ୍ତି। ଉଭୟ ଅଭିଯୁକ୍ତଙ୍କୁ ବାଣପୁର କୋର୍ଟରେ ହଜାର କରାଯାଇଥିବା ବେଳେ କୋର୍ଟ ସେମାନଙ୍କୁ ଜେଲକୁ ପଠାଇ ଦେଇଛନ୍ତି।
ପ୍ରକାଶ ଥାଉକି ବାଣପୁର ଅଂଚଳରେ ଦେଶୀ ମଦ କାରବାର ଦିନକୁ ଦିନ ବଢିଚାଲିଛି। ଅବକାରୀ ସୁମିତ ତ୍ରିପାଠୀଙ୍କ ନିର୍ଦ୍ଦେଶ ମୁତାବକ ମଦ ବେପାରୀ ମାନଙ୍କ ଉପରେ ଜୋରଦାର ଚଢ଼ାଉ ନିର୍ଦ୍ଦେଶ ଥିବାବେଳେ ବାଲୁଗାଁ ଅବକାରୀ ବିଭାଗ ତରଫରୁ ତପ୍ତରତା ପ୍ରକାଶ ପାଇଛି।
ବାରମ୍ବାର ମଦ ଜବତ ହେଲେ ମଧ୍ୟ ଅଭିଯୁକ୍ତ ମାନଙ୍କ ଉପରେ କୌଣସି ପ୍ରଭାବ ପରିଲକ୍ଷିତ ହେଉନାହିଁ। ଅବକାରୀ ବିଭାଗ କେବଳ ଲୋକଦେଖାଣିଆ ଚଢ଼ାଉ କରି ବଡ଼ ମାଛକୁ ଛାଡି ଦେଉଥିବା ସାଧାରଣରେ ଚର୍ଚ୍ଚା ହେଉଛି।
ଟାଙ୍ଗୀ (ସୀତାରାମ ଅଗ୍ରୱାଲ): ଆଜି ଖୋର୍ଦ୍ଧା ଜିଲ୍ଲା ଟାଙ୍ଗି ଓ ବାଲୁଗାଁ ଅବକାରୀ ଅଧିକାରୀଙ୍କ ଦ୍ୱାରା ପୃଥକ ପୃଥକ ଭାବରେ ଚଢ଼ାଉ କରାଯାଇ ଚଣ୍ଡେଶ୍ୱର ଛକରୁ କନ୍ଧନୟାଗଡ଼ ଅଞ୍ଚଳର ଜିତେନ୍ଦ୍ର ଖମାରିଙ୍କ ଠାରୁ ୩୦ ଗ୍ରାମ ବ୍ରାଉନସୁଗାର ଏବଂ ଟାଙ୍ଗି ବଡ଼ପାରି ଓଭରବ୍ରିଜ ତଳୁ କନ୍ଧନୟାଗଡ଼ ଅଞ୍ଚଳର ଦିପୁ କଳସିଙ୍କ ଠାରୁ ୨୫ ଗ୍ରାମ ବ୍ରାଉନ ସୁଗାର ଜବତ କରାଯାଇଛି। ଜବତ ବ୍ରାଉନ ସୁଗାରର ଆନୁମାନିକ ମୂଲ୍ୟ ପାଞ୍ଚ ଲକ୍ଷ ପଚାଶ ହଜାର ଟଙ୍କା ହେବ।
ଏହି ପରିପ୍ରେକ୍ଷୀରେ ଅବକାରୀ ବିଭାଗ ଦୁଇ ଗୋଟି ମାମଲା ରୁଜୁ କରି ଉଭୟ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ଉକ୍ତ ଚଢ଼ାଉରେ ଟାଙ୍ଗି ରେଞ୍ଜ ଅବକାରୀ ନିରୀକ୍ଷକ ନାରାୟଣ ଜେନା, ବାଲୁଗାଁ ଅବକାରୀ ଅଧିକାରୀ ସ୍ମିତା ପଣ୍ଡାଙ୍କ ସମେତ ଅନ୍ୟ କର୍ମଚାରୀମାନେ ମଧ୍ୟ ସାମିଲ ଥିଲେ।
ସୀତାରାମ ଅଗ୍ରୱାଲ
ବାଣପୁର: ଆଜି ବାଲୁଗାଁ ଅବକାରୀ ବିଭାଗ ବାଣପୁର ଥାନା ସାନସିରେଇପୁର ଫରେଷ୍ଟ ବିଟ ହାଉସ ନିକଟରୁ ଏକ ଦେଶୀ ମଦ ବୋଝେଇ ଯାତ୍ରୀବାହି ଅଟୋ ଜବତ କରିବା ସହ ଅଟୋ ଚାଳକଙ୍କୁ ଗିରଫ କରିଛି। ଏ ନେଇ ବାଲୁଗାଁ ଅବକାରୀ ଅଧିକାରୀ ରୋହିତ ଦଣ୍ଡସେଣ ସୂଚନା ଦେଇଛନ୍ତି।
ସୂଚନା ମୁତାବକ ଆଜି ପୂର୍ବାହ୍ନରେ ବାଲୁଗାଁ ଅବକାରୀ ବିଭାଗ ପାଟ୍ରୋଲିଂ କରୁଥିବା ବେଳେ ସାନସିରେଇପୁର ଫରେଷ୍ଟ ବିଟ ହାଉସ ନିକଟରେ ଏକ ଯାତ୍ରୀବାହି ଅଟୋଟି ଆସୁଥିବା ବେଳେ ସନ୍ଦେହ ହେବାରୁ ଅବକାରୀ ବିଭାଗ ଏହାର ତାଲାସି ନେଇଥିଲା। ତାଲାସି ବେଳେ ଅଟୋରୁ ୨୩୦ ଲିଟର ଦେଶୀ ମଦ ଜବତ ହୋଇଥିବା ବେଳେ ଅଭିଯୁକ୍ତ ଅଟୋ ଚାଳକ ରଞ୍ଜନ ସାହୁଙ୍କୁ ଗିରଫ କରିଛି ଅବକାରୀ ବିଭାଗ।
ଏହି ପରିପ୍ରେକ୍ଷୀରେ ଅଭିଯୁକ୍ତଙ୍କ ବିରୋଧରେ ପିଆର ନମ୍ବର ୧୩୫/୨୨-୨୩ ରେ ମାମଲା ରୁଜୁ କରାଯାଇ କୋର୍ଟଚାଲାଣ କରାଯାଇଥିବାର ସୂଚନା ଦେଇଛନ୍ତି ଅବକାରୀ ଅଧିକାରୀ ଶ୍ରୀ ଦଣ୍ଡସେଣ।