ଖୋର୍ଦ୍ଧା: ଆଜି ଓଡିଶା ସରକାରଙ୍କ ଖାଦ୍ୟ ଯୋଗାଣ, ଖାଉଟି କଲ୍ୟାଣ ଏବଂ ବିଜ୍ଞାନ ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର ଖୋର୍ଦ୍ଧା ଜିଲ୍ଲାର ଜିଲ୍ଲାସ୍ତରୀୟ ବିକାଶ ମେଳା ଉଦଘାଟନ କରିଛନ୍ତି। ତାଙ୍କ ସହ ଏକାମ୍ର ଭୂବନେଶ୍ବର ବିଧାୟକ ବାବୁ ସିଂ, ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦ୍ଦେବ ଏବଂ ସାଂସଦଙ୍କ ପ୍ରତିନିଧି ଦିଲୀପ କୁମାର ହୋତା, ଖୋର୍ଦ୍ଧା ଜିଲ୍ଲାର ଭାରତୀୟ ଜନତା ପାର୍ଟୀ ଅଧ୍ୟକ୍ଷ ରଶ୍ମୀରଞ୍ଜନ ମହାପାତ୍ର, ବ୍ଲକ ଉପାଧ୍ୟକ୍ଷ ପ୍ରକାଶ ଚନ୍ଦ୍ର ସାହୁ, ଜିଲ୍ଲାପାଳ ଚଞ୍ଚଳ ରଣା, ବହୁମାନ୍ୟ ଗଣ୍ୟ ବ୍ୟକ୍ତି, ହିତାଧିକାରୀ, ବିଭିନ୍ନ ବିଭାଗୀୟ ଅଧିକାରୀ ତଥା ଅତିରିକ୍ତ ଜିଲ୍ଲାପାଳ ପ୍ରତାପ ଚନ୍ଦ୍ର ବେଉରା, ଅତିରିକ୍ତ ଜିଲ୍ଲାପାଳ ସାଫଲ୍ୟ ମଣ୍ଡିତ ପ୍ରଧାନ, ଅତିରିକ୍ତ ମୁଖ୍ୟ ଉନ୍ନୟନ ଅଧିକାରୀ କସ୍ତୁରୀବାଳା ଜେନା, ଉପଜିଲ୍ଲାପାଳ ଦିପ୍ତିରଞ୍ଜନ ସେଠୀ, ଖୋର୍ଦ୍ଧା ବି. ଡ଼ି .ଓ , ଖୋର୍ଦ୍ଧା ତହସିଲଦାର ପ୍ରମୁଖ ଯୋଗ ଦେଇଥିଲେ।
କାର୍ଯ୍ୟକ୍ରମର ଆରମ୍ଭ ହେବ ଆଗରୁ ମାନ୍ୟବର ମନ୍ତ୍ରୀ ଏବଂ ତାଙ୍କ ଟିମ ଜିଲ୍ଲାରେ ହୋଇଥିବା ୨୫ ଟି ଷ୍ଟଲ ପ୍ରଦକ୍ଷିତା କରି ମତାମତ ଦେଇଥିଲେ।
କାର୍ଯ୍ୟକ୍ରମର ପ୍ରାରମ୍ଭରେ ପ୍ରଦୀପ ପ୍ରଜ୍ଜ୍ଵଳନ କରଯାଇଥିଲା ଏବଂ ପରପରେ ପ୍ରାରମ୍ଭିକ ସଙ୍ଗୀତ (ବନ୍ଦେ ଉତ୍କଳ ଜନନୀ ) ପରିବେଷଣ କରଯାଇଥିଲା। ସ୍ଵଚ୍ଚତା ଶପଥ ନିଆଯାଇଥିଲା। ଜିଲ୍ଲାପାଳଙ୍କ ସ୍ବାଗତ ଭାଷଣ ଓ ସମ୍ମାନୀୟ ଅତିଥିମାନଙ୍କୁ ଉଦବୋଧନ ପର ପରେ ସୁଭଦ୍ରା ଯୋଜନାର ହିତାଧିକାରୀମାନଙ୍କୁ ମୁଖ୍ୟ ଅତିଥିଙ୍କ ଦ୍ବାରା ସହାୟତା ରାଶି ପ୍ରଦାନ କରଯାଇଥିଲା। ୦୬ ଜଣ ଭିନ୍ନକ୍ଷମଙ୍କୁ ମୁଖ୍ୟ ଅତିଥିଙ୍କ ଦ୍ବାରା ଲାପଟପ ପ୍ରଦାନ କରଯାଇଥିଲା। ସରକାରଙ୍କ ଦ୍ଵାର ପ୍ରଣିତ ପ୍ରମୁଖ ଯୋଜନା ପର୍ଯବେସିତ ଦୃଶ୍ୟ -ଶ୍ରାବ୍ୟ ଚିତ୍ର ପ୍ରଦର୍ଶନ କରଯାଇଥିଲ।
ପରିଶେଷରେ ମୁଖ୍ୟ ଅତିଥିଙ୍କ ଦ୍ବାରା ସମସ୍ତଙ୍କ ଉଦ୍ଧେଶ୍ୟରେ ଅଭିଭାଷଣ ରଖିଥିଲେ। ସେ ପ୍ରଥମେ ଦେଶ ପାଇଁ ପ୍ରାଣବଳୀ ଦେଇଥିବା ଖୋର୍ଦ୍ଧା ମାଟିର ବୀର ଶହୀଦ ମାନଙ୍କ ଉଦ୍ଧେଶ୍ୟରେ ଶ୍ରଦ୍ଧାଞ୍ଜଳୀ ଅର୍ପଣ କରିବା ସଙ୍ଗେସଙ୍ଗେ ସ୍ମୃତି ଚାରଣ କରିଥିଲେ। କାଳଜୟୀ ପୁରୁଷ ଗୋଦାବରୀଶ ମିଶ୍ର, ଗୋଦାବରୀଶ ମହାପାତ୍ର, ସଚ୍ଚିରାଉତ ରାୟଙ୍କ ଉଦ୍ଧେଶ୍ୟରେ ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ। ଓଡ଼ିଶା ସରକାରଙ୍କ ୧୦୦ ଦିନର ବିକଶିତ ଓଡ଼ିଶାର ବିଭିନ୍ନ ଜନହିତକର କାର୍ଯ୍ୟ ଉପରେ ଅବଗତ କରାଇଥିଲେ । ୨୦୪୭ ମସିହାରେ ବିକଶିତ ଭାରତ ବର୍ଷ, ତା ଭିତରେ ବିକଶିତ ଓଡ଼ିଶା ଏବଂ ବିକଶିତ ଖୋର୍ଦ୍ଧାର ସ୍ବପ୍ନକୁ ସାକାର କରିବାକୁ ମାନ୍ୟବର ମୁଖ୍ୟମନ୍ତ୍ରୀଙ୍କ ପ୍ରୟାସ। ଖୋର୍ଦ୍ଧା ନେତୃତ୍ଵ ନେବ ଓଡ଼ିଶାର ବିକାଶ ଏବଂ ଓଡ଼ିଶା ନେତୃତ୍ଵ ନେବ ଭାରତର ବିକାଶ ଦିଗରେ।