ଭୁବନେଶ୍ବର: ଆଜି ଭାରତୀୟ ଜନତା ପାର୍ଟି ଓଡିଶାର ତରଫରୁ ରାଜ୍ୟ ବିଧାନସଭା ନିର୍ବାଚନ ପାଇଁ ଉନମୋଚନ କରାଯାଇଛି ନିର୍ବାଚନ ଇସ୍ତାହାର। ଯାହାର ନାମ ରଖାଯାଇଛି ସଂକଳ୍ପ ପତ୍ର। ଭୁବନେଶ୍ବରର ଏକ ତାରକା ହୋଟେଲରେ ଏହି ସଂକଳ୍ପପତ୍ରକୁ ଉନମୋଜଚନ କରିଛନ୍ତି ରାଷ୍ଟ୍ରୀୟ ଅଧ୍ୟକ୍ଷ ଜେ ପି ନଡ୍ଡା।
ଏଥିରେ ସାଂସଦ ଅପରାଜିତା ଷଡଙ୍ଗୀ, ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା, ଓଡିଶା ସଭାପତି ମନମୋହନ ସାମଲ ଏବଂ ବିଜେପି ସାଂସଦ ଜୁଏଲ ଓରାମ। ଏହି ସଂକଳ୍ପପତ୍ର ମୁଖ୍ୟତଃ ଓଡିଶାକୁ ନଜରରେ ରଖି କରାଯାଇଛି। ଏହାର ମୁଖ୍ୟ ପ୍ରସଂଗ ରହିଛି ଓଡିଶା ପାଇଁ ମୋଦିଙ୍କ ଗ୍ୟାରେଣ୍ଟି। ଏହି ଅବସରରେ ନଡ୍ଡା କହିଛନ୍ତି ଯେ, ମୋଦୀଙ୍କ ପାଇଁ ସାରା ଦେଶରେ ରାଜନୈତିକ ସଂସ୍କୃତି ପରିବର୍ତ୍ତନ ହୋଇଛି। ନିର୍ବାଚନୀ ଇସ୍ତାହାରର ଗୁରୁତ୍ବ ବଢିଯାଇଛି।
ନଡ୍ଡା କହିଛନ୍ତି ଯେ, ବିଜେପି ଯାହା କିଛି ଇସ୍ତାହାରରେ ପ୍ରତିଶୃତି ଦେଉଛି ତାହାକୁ ସେ ପାଳନ କରୁଛି। ଏଥିରେ ଥିବା ପ୍ରତିଶୃତି କାର୍ଯ୍ୟକାରୀ ହେଲା କି ନାହିଁ ସେ ଉପରେ ତର୍ଜ୍ଜମା କରାଯାଉଛି। ବର୍ତ୍ତମାନ ଓଡିଶାବାସୀଙ୍କ ପାଇଁ ଯେଉଁ ପ୍ରତିଶୃତି ଏହି ସଂକଳ୍ପ ପତ୍ରରେ ଦିଆଯାଇଛି ତାହା ନିଶ୍ଚିତ ପୂରଣ କରାଯିବ ବୋଲି ନଡ୍ଡା କହିଛନ୍ତି।