ଭୁବନେଶ୍ବର: ଆଜି ରାଜ୍ୟ ବିଜେପି ତାହାର କାର୍ଯ୍ୟକାରିଣୀ ବୈଠକରେ୨୦୨୪ ସାଧାରଣ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରିଛି । ଏଥିପାଇଁ ଦଳ ଏକ ମାସ ସମୟ ନେଇଛି। ଏହି ମାସେ ଭିତରେ ପ୍ରତି ବୁଥରେ ୨୦୦ରୁ ୨୫୦ ଲୋକଙ୍କ ପାଖକୁ ଯାଇ ମହାଜନସମ୍ପର୍କ ଅଭିଯାନ କରିବ ବିଜେପି।
ସେହିପରି ମଣ୍ଡଳ ସ୍ତରରେ ୪ଜଣିଆ ଟିମ୍ ଗଠନ କରିବାକୁ ନିଷ୍ପତି କରିଛି ଦଳ। ପ୍ରଦେଶ କାର୍ଯ୍ୟକାରିଣୀ ପରି ପ୍ରତି ଜିଲ୍ଲା ଓ ମଣ୍ଡଳରେ ମଧ୍ୟ ବୈଠକ କରାଯିବ। ଏହି ବୈଠକ ଚଳିତ ମେ ୨୫ ପୂର୍ବରୁ ଶେଷ କରାଯିବ। ସବୁ କାର୍ଯ୍ୟସମିତି ବୈଠକରେ ନିର୍ବାଚିତ ପ୍ରତିନିଧିମାନଙ୍କୁ ସାମିଲ କରାଯିବ।
ବିଜେପି ସଭାପତି ମନମୋହନ ସାମଲଙ୍କ ଅଧ୍ୟକ୍ଷତାରେ ବସିଥିବା ଏହି ବୈଠକରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଶେଶ୍ବର ଟୁଡୁଙ୍କ ସହିତ ପ୍ରଭାରୀ ସୁନୀଲ ବଂଶଲ, ଡି ପୁରେନ୍ଦରଶ୍ବରୀ ଏବଂ ଦଳର ବିଧାୟକ ଓ ସାଂସଦମାନେ ଯୋଗ ଦେଇଥିଲେ।