ସୀତାରାମ ଅଗ୍ରୱାଲ
ବାଲୁଗାଁ: ଖୋର୍ଦ୍ଧା ଜିଲ୍ଲା ବାଲୁଗାଁ ଥାନାରେ ନୂତନ ଆଇଆଇସି ଭାବେ ଜୟପ୍ରକାଶ ପରିଡ଼ା ଯୋଗ ଦେବା ପରେ ବିଭିନ୍ନ ଅପରାଧିକ କାର୍ଯ୍ୟକଳାପକୁ ରୋକିବା ଦିଗରେ ପଦକ୍ଷେପ ଗ୍ରହଣ କରିଛନ୍ତି। ବିଶେଷକରି ମଦ ଚୋରା ଚାଲାଣ, ବେପରୁଆ ଗାଡ଼ି ଚାଳନା ରୋକିବା ଦିଗରେ ଗୁରୁତ୍ୱ ଦେଉଛନ୍ତି ଆଇଆଇସି ଶ୍ରୀ ପରିଡ଼ା।
ବିଗତ ଦୁଇ ଦିନ ହେବ ବାଲୁଗାଁ ଥାନା ଅଞ୍ଚଳରେ ମଦ ଚଢ଼ାଉ ଜାରି ରହିଥିବା ବେଳେ ବୁଧବାର ଦିନ ୧୮.୬୪୦ ଲିଟର ବିଦେଶୀ ମଦ ଜବତ ହୋଇଛି। ଏହି ପରିପ୍ରେକ୍ଷୀରେ ବ୍ରଜରାଜପୁର ଗ୍ରାମର ଅଭିଯୁକ୍ତ କେଦାର ବେହେରା (୫୫) ଗିରଫ ହୋଇଛନ୍ତି।
ସେହିପରି ଭାବେ ଦୁଇ ଦିନ ମଧ୍ୟରେ ତିନି ଗୋଟି ମଦ ଜନିତ ମାମଲା ରୁଜୁ ହୋଇଥିବା ବେଳେ ତିନି ଅଭିଯୁକ୍ତ ଗିରଫ ହୋଇଛନ୍ତି।
ଅନୁରୂପ ଭାବେ ଟ୍ରାଫିକ ନିୟମ ଉଲଂଘନକାରୀଙ୍କ ଠାରୁ ଏକ ଲକ୍ଷ ଟଙ୍କା ଜରିମାନା ଆଦାୟ ହୋଇଥିବା ବେଳେ ପାଞ୍ଚ ଗୋଟି ୱାରେଣ୍ଟ ଗିରଫ ହୋଇଥିବାର ଆଇଆଇସି ଶ୍ରୀ ପରିଡ଼ା ସୂଚନା ଦେଇଛନ୍ତି।